عاوز رأي رجال المنتدى في سعر الـ a5 دي

**bougee** · 12-08-2014 08:53 AM

لقيت عربية سكودا a5 بـ 137 الف ومواصفاتها كالتالي:

اوكتافيا A5 هاي لاين فبريكة من الاكصدام الي الاكصدام من المالك مباشرة وبدون توكيلات وجميع الصيانات بانتظام بمركز معتمد ../ فتحة سقف / 5 جنوط اسبور مقاس 16 / نور زنون اورجينال / فجات ولمبة شابورة خلفية / حساسات للركن والاضاءة / مرايات كهرباء / طارة مالتي متعددة الوظائف / بلوتوث والتحكم للرد من الطارة /كاسيت عريض / تكيف تتش امامي وخلفي / اثنين ثلاجة لحفظ المشروبات / كاسيت MP3 .. AUX / فرامل ومانع لانزلاق .ASR ..ABS .. EBD

************************************************** *************************
وعندي سؤالي كمان :
- السعر ده حلو عليها ولا غالي ؟

- هل الموديل ده موجود فيه إيموبليزر ( مانع السرقة ) ولا مش موجود فيه ؟

- وأيه الاجزاء إيلي ممكن تتغير في العربية بعد الكيلو متر ده ( هل الطنابير بتتغير عند الكيلو 80 الف مثلا .... الخ ) يعني في ثوابت لتغيير قطع الغيار زي الكاوتش مثلا ولا كل حاجه بظروفها ؟

************************************************** **************************

وشكرآ لنصيحة أي عضو يقولي هات زيرو أحسن ... لان الزيرو ( النسبة الأكبر منه ) مشاكل
ومافيش قدامي غير البحث في المستعمل النضيف ...

محتاج نصيحتكم ... أنا إستخرت الله وباخود بالأسباب وبسأل أهل الخبرة هنا ...
وإذا كانت حلوة ورأيكم إني أشتريها ؟ تنصحوني بأيه وأنا رايح أتفرج عليها وأعمل أيه ؟

**bougee** · 12-08-2014 10:11 AM

في إنتظار الآراء من خبراء المنتدى

**ahmed sa3ed** · 12-08-2014 10:53 AM

موديل سنه كام هى

**محمد المصرى** · 12-08-2014 11:03 AM

اهم حاجة موديل سنة كام
ووكيل ولا خليجى بتفرق فى السعر
واتأكد من ووجود حساس الاضاءة

**bougee** · 12-08-2014 11:33 AM

المشاركة الأصلية كتبت بواسطة ahmed sa3ed

موديل سنه كام هى

أنا فعلا آسف إني نسيت أذكر إنها موديل سنة 2008

**bougee** · 12-08-2014 11:37 AM

المشاركة الأصلية كتبت بواسطة محمد المصرى

اهم حاجة موديل سنة كام
ووكيل ولا خليجى بتفرق فى السعر
واتأكد من ووجود حساس الاضاءة

هو الإعلان مش باين بصراحة إن كانت وكيل ولا خليجي

ومش واضح بردو موضوح حساس الإضاءة ( مع إني مش فاهم بتاع إيه ) لو ممكن توضحلي علشان أعرف بعد إذن حضرتك

**محمد المصرى** · 12-08-2014 01:22 PM

اسأل لان سعر الخليج اقل من سعر الوكيل
ويوجد اختلاف فى الكماليات
حساس الاضاءة ده عند دخول نفق او جراج او زوال الشمس
تضاء الانوار اتوماتيكى

**bougee** · 12-08-2014 01:54 PM

المشاركة الأصلية كتبت بواسطة محمد المصرى

اسأل لان سعر الخليج اقل من سعر الوكيل
ويوجد اختلاف فى الكماليات
حساس الاضاءة ده عند دخول نفق او جراج او زوال الشمس
تضاء الانوار اتوماتيكى

تمام تمام

طيب أنا عاوز سعر إسترشادي علشان لما أكلم الناس في التليفون أبقى عارف بتفاوض في كام مثلا

يعني حضرتك لو وكيل تبقى في حدود كام ؟
ولو خليجي تبقى في حدود كام ؟
ولو مش فيها حساس مطر يبقى بردو في حدود كام ؟

وسؤال تاني مهم بصراحة ؟ هل موديل 2008 فيه ( مانع سرقة ) إيموبلايزر ؟ ولا مش موجود فيه

**Moratoz** · 12-08-2014 02:34 PM

السعر دا اعتقد انه غالي نسبيا
ممكن لو فيه إمكانيه تزود شويه وتشوف فانتازيا اول فئه 2009 و 2010 ومش هتفرق كتير في الأوبشن غير فتحه السقف والجنوط .
كل فئات الأوكتافيا فيها ايموبلايزر