الموضوع: انفرتر و لا مولد بنزين

المحلات بتضع المولد فى الشارع ... فطبعا هو الصح و العملى للمحلات ...
فى المنازل اول و اهم مشكله هى الضوضاء ... ماذا بخصوص كاتم الصوت ؟؟؟
هل هو مثلا بيوصله لمستوى مثل صوت كمبروسر التكييف ؟؟؟ و بيركب على كل المولدات ؟؟؟
انا فى نفس حيرتك ... لكن ميال لعمليه و سهوله الانفرتر نظرا لانقطاع الكهرباء مره او مرتين فى اليوم ... و فى المره متوسط ساعه ... و ايام كتير لا تقطع ...
و الموضوع حيبقى افضل فى الشتاء ... يعنى استعماله فقط شهور الصيف ...
تحياتى ...

المشاركة الأصلية كتبت بواسطة ali ashraf

أولا جزاكم الله خيرا للبحث الرائع اللى عملته عن مولدات الكهرباء(انت فهمتنى غلط انا اقصد سؤالك يكون جوه الموضوع عشان الناس تستفيد والمعلومات كلها تبقى فى موضوع واحد وشوفت موضوعك صدفه ورديت وده الموضوع الاصلى للافادهhttp://www.nilemotors.net/nile/411407-a.html) و قررت أشترى واحد 5 او8 ك طبعا اما ماركيز او سويس كرافت و السلك نحاس و هسأل عن قطع الغيار للصيانه , شركة الغاز الطبيعى رفضت توصيل وصلة مش لى انا فقط ده للكل و السبب الاساسى على كلمهم اجراءات الامان و بالتالى مش هحاول اعمل وصلة و هاكتفى بالبنزين(لو مفيش فرق فى السعر بين اللى بيعمل بالغاز واللى بيعمل بالغاز ولبنزين هاته احطياطى تعدد مصادر الوقود) بس عندى لو سمحت شوية أسئلة و استحملنى لانى علاقتى بالكهرباء زى معلوماتى بمكوك الفضاء تشالنجر وهاحاول الاختصار علشان وقت حضرتك:
-ايه معنى نفتح المحبس و نفتح الهوا ( حضرتك كتبت ده عند التلين)
تانك المولد له محبس بيقفل البنزين ويفتحه
الهوا دراع فوق فلتر الهواء وظيفته تغيير نسب خلط البنزين الى الهواء وبيفتح فى اول التشغيل لعمل خليط غنى بالبنزين لتسهيل بدء اداره المولد ولاكنه يبرجل المحرك واول ما يلقط اداره بترجعه وضعه الاصلى
-تغير الزيت ....هل هناك خزان خاص بالزيت و بعد التلين يتغير كل قد ايه.
فى مكان للزيت زى كارتيره العربيه بتفضى الزيت فيه وتراجع عليه والتفضيه صعبه لان مفيش(على الاقل فى الموديل بتاعى)طبه للتصفيه فبتقلب المولد على جنبه لتفريغ الزيت
معاد التغيير انا بحسب عدد ساعات التشغيل ووصلت كشغل للمولد ل23 ساعه والزيت لسه شغال حراجع عليه بعد 30 ساعه وحقول فى الموضوع الاصلى عن متوسط عدد ساعات تشغيل الزيت عمليا
هل هناك مكان مضمون علشان السلك يبقى نحاس مش الومونيوم ؟
لا اعلم
هل اوبشن كاتم الصوت و المارش على المولدات اللى حضرتك ذكرتها و لا ده نوع تانى و أخيرا الدائرة الالكترونية بتتباع برضه كأوبشن ؟ مع خالص تحياتى
موديلات عاديه وموديلات كاتم لو عايز حاجه صح يبقى الهوندا بس بتعد فلوس بس مضمون حمل وعدد سعات تشغيل وكاتم بجد (تقاس نسبه الضجيج بالديسيبل وكل كاتم وله مستوى من الضجيج والاقل الافضل)
الدائره انا نفذتها وتعمل ممتازه لانى غاوى اليكترونيات
بالنسبه للبيتباع الفرق فى التكاليف لانها بتبدء من600 وطالع وفى منها فل اوتوماتك يعنى بتدور المولد وتطفيه وتعمل سويتشنج بينه وبين شبكه الكهرباء بالكامل بدون اى تدخل(اسمهاats )

تكملة للموضوع بتاع امبارح وبعد قراءة طويلة على النت الانفرتر مغرى من جهة البساطة النسبية فى استخدامه بس البطارية العادية واضح ان عمرها هيكون قصير جيدا و لازم نستخدم بطاريات ديب سيكل و دى سعرها يبدأ من الف و يمكن اكتر , بالنسبة لموتور البنزين عملى اكثر وبالنسبة للصيانة معقولة بالنسبة للاستخدام المنزلى و هناك اوبشن كاتم صوت المشكلة الحقيقية انك تجيب جهاز محترم و اعتقد الماركيز كويس بس المهم ميكونش مضروب و بالمناسبة حد شاف محل او معرض مشغل الاضاءة بانفرتر طبعا مفيش انا ميال اكثر للموتور بس انا دورت النهاردة على ملف سلك نحاس ملقتش كله الومونيوم و مطلى نحاس انا بدور كل يوم تقريبا لان موضوع انقطاع التيار فعلا بقى غير محتمل

الانفرتر مميزاته السهوله فى التشغيل (اوتوماتك)
بدون ازعاج ولا وقود
عيوبه قدرات محدوده عدد ساعت تشغيل محدوده اهلاك للبطاريات الغاليه جدا(لاحظ انك مش حتشغله تقريبا 10 شهور اللى مفيهمش الازمه وده كفيل بتقصير عمر البطاريه)