لو مكاني تختار ايه؟!

**Land_Cruiser** · 11-08-2014 10:53 PM

امبريزا - جين 2 - جراند بونتو
الامبريزا الهاتشباك جميله وواسعه قوي و اداؤها رياضي جميل بس الفكره انه مش سهل تلاقي منها حاله كويسه فعلا خاصه و ان الموديل مش جديد و لو لقيت موديل احدث يبقي ممتاز. بالنسبه لاعاده البيع هي مش هتخسر فيها كتير نظرا لان حضرتك مش المالك الاول لان ده اللي عاده بيتدبس و بالتالي السعر مش مشكله قوي هي بس ممكن تبقي تقيله حبتين في البيع لحد ما تلاقيلها مشتري و نظرا لان الموضوع يتوقف انك تلاقي حاله محترمه او ممكن لا يبقي الاختيار بعدها للجين 2 لانها موديل حديث طبعا و اكيد عداد كيلومتر قليل ده بالاضافه الي ان حضرتك حافظها. بالنسبه للبونتو مشكلتها ان موديلها قديم و صعب تلاقي فيها حاله كويسه لان معظم ملاكها بيبقوا شباب و مقضينها شد و غرز و توكيلها مشهور في وجع قلب مالكيها و قطع غيارها مش رخيصه

**eng.m7md.ali** · 12-08-2014 01:44 AM

المشاركة الأصلية كتبت بواسطة s o p h o s

فرأي ليك انت يا باشا الجين 2 انسب لانك حافظ البروتون
وهتعرف توجد حلول كويسة مع العربية قدام نتيجة ان كان معاك
بروتون قبل كده حتي لو مش جين
الاختيار التاني لو مش عاوز الجين هيبقي السوبارو
الفيات جميلة لكن مش حاسسها اوي بصراحة ومش معاها كرأي
واتمني ليك ان شاء الله افضل عربية

متشكر جداً ياباشا المشكلة ان الفيات بتلعب في دماغي دلوقتي اكتر من البروتون والسوبارو اللي بحبهم

**eng.m7md.ali** · 12-08-2014 01:47 AM

المشاركة الأصلية كتبت بواسطة Omar Mahmoud

انا حاسس بنفس اللي انت حاسس بيه لأن ده اللي حصل معايا لما اخويا اشتري البروتون
انا رأيي السوبارو-بروتون-فيات
فيات برافو و بونتو علي what car في ride and handling واخدين 2/5
البروتون 3/5 و السوبارو احسنهم مش محتاجة كلام.
غير ahmedsiyam لو شفت الردود عنده كان قايل إن الجين احسن البرافو في الثبات.
لكن لو حالة السوبارو كويسة تبقي هي طبعا.
بالتوفيق.

غريبة !!!

ازاي البرافو الt-jet متبقاش احسن من الجين2 !!

دي تيربو 120 - او 150 حصان على حسب موديلها اعتقد العربية تبقى متجهزة لفرق القوة ده بتزويد اداء الفرامل والعفشة !

**eng.m7md.ali** · 12-08-2014 01:54 AM

المشاركة الأصلية كتبت بواسطة j a g u a r

خليك فى البروتون طالما عارف اللى فيها كويس وكمان موديل حديث

تمام كدة .. بس بردو الفيات جراند بونتو كوبيه تيربو لسة بتلعب في دماغي رغم خوفي من صيانتها وقطع غيارها

المشاركة الأصلية كتبت بواسطة land_cruiser

امبريزا - جين 2 - جراند بونتو
الامبريزا الهاتشباك جميله وواسعه قوي و اداؤها رياضي جميل بس الفكره انه مش سهل تلاقي منها حاله كويسه فعلا خاصه و ان الموديل مش جديد و لو لقيت موديل احدث يبقي ممتاز. بالنسبه لاعاده البيع هي مش هتخسر فيها كتير نظرا لان حضرتك مش المالك الاول لان ده اللي عاده بيتدبس و بالتالي السعر مش مشكله قوي هي بس ممكن تبقي تقيله حبتين في البيع لحد ما تلاقيلها مشتري و نظرا لان الموضوع يتوقف انك تلاقي حاله محترمه او ممكن لا يبقي الاختيار بعدها للجين 2 لانها موديل حديث طبعا و اكيد عداد كيلومتر قليل ده بالاضافه الي ان حضرتك حافظها. بالنسبه للبونتو مشكلتها ان موديلها قديم و صعب تلاقي فيها حاله كويسه لان معظم ملاكها بيبقوا شباب و مقضينها شد و غرز و توكيلها مشهور في وجع قلب مالكيها و قطع غيارها مش رخيصه

كل عربية منهم مخوفاني منها

يعني الجين2 انا عارفها وعارف مشاكلها بس انا نفسي في فتحة سقف الصراحة مش هكدب عليك من اللي في الامبريزا والفيات الكوبيه وفي نفس الوقت خايف من ال2 التانيين من قطع الغيار و اسعارها والحالة العامة وكمان موديل قديم .. واللي زود الحيرة النهاردة اكتر اني شوفت البونتو ماشية جمبي شكلها بصراحة حلي في عيني اكتر من الاول لاني مكنتش بفكر فيها اصلاً

اتمنى من ملاك فيات يدوني رأيهم عن العربية دي واعتقد بعد التقرير والرأي هفضل محتار بردو

**M!SHO** · 12-08-2014 02:08 AM

امبريزا

لو لقيت منها حالة تمام التمام دوس ، ولو مش هتدوس قولي وانا ادوس :)

**Omar Mahmoud** · 12-08-2014 02:24 AM

المشاركة الأصلية كتبت بواسطة eng f3lix

غريبة !!!

ازاي البرافو الt-jet متبقاش احسن من الجين2 !!

دي تيربو 120 - او 150 حصان على حسب موديلها اعتقد العربية تبقى متجهزة لفرق القوة ده بتزويد اداء الفرامل والعفشة !

انا اصلا مكنتش مقتنع إن الجين 2 تاخد 3/5 في ride&handling و ال14 version بتوع البونتو ياخدوا 2/5
لكن في الperformance الفيات واخدة 4/5 و البروتون واخدة 3/5.
بردو الكلام ده انا جايبه من الreview بتاع كل عربية من what car.

**eng.m7md.ali** · 12-08-2014 02:41 AM

المشاركة الأصلية كتبت بواسطة M!SHO

امبريزا

لو لقيت منها حالة تمام التمام دوس ، ولو مش هتدوس قولي وانا ادوس :)

المشكلة في الحالة

**hesham fawzy h** · 12-08-2014 07:54 AM

ابعد عن البونتو خالص
كنت عايز اجيبها و كل الناس قالتلى بلاش
قطع غيار غالية جدا ومشاكلها كتيييير خصوصا لو اوتوماتك
نصيحة بلاش بونتو خالص

**hesham fawzy h** · 12-08-2014 07:56 AM

الجين 2 ، بتاعت استخدام شخص واحد ، الاحسن تكووووون المالك الاول ( زيرو يعنى )
و ربنا يوفقك فى اختيارك

**eng.m7md.ali** · 12-08-2014 06:51 PM

المشاركة الأصلية كتبت بواسطة Omar Mahmoud

انا اصلا مكنتش مقتنع إن الجين 2 تاخد 3/5 في ride&handling و ال14 version بتوع البونتو ياخدوا 2/5
لكن في الperformance الفيات واخدة 4/5 و البروتون واخدة 3/5.
بردو الكلام ده انا جايبه من الreview بتاع كل عربية من what car.

هو طبيعي انها تبقى احسن في ال performance عشان متربنة .. اكيد احسن في الموتور والفرامل .. والمفروض في العفشة والتوجيه لكن واضح ان العكس حصل