سؤال الى اولياء الامور المصريين المقيمين فى السعوديه

**khaled_sabry** · 11-08-2014 03:08 PM

السلام عليكم
حاليا انا معروض عليا اوفر فى السعوديه - من ضمن بنود الاوفر ده هو خصم خاص لتعليم الاولاد فى مدرسه منارات الرياض الانترناشونال (هذه المدرسه فقط)
و طبعا احنا عارفين ان مدارس السعوديه الاهليه مالهاش لازمه و المدارس الانترناشونال غاليه جداا و حتضيعلى اللى ححوشه

المشكله انى حاليا مش عارف ان كان اصلا اولادى ينفع يدرسو هناك و لا لاء - واصحاب العمل حاسس ان معندهمشى اجابات مؤكده لأنهم مش من استاف المدرسه (انا مهندس و دى شركه برمجه)
انا ابنى الكبير داخل kg1 لغات السنه دى و عمره 5 سنوات و نص
وبنتى 4 سنين و نصف و المفروض حتدخل المدرسه بإذن الله السنه الجايه

فهل كده اعمارهم مناسبه لدخول المدرسه دى و لا ايه ؟؟
ولا اصلا المدارس دى ليها نظام تانى فى قبول الاطفال غير العمر ؟؟
انا لما عملت سيرش على الحكايه دى مش لاقى حد اتكلم فى الموضوع ده نهائى
ياريت حد يجاوبنى بسرعه ( زى مابيقولو السعوديين الفزعه يا شباب) - علشان تبقى الصوره واضحه علشان اقرر ان كنت حكمل فى الموضوع و لا اعتذر من دلوقتى

**mr_vampire** · 11-08-2014 03:13 PM

لو اوفر الشغل نفسه كويس. روح وظبط كل حاجة وابعتلهم

**minicooper20** · 11-08-2014 03:28 PM

لو الشركه بتاعت، مش موفرينلك ماريف تعليم كامله لولادك و فى المدرسه التختارها
هتتعور جامد لان هنا المادارس مبترحمش و علشان تاخد مستوى تعليم بجد هتدفع كتير

**khaled_sabry** · 11-08-2014 03:35 PM

المشاركة الأصلية كتبت بواسطة minicooper20

لو الشركه بتاعت، مش موفرينلك ماريف تعليم كامله لولادك و فى المدرسه التختارها
هتتعور جامد لان هنا المادارس مبترحمش و علشان تاخد مستوى تعليم بجد هتدفع كتير

هما يعتبرو موفرين مصاريف التعليم فى مدرسه واحده اللى هى منارات الرياض - لإن المالك للمدرسه و الشركه واحد
و بعد بحث على النت لاقيت كتير بيشكر فيها - بس سؤالى هل المدرسه دى تحديدا ممكن ادخل اولادى فيها فى اى سن و لا سن محدد و هل فيه امتحانات للقبول و لا اى طفل بيجي بيتقبل و بيدخل الصف الدراسى بتاعه (زى المدارس فى كندا )

**mohamed_selim** · 11-08-2014 04:12 PM

ماظنش ان موضوع السن ده موجود غير فى مصر عشان الاعداد !

**tkamal** · 11-08-2014 05:03 PM

للعلم تكاليف الدراسه بالمنارات فوق 25 ريال فى السنه الواحدة للطالب الواحد
انت بس هات معاك اوراق وشهادات تثبت ان اولادك كانوا فى مدراس فى مصر ووثق الورق دة من الخارجيه والسفاره المدرسه كويسه والناس بتشكر فيها بس التعليم فى السعوديه عامه اقل فى المستوى من مصر

**khaled_sabry** · 12-08-2014 07:59 AM

المشاركة الأصلية كتبت بواسطة a_taamer

انت بس هات معاك اوراق وشهادات تثبت ان اولادك كانوا فى مدراس فى مصر ووثق الورق دة من الخارجيه والسفاره المدرسه كويسه والناس بتشكر فيها بس التعليم فى السعوديه عامه اقل فى المستوى من مصر

هو ابنى الكبير 5 و نص فهو كان لسه حيدخل KG1 لغات السنه دى فمافيش شهادات لإنه مادخلشى المدرسه قبل كده
بس انا اللى خايف منه لحسن يكون سن Kg1 هناك اقل من 5 ونص و يبقى هو الكبير اللى فى الفصل
و هل فيه امتحانات قبول فى منارات الرياض الانترناشونال (او اى سبب تانى يخليهم يرفضو قبول ابنى ) ؟؟ لإن الاوفر اللى معايا عاملى خصم على المدرسه دى تحديدا مش لاى مدرسه تانيه

**mohamed_selim** · 12-08-2014 01:13 PM

انا سالتلك واحد صاحبى مدرس فى السعوديه و ده رده:
منارة الرياض كويسه اذا كانت تابعه لمجموعة مدارس المنارات و دى مجموعه بيره و فى منها فى مصر ... الادارات مختلفه بس كلها تابعه لنفس المجموعه
التخفيض على المدارس عادة بيكون للمدرسين كجزء من الباكدج من 10% لحد 50% ... غالبا انت داخل فى حاجه شبه نفس النظام بتاع المدرسين لان فى الاخر صاحب المدرسه و العمل واحد
دخول المدارس فى السعوديه بيكون فى اختبار قبول للتاكد من سلامة الطفل يعنى مش للنجاح و السقوط او نظام لو مش عارف مش هيتقبل ... اختبار عادى لتحديد سلامة الطفل و انه هيتقبل التعليم

ربنا يوفقه

ده رد صاحبى

**khaled_sabry** · 12-08-2014 01:46 PM

المشاركة الأصلية كتبت بواسطة mohamed_selim

انا سالتلك واحد صاحبى مدرس فى السعوديه و ده رده:
منارة الرياض كويسه اذا كانت تابعه لمجموعة مدارس المنارات و دى مجموعه بيره و فى منها فى مصر ... الادارات مختلفه بس كلها تابعه لنفس المجموعه
التخفيض على المدارس عادة بيكون للمدرسين كجزء من الباكدج من 10% لحد 50% ... غالبا انت داخل فى حاجه شبه نفس النظام بتاع المدرسين لان فى الاخر صاحب المدرسه و العمل واحد
دخول المدارس فى السعوديه بيكون فى اختبار قبول للتاكد من سلامة الطفل يعنى مش للنجاح و السقوط او نظام لو مش عارف مش هيتقبل ... اختبار عادى لتحديد سلامة الطفل و انه هيتقبل التعليم

ربنا يوفقه

ده رد صاحبى

الف شكر على الاهتمام