رأيكم إيه في الأسترا 2008 ؟؟

**mmkhattab** · 11-08-2014 12:01 PM

طبعا مش هسأل عن الموتور و الثبات و الخامات لأني بسأل على أوبل
انا محتاج رأيكم في إعتمادية العربية و مشاكلها إيه عموما و هل هعمل صيانتها الدورية و انساها ولا هترخم عليا ؟؟
للأسف الفئة السعرية اللي بدور فيها مفيش فيها عربيات كتير .. ميجان-أسترا-307
دول العربيات اللي برتاحلهم عموما
انا معايا شيفرولية و عارف منصور كويس بس هعمل إية .. مجبر أخاك لا بطل
..
ياريت يا رجالة محدش يبخل عليا بالمعلومة لأن مواضيع الأسترا تكاد تكون معدومة

**احمد فهمى** · 11-08-2014 09:10 PM

الاسترا مقارنه بالعرببتين دول تكسب مشاكلها محفوظه

**mmkhattab** · 12-08-2014 10:48 AM

أستاذ أحمد فهمي : متشكر جدااااااا لرد حضرتك بس ممكن تقولى إيه هيا مشاكلها و ياترى هي عربية إعتمادية ولا لأ ..
----------------------------------------------------------
a7mad mo7amad : حضرتك معاك العربية دي ؟؟ و لو معاك أخباركو إيه مع بعض ؟؟

**a7mad_mo7amad6** · 12-08-2014 05:05 PM

اه معايا...
انا مش شايف فيها عيب غير ان كمبيوتر الفتيس تكلفته عاليه لما بيبوظ...
غير كده مش شايفلها مشاكل ايدا وبستمتع وانا راكبها جدا...

**ameros** · 12-08-2014 05:32 PM

ال ٢٠٠٧ افضل بمراحل
ثم ان الاسترا ال h اخرها ف اوروبا ال ٢٠٠٧ بي منصور بعبقريتوا نزل منها مو ٢٠٠٨ اللي هيه اصلا ٢٠٠٧ مع شويبة تعديلات فالفتيس والشكل الخارجي للاسوأ

**Ahmedology** · 15-08-2014 04:23 PM

متابع..
يا رب يكون حد عنده إضافة لأن أخويا بيدور على واحدة يشتريها والصراحة خايف عليه يلبس.. أنا عارف الفيكترا سي فيها مشكلة السخونة.. يا ترى الأسترا فيها نفس المشكلة..؟
وواحد قالي إن تكييفها سيء وكثير الأعطال، بس هوة كان بيحاول يبيعلنا عربيته بيجو 307 فالصراحة كلامه مش محل ثقة بتاتا.. بس برضه نتأكد م الخبراء اللي في قسم أوبل :d

**haisam ali** · 15-08-2014 05:28 PM

المشاركة الأصلية كتبت بواسطة ahmedology

متابع..
يا رب يكون حد عنده إضافة لأن أخويا بيدور على واحدة يشتريها والصراحة خايف عليه يلبس.. أنا عارف الفيكترا سي فيها مشكلة السخونة.. يا ترى الأسترا فيها نفس المشكلة..؟
وواحد قالي إن تكييفها سيء وكثير الأعطال، بس هوة كان بيحاول يبيعلنا عربيته بيجو 307 فالصراحة كلامه مش محل ثقة بتاتا.. بس برضه نتأكد م الخبراء اللي في قسم أوبل :d

والله ياستاذ احمد انا عمرى ماقبلت حد غير مايقولى مشكله الاوبل انه بيسخن ... مشكله الاوبل انه بيسخن .... وده كلام غير مقنع بالمره يعنى ايه عربيه تسخن ... اكيد حضرتك فاهم ان سخونيه موتور العربيه = اهمال عنيف فى دوره التبريد والصيانه العامه للموتور ..... ودى مش مشكله اوبل دى مشكلت اصحاب العربيات اللى بيظلموا العربيات دى وبيظلمونا احنا كعشاق للعربيات دى ومش عارفين نشتروها زيرو .... فبنعمل ايه ..؟؟ اكيد بنشتروها مستعمله بعد ما يكونوا هوما عملوا فيها كل الاختراعات المتاحه ... شيل الثرموثتات دى اول حاجه.. بيعملوها يمكن حتى من غير مالعربيه تسخن ..وطبعا ميه الحنفيه الجميله ...مايمنعش برضه كنزايه ميه خضرا معدومه المصدر.. وهوبا الصدأ يملأ المجارى وشويه وتسخن جدا تضرب جوان وانت فاهم بقى الباقى .... واحنا طبعا نشتري منهم العربيه من دى بعد مايكونوا هوما عدموها العافيه.. وهاتك يامصاريف ويعينى العربيه بتبقى خلاص خدت ع البهدله فمش عارفه تنظف ...تلاقيها بتقطع ...مش بتسحب ..الكنترول ملعوب فى ضفيرته.. ياراجل ده انا مره شوفت واحد موصل طرمبه البنزين ديركت من البطارية فسألته ليه كده حرام عليك .... يرد يقولى اصل الكنترول مش بيطلع كهرباء للطرمبه جامده ... فإحنا شعب اصلا معدلتيه.. يعنى شعب الطريقه ..وأكيد انت فاهمنى ياكبير ... فصدقنى الالمانى والاوبل بالذات مظلوم فى مصر اقسم بالله العربيات دى حكاااااايه واى موديل فيها اروع من التانى ... نصيحتى لاخو حضرتك يدور على عربيه من صاحبها وصيانه نظيفه واكشف توكيل وسيب الباقى على ربنا ومن بعده الرجاله اللى زى الفل هنا فى المنتدى