الموضوع: بومه بماتور mivec

لأ ما مابتنزلش بموتور مايفك ,,
بتنزل بموتور 4g18 اللى بينزل برضه ف ال byd f3 ال 1600 و كان بينزل ف الواجا
هو موتور بتنكنولوجيا قديمة و اداءه مش مناسب لعربية موديل 2014

عامة المايفك بيفرق عن المواتير العادية ان فيه خاصية ال VVT
و دى بتخلى الموتور يطلع output اعلى و يبقى استهلاكه للبنزين افضل
و ال VVT بيختلف اسمها من شركة للتانية
ف متسوبيشى اسمها MIVEC
ف هوندا بيقولوا عليه Vtech
ف نيسان بيقولوا عليه VVL و احيانا VVT و احيانا بيضيفوا قبلها NEO
ف دايهاتسوا بيقولوا عليه DVVT
ف تويوتا بيقولوا عليه VVT i
ف بروتون بيقولوا عليه CPS و معناها Cam Profile Switching ,, اكيد سمعت عن الجين 2 CPS
و على فكرة هو نفسه نظام VANOS الغنى عن التعريف الخاص ب BMW
و مننساش ان فى فروق تقنية بين كل براند و التانى

المشاركة الأصلية كتبت بواسطة hesham fawzy h

شكرا يا باشا على المعلومات المفيدة دى
بس يعنة اية هيزود ال output

العفو يا باشا ,,

يزود ال output يعنى يزود قدره الموتور و بالتالى هيدى اداء احسن
يعنى مثلا ,, الموتور ال campro الخاص بشركة بروتون و اللى بينزل ف الجين 2 و البيرسونا
الموتور بيطلع تقريبا 110 حصان ,, لكن نفس الموتور بعدم ما يتم تزويده بخاصيه ال VVT
(اسمها ف شركة بروتون CPS) هتلاقى ان الموتور بقى يطلع حدود 125 حصان

المشاركة الأصلية كتبت بواسطة dr ahmed saleh

اخى الرائع monamize4 اشكرك على اهتمامك ومعلوماتك القيمه
العفو يا باشا :)

بس فى حاجه محيرانى
انى انا بنفسى قرأت فى البيانات اللى على البومه 2014 فى السعوديه ان الماتور بتاعهاMIVEC وبيخرج 122 حصان .....
الموقع بتاعهم Alesayi Motors | العيسائي للسيارات
بيقول انها مايفك 1.6 و بيطلع 107 حصان و دى حاجة غريبة لان ال output المكتوب
هو نفس ال output الخاص بالموتور ال 4g18 اللى بينزل مصر و دا مش مايفك
و ماسمعتش ابدا عن اى version للمايفك ال 1.6 (سواء ال 4A92 او ال 4G92)بيطلع 107 حصان
و اصلا البومة ال1.6 على حد علمى ملهاش اصدار 1.6 مايفك
و اتاكدت دلوقتى من المعلومة دى من autoevolution و ويكيبيديا

هل ممكن ان البومه هنا فى السعوديه تختلف عن اللى فى مصر؟
مش اعرف مواصفات السعوديه

طيب لو فعلا بتختلف يبقى هل ماتور البومه الخليجى اللى فى مصر بيختلف عن ماتور البومه الوكيل ؟
لأ ال2 نفس الموتور و دى متأكد 100% منها ان شاء الله
بس اسمع ان موتور الخليجى بيكون ف الرخصة 1600 cc بالظبط و المصرى بيكون 15XX
و اسمع كمان ان كتالوج الخليجى مكتوب فيه ان الموتور بيطلع 120 حصان و الكتالوج المصرى
مكتوب فيه ان الموتور بيطلع 105 حصان

يتبقى سؤال ؟ هل لو فعلا البوما اللى هنا فى السعوديه ماتورها MIVEC اشتريها ولا بلاش لانى ناوى انزل بالعربية نهائى ان شاء الله وساعتها مش هلاقيله قطع غيار
اعتقد ان موضوع المايفك دا غلطة من التوكيل بس عشان نكون متاكدين روح شوفها بنفسك
او على الاقل اتصل بخدمة العملاء و اتاكد منهم و اطلب منهم كمان كود الموتور