الموضوع: اسئلة فى الفلوانس

المشاركة الأصلية كتبت بواسطة ahmed4000

السلام عليكم
اخيرا ربنا كرمنى واستلمت الفلوانس واضطريت اجيبها 2014 لان 2015 لسه بعد نص اغسطس

عندى شوية استفسارات لو تقدروا تساعدونى:

-العربية الفئة الاولى ومفهاش ستاير لكن لقيت فى الرخصة ان مكتوب ستاير فبريكة يعنى ممكن اركبها...اتصلت بالتوكيل قالى ارقام خرافية كل ستارة باب بالف جنيه جنيه والخلفية اغلى
يعنى البابين والخلفية والتركيب ممكن يوصلوا 4 الاف جنيه....فهل ممكن اركبها فى حتة تانية ارخص

-الصبح اثناء التسخين انا متعود ان كان بيبقى عندى لمبة بتفصل لنما العربية تسخن...لكن فى الفلوانس فى مؤشر لما بسخن الصبح بيتملى جزء صغير منه وبعدين بعد ممشى بيتملى نصفه ويفضل على كده...فهل المفروض اسخن لغاية لما يوصل للنص قبل متحرك ولا اول شرطة؟

-الكرسى اللى جنب السواق مش راضى يتحرك نهائياً ده طيبيعى؟

- القزازين اللى ورا لما بنزلهم مبيوصلوش للاخر بيفضل فى جزء صغير مرفوع..ده طبيعى؟

-التوكيل قالى تعال اول مرة على ال5 الاف كيلو...ده بيكون تغيير زيت فيها ولا الزيت مبيتغيرش دلوقتى...وتكلفة الصيبانة كام تقريبا؟

الف شكرا وسعيد بانضمامى لنادى الرينو

1- طالما اتكتب فى الرخصه يبقا حظك ممكن تركب اى ستاير بره بس مش الاصليه . الاصليه فى التوكيل بس
2- تسخن لمدة دقيقه مش اكتر من كده و تمشى عادى على مهلك لغاية المؤشر لما يوصل للنص .
3- الكرسى اللى جمب السواق ما بيتحركش دى مش عارفها . المفروض بيتحرك . اسأل التوكيل اتصل ب 16202
4- الزجاجين فى الخلف ما بينزلوش اكتر من كده . مواصفات امان . ده طبيعى
5- 5000 المفروض انها زياره مجانيه لا يتم فيها تغيير زيت . ممكن يكونوا غيروا النظام و بيغيروا الزيت دلوقتى على 5000 بدل 10000 , بسبب قرف زيت الفابريكه اللى بتنزل به و بيتغير بعد 10000 كم .
6- الاسعار للصيانه اسأل فيها قبل ما تروح

و مبروك و ربنا يبارك لك فيها :)

الف شكر استاذ ياسر على اجابتك الوافية
بالنسبة للستاير ممكن اجبها منين لان كل مكلم حد من بتوع قطع الغيار يقول مفيش

مبروك العربية - لو بتسال عن الستاير ممكن تتابع الصفحة دى
https://www.facebook.com/StayrKabsLlrbyatMarkhAlsndbad