مقارنه بين هوندا سيفك واوبترا ومحتاج مساعدتكم

**mo3tsem** · 13-08-2014 12:39 PM

ازيكوا يا اخونا .. ان شاء الله تكونوا بخير

ام هند .. انا في قدامي اوبترا 2010 كامله اوتوماتك راشه بره نظافه فقط عشان عليها استيكرات والكلام ده ودي بيتكلم في 75 الف نهاااائي

ام هند التانيه بقي ... هوندا سيفك ( عشقي الاول والاخير ) موديل 94 كامله اوتوماتك ولسه متسقط عليها مكنه فيتك 1500 راشه دواخل من الجانب الأيمن بس علي خفيف كدا والسمكري اللي عملها بهيم والحمد لله .. بس مش مأثره علي اي حااااااجه نهااااائي وفيها فتحة سقف كهربا مرايات ضم صالون جلد بصراحه العربيه الله اكبر عليها تحفه ومطلوب فيها 52 الف نهائي بردوا

انا رحت وشوفت العربيتين والعربيتين الله اكبر عليهم ولا كلمه .. بس بصراحه محتار جداً بين الاتنين

ملحوظه اللي خلاني اقارن الاوبترا معاها بالنسبالي عشان الموديل مش اكتر .. وبصراحه ارائكوا هي اللي هتخليي اكرر
ف انتوا شايفين انهي عمليه وشبابيه وهتنفعني وتستحمل اكتر
اوبترا 2010 ولا هوندا 94 ؛)

**max13** · 13-08-2014 12:42 PM

الاكثر عملية ومش هتتعبك اوبترا 2010

**mo3tsem** · 13-08-2014 12:53 PM

المشاركة الأصلية كتبت بواسطة max13

الاكثر عملية ومش هتتعبك اوبترا 2010

الف شكر علي سرعة ردك يا حاج max يعني انت شايف مثلاً ان قطع الغيار بتعة الاوبترا متوفره وان سعرها كده حلو ولا مش حلو اي عيوبها مثلاً ؟

**Ramadan Kader** · 13-08-2014 12:57 PM

هوندا 94 طبعا و أكيد و لازم. متقارنش الفالسو بالأصلي أوبتر أيه الزباله دي . الورده لو دبلت ريحتها فيها و الزف و لو عطرته بالورد ريحته غلبها عليها.

**merosss** · 13-08-2014 12:58 PM

فى الحقيقية لا دى ولا دى هوندا سيفيك ومغيرة موتور ورشة دواخل......اوبترا وكان عليها استيكرات واضح ان العربيتين بتوع شباب صغير من الى غاوى لعب والكلام دة ... وغالبا فية مشاكل مش باينة

**ahmzd** · 13-08-2014 02:25 PM

المشاركة الأصلية كتبت بواسطة merosss

فى الحقيقية لا دى ولا دى هوندا سيفيك ومغيرة موتور ورشة دواخل......اوبترا وكان عليها استيكرات واضح ان العربيتين بتوع شباب صغير من الى غاوى لعب والكلام دة ... وغالبا فية مشاكل مش باينة

أنا عموما لا أفضل المستعمل إلا من حد معروووووووووف جداااااااااااا وموثوووووووق جداااااااا بالنسبالي كمشتري

**FAR!D** · 13-08-2014 02:48 PM

خليك في الأوبترا
عربيه احدث و زياراتك للميكانيكي حتخف

**max13** · 13-08-2014 04:52 PM

بص حالة العربيتين انت اللى شايفهم محدش يقدر يقيم حالتهم وسعرهم لكن فية فرق بينهم 16 سنة طبع الهوندا كا عربية فى العموم رائعة لكن عمر العربية بيحكم مينفعش تشترى عربية عمرها الافتراضى انتهى وقطع غيارها الاصلية اكيد اغلى كتير وده طبيعى ومش خسارة لو بتجيبها لهوندا موديل 2010 مثلا لكن حرام تقعد تصرف على عربية وانت لسه شاريها .

**J A G U A R** · 13-08-2014 05:22 PM

الموديل ده فى الهوندا كويس جدا وشكله شيك وشبابى بس قليل لو لقيت حاله كويسه
والاوبترا دى سعرها قليل عليها وشكلها فيها حاجه

فى المجمل لو السيفيك حالتها كويسه يبقى هيا اكيد بس هاتزهقك شويه فى قطع الغيار والتصليح
لو العكس يبقى اوبترا ووفر على نفسك وجع الدماغ