عاوز رأي رجال المنتدى في سعر الـ a5 دي
لقيت عربية سكودا a5 بـ 137 الف ومواصفاتها كالتالي:
اوكتافيا A5 هاي لاين فبريكة من الاكصدام الي الاكصدام من المالك مباشرة وبدون توكيلات وجميع الصيانات بانتظام بمركز معتمد ../ فتحة سقف / 5 جنوط اسبور مقاس 16 / نور زنون اورجينال / فجات ولمبة شابورة خلفية / حساسات للركن والاضاءة / مرايات كهرباء / طارة مالتي متعددة الوظائف / بلوتوث والتحكم للرد من الطارة /كاسيت عريض / تكيف تتش امامي وخلفي / اثنين ثلاجة لحفظ المشروبات / كاسيت MP3 .. AUX / فرامل ومانع لانزلاق .ASR ..ABS .. EBD
************************************************** *************************
وعندي سؤالي كمان :
- السعر ده حلو عليها ولا غالي ؟
- هل الموديل ده موجود فيه إيموبليزر ( مانع السرقة ) ولا مش موجود فيه ؟
- وأيه الاجزاء إيلي ممكن تتغير في العربية بعد الكيلو متر ده ( هل الطنابير بتتغير عند الكيلو 80 الف مثلا .... الخ ) يعني في ثوابت لتغيير قطع الغيار زي الكاوتش مثلا ولا كل حاجه بظروفها ؟
************************************************** **************************
وشكرآ لنصيحة أي عضو يقولي هات زيرو أحسن ... لان الزيرو ( النسبة الأكبر منه ) مشاكل
ومافيش قدامي غير البحث في المستعمل النضيف ...
محتاج نصيحتكم ... أنا إستخرت الله وباخود بالأسباب وبسأل أهل الخبرة هنا ...
وإذا كانت حلوة ورأيكم إني أشتريها ؟ تنصحوني بأيه وأنا رايح أتفرج عليها وأعمل أيه ؟
أنا حبيت سكودا بسبب المنتدى الجميل ده وأعضاءه المحترمين
اقتباس:
المشاركة الأصلية كتبت بواسطة Adnfalcon
ربنا يكتبلك الأحسن منها:tumb:
ربنا يبارك في عمرك يا أستاذي ( Adnfalcon )
الحمد لله على كل شئ ....
أنا متوفقتش في العربية .. بس يكفيني ردود حضراتكم وبجد أنا فخور بهذا المنتدى وبالروح الجميلة الموجوده بين أعضاءه الأكثر من محترمين ..
أشكر الجميع على روحهم الطيبه .. وإن شاء الله حدور من جديد وربنا يقدر الأحسن