الموضوع: اجيب السيتي والا الفلوانس في الخليج2014

السلام عليكم لو سمحتو ممكن ارائكم انا عاوز اجيب عربية للاستخدام هنا 5 سنين وبعدين انزل بيها مصر واستخدمها على طول ميهمنيش سعر اعادة البيع يهمني تكون عملية وقطع غيارها متوفرة
انا محتار بين الفلوانس والهوندا سيتيلان السيفك هنا 2000 سي سي فجمركها نار
السيتي الفئة الوسط هنا شاشة مثبت سرعة تحكم في الكاسيت من الدريكسيون وبلوتوث وفتحات تكييف خلفية زجاج سائق فقط 1 تاتش 118 حصان تانك بنزين 40 ليتر سعرها بالمصري حوالي 110 الف جنيه
اما الفلوانس مواصفاتها جير ومكينة وتكييف نيسان نفس الفيس لفت + رينجات 16 + مثبت سرعة ومحدد سرعة وكشافات ضباب وكنبة خلفية قابلة للطي ومسن خلفي وبلوتوث وتحكم في الكاسيت بالدريكسيون 114 حصان تانك بنزين 60 ليتر سعرها 100 الف بالمصري .
الاثنين فرامل abs +ebd +ba + وسائد هواء للسائق والراكب
العيوب :
1- ان شكل المقدمة للفلوانس الخليجي مختلف عن شكل مقدمة الفيس لفت من حيث شكل الشبكة وشعار رينو فهل ممكن تركيب الاكصدام الجديد للفيس لفت في حال الحوادث لاقدر الله وهل في اختلافات تانية بينهم لو حد يعرف.
2- السيتي سمعت ان قطع غيارها ناااار في مصر لانها مش منتشرة وكمان سعر الشكل الجديد ارتفع فكدة مش هاتبيع وقطعها مش هاتكون متوفرة
انا عارف ان الفلوانس فئة والسيتي فئة تانية بالنسبالي الحجم متقارب انا يهمني رايكم مين ااقل ااعطال وتوفر قطع غيارها في مصر وموضوع اختلاف شكل مقدمة الفلوانس هايفرق والا عادي ليه حلول في مصر
وارجو محدش يقولي اشتري مستعمل لاني تعبت من الاصلاح ومن الميكانيكيا هنا بطيييييخ
ارجو اني اللي عنده معلومة يقولهالي لاني مقدم على الشراء خلال يومين تلات بالكتير وشكرا لجميع اعضاء المنتدى الاكثر من رائع