مشاكل نيو لوجان

**mohammed_m** · 11-08-2014 08:16 PM

بافكر اشترى نيو لوجان يوجد على النت مشاكل مكتوبة هل هى حالات فردية ام عيب فى العربية
زى
1- عضة فى الفتيس
2- رعشة فى الفتيس
3- استهلاك عالى فى البنزين
4- مشاكل فى دوران السيارة
هل هذة مشاكل موثرة ام يمكن تلافيها مع التوكيل
ورايكو فى التوكيل
ارحو مساعدتكم وشكرا

**adel_edrees** · 11-08-2014 09:12 PM

المشاركة الأصلية كتبت بواسطة mohammed_m

بافكر اشترى نيو لوجان يوجد على النت مشاكل مكتوبة هل هى حالات فردية ام عيب فى العربية
زى
1- عضة فى الفتيس
2- رعشة فى الفتيس
3- استهلاك عالى فى البنزين
4- مشاكل فى دوران السيارة
هل هذة مشاكل موثرة ام يمكن تلافيها مع التوكيل
ورايكو فى التوكيل
ارحو مساعدتكم وشكرا

هوه حضرتك كل اللى كتبه ده مش مشاكل أصلا لأن العربية هى هي اللوجان القديمة عضة في
حالة فردية و بتتظبط في التوكيل رعشة في الفتيس ده موجود في اللوجان القديمة أستهلاك عالى في البنزين بيتظبط مع أول صيانة مشاكل في دوران السيارة أول مرة أسمعها دى يابابشا العربية هي هي اللوجان القديمة بفتيسها و بعفشتها و بمشاكلها اللى قتلت بحثا المشاكل تيجى منين من الكماليات و الأضافات الجديدة اللى في العربية اللى ماكنتش موجودة في القديمة و التوكيل أن شاء الله قادر على حل المشاكل الموجودة في العربية

**Amr Adry** · 12-08-2014 12:16 PM

عضه فى الفتيس أعتقد أسلوب سواقة لازم تاخد على العربية الجديده ولازم تضغط دبرياج للأخر رعشة فى الفتيس مشكلة فردية وتكمن فى سلك الدبرياج وبيتظبط فى التوكيل إن وجد موضوع أستهلاك عالى دى أول مره أسمع عنها بالعكس العربية معايه موفرة جداً أما بخصوص الدوران انا بدور الماتور بعد إنتظار إطفاء أنوار الكونتاكت والحمد لله لم تقابلنى أى مشاكل فى الدوارن وبخصوص التوكيل أبو رواش والعبور فوق الممتاز أى فروع تانية جيدة للصيانات الدورية والاعطال الخفيفة دى وجهت نظرى .....