شكرا علي نقل التجربة
رقم العضوية : 104394
تاريخ التسجيل : 19Jun2011
المشاركات : 201
النوع : ذكر
الاقامة : Elmansoura
السيارة: لا يوجد
السيارة[2]: Lancia Dedra 1.6 ie
دراجة بخارية: NO
الحالة :
طبعا قلت قبا ما اروح المصيف أظبط التكيف علشان الأولاد متتعزبش فى السفر خلال 5 ساعات فى الحر فسألت مين احن واحد بتاع تكيف الناس قالتلى على محمد عبداللة فى شارع الجمعية الأستهلاكية اللى فى شارع الأتوبيس .
1-المشكلة عندى فى التكيف انة لو شغلتة جوة البلد او فى الزحمة محسش بأى برودة والعربية بتسخن وتعدى 100 درجة فبضطر انى اطفى التكيف علشان اصلا مبيسقعش والسخونة بتزيد .
2- التكيف فى السفر وتكون السرعة متقلش عن 100كم بيلطف الجو بس مش بيسقع.
روحت للمركز قلتلة اللى فى العربية بالظبط علشان يقدر يشخص العطل صح وميسوحنيش معاة
قالى شغل العربية وقاس الشحن لقيتة بيقولى فية بلف كنترول داخل الكمبريسور عايز يتغير قام فكة وبعتنى لمحل اول الشارع وجبت البلف ب 100 جنية وركبة وحط زيت وشحن ودور العربية وشغل التكيف مفيش اى فرق قالى يبقى الأكسبنشن عايز يتغير فضى الشحنة وفك الأكسبنشن لقيت علية وسخ وبعتى للمحل اللى فى اول الشارع تانى جبت اكسبنشن ب 40 جنية مع ان القديم كان ممكن يتنضف ويركب تانى المهم ركب الأكسبنشن وشحن تانى واشغل التكيف مفيش اى فرق قلتلة انت كدة يعتبر معملتش حاجة فى التكيف علشان العربية ما زالت بتسخن والبرودة مش كويسة
قالى العربية دى مترسب زيت على المواسير من الداخل هتمشى بيها شوية فى السفر احد ما الزيت المترسب يفك وهتبرد معاك كويس قلتلة ماشى على اساس ان الراجل كويس والناس بتشكر فية وثقة
خلاصة التجربة دفعت مصنعية وشحن مرتين 250 بعد الفصال الأجمالى 390 جنية راحو فى التراب ومفيش اى فرق كلمتة قالى دة عربيتك محتاجة تغير فلتر درير ومش موجود عندى ابقى هاتة وانا اركبهولك وارجع اشحن تانى ومصنعية وياعالم هتبرد ولا لأ يعنى بيجرب مش بيعرف العيب فين
ومعلش على الأطالة
رقم العضوية : 45684
تاريخ التسجيل : 29Aug2009
المشاركات : 548
النوع : ذكر
الاقامة : Tanta
السيارة: corolla 2012,logan
السيارة[2]: toyota carina 1983
دراجة بخارية: no
الحالة :
شكرا علي نقل التجربة
رقم العضوية : 57046
تاريخ التسجيل : 26Dec2009
المشاركات : 366
النوع : ذكر
الاقامة : egypt
السيارة: nissan sunny
السيارة[2]: regata
دراجة بخارية: عجله
الحالة :
اعتقد ان المشكلة عندك هتبقى مروحة السربنتينة اما بتدور عكس او مش شغالة بكامل طاقتها
اتاكد ان المرواح شغالة تمام التمام و السربنتينة نضيفة و مفيهاش اى مشاكل و التلاجة نضيفة و فلاتر الهوا و مفيش تسريب او نقص شحنة
مستحيل تبقى العربية بتسخن مع التكييف و يبقى العيب شحنة و اكسبانشن و فلتر دراير و الكلام الخزعبلى ده
اما بخصوص اداء التكييف فاحتمال ممكن يبقى محتاج برضة يغير فلتر دراير و كان لازم يتغير قبل ما يشحن اول مره خالص و ميغرمكش
رقم العضوية : 23252
تاريخ التسجيل : 26Oct2008
المشاركات : 691
النوع : ذكر
الاقامة : البحيرة
السيارة: hyundai excel 94
السيارة[2]: daewoo lanos1 99
دراجة بخارية: ده اختراع ابن تيت بيموت
الحالة :
اعتقد ان الكومبروسر هو اللى كبسه ضعيف مدام البرودة قليله فى الزحمة وفى السفر
رقم العضوية : 104394
تاريخ التسجيل : 19Jun2011
المشاركات : 201
النوع : ذكر
الاقامة : Elmansoura
السيارة: لا يوجد
السيارة[2]: Lancia Dedra 1.6 ie
دراجة بخارية: NO
الحالة :
مبدئيا احنا عندنا مشكلة مالتالى
1-سخونة الموتور مع تشغيل التكيف ودى ممكن يكون فية اكتر من سبب كالتالى
*مروحة التبريد ودى شغالة و تدفق الهواء كويس والسرعتين شغالين
* دورة التبريد ودى كويسة ومتنضفة اكتر من مرة وعموما المشكلة مش من التبريد لأن العربية مش بتسخن فى العادى بدون تكيف.
* سخونة السربنتينة الخارجية اكتر من معدلها الطبيعى لو مش نضيفة وعليها تراب او الرييش معوجة ودى معنديش فيها مشكلة.
بس انا شايف ان الحرارة بتاع السربنينة هى اللى بتسخن العربية نتيجة ان دورة الفريون مكتومة بدليل انة فك الأكسبنشن وكان علية وسخ ويخلى تدفق الفريون داخل الأكسبنشن ضعيف نتيجة عدم فلترة دورة الفريون كويس والمسؤول عن القصة دى الفلتر دراير وكمان لو فية رطوبة فى الفريون او ماء السيلكا جل فى قلب الفلتر بتسحبها
ويخلى التبريد الداخلى ضعيف ويزود ضغط خط الفريون للخط العالى نتيجة وجود سدد ويسخن الفريون اكتر من اللازم .
*
وبعدين المانيول بيقول ان الفلتر دراير يتغير لو لقيت الأكسبنشن مكتوم او التبريد ضعيف او الفلتر نفسة بيسرب وتقيس كمية الزيت اللى فية وتحط نفس الكمية فى الفلتر الجديد وتزود عليها 60cc وتحط شوية زيت على الأويل سيل قبل ما تركب الفلتر الجديد
رقم العضوية : 57046
تاريخ التسجيل : 26Dec2009
المشاركات : 366
النوع : ذكر
الاقامة : egypt
السيارة: nissan sunny
السيارة[2]: regata
دراجة بخارية: عجله
الحالة :
وصلت لأيه يا برنس؟
رقم العضوية : 104394
تاريخ التسجيل : 19Jun2011
المشاركات : 201
النوع : ذكر
الاقامة : Elmansoura
السيارة: لا يوجد
السيارة[2]: Lancia Dedra 1.6 ie
دراجة بخارية: NO
الحالة :
رحت اشتريت فلتر دراير من عند الكيلانى فى القاهرة ب 280 جنية ورحتلة علشان يركبة وقلتلة انا مش عايز أرمى فلوس على الأرض على أساس انة عايز يغير كل مرة حاجة لحد ما تظبط معاة ويلاقى العيب بالصدفة قالى هشيك على حاجة قبل ما يركب الفلتر راح مفضى الشحنة وفك الخط الخارج من السربنتينة الخارجية وشغلت العربية وشغلت الكمبريسور ولقيت الأفندى بيقولى المشكلة فى السربنتينة فيها سدد داخلى هو اللى بيسخن العربية وبيكتم الفريون ومش بيخليها تبرد فطبعا رحت مديلة لفظ مش تمام علشان غرمنى 680 جنية مقابل سربنتينة تمنها 250 جنية . الحما...... مش عارف يشخص وعايز ياخد فلوس من الزبون وخلاص مش مهم عندة المشكلة تتحل المهم انة ياخد فلوس منك وخلاص
رقم العضوية : 26061
تاريخ التسجيل : 24Nov2008
المشاركات : 1,387
النوع : ذكر
الاقامة : 6th of Oct. city
السيارة: لا
السيارة[2]: بيجو ٢٠٥"١٩٩٠"
دراجة بخارية: لا
الحالة :
هل فيه اخبار جديده ولا لسه المشكله موجوده ؟
على فكره الاصح ان الفلتر دراير يتغير طالما الدوره بقالهافتره كتير مفتوحه
رقم العضوية : 104394
تاريخ التسجيل : 19Jun2011
المشاركات : 201
النوع : ذكر
الاقامة : Elmansoura
السيارة: لا يوجد
السيارة[2]: Lancia Dedra 1.6 ie
دراجة بخارية: NO
الحالة :
جبت سربنتينة استيراد من عزبة شلبى وركبتها وكبست هوا لمدة ساعتين على 200 psi , وبعدين رحتلة عايزين نكمل شغل . راح قايلى هات 1كجم فريون علشان الفريون اللى عندى خلص مع ان دى بتبقى استحالة ان الصنايعى يسيب الورشة من غير فريون المهم جبت 1كجم فريون 134 مصرى (اخوان رزق) ب 50 جنية وشحنلى العربية واتبقى فية ربع كيلو بينفع تزود العربية بية بعد كدة والحمد لله كلة تمام والتكيف كويس ومفيش سخونة
رقم العضوية : 1435
تاريخ التسجيل : 14Jul2007
المشاركات : 14,773
النوع : ذكر
الاقامة : مصر
السيارة: لا
السيارة[2]: اوبترا
الحالة :
كل اللي عملته ده .. سبقتك وعملته في عربيتي الكرولا القديمة هنا في عمان .. طلعت روحي عشان المكيف وعملت كل ما تتخيله وغيرت الكمبريسور وطلعت السربنتينه ونظفناها وتغيير الدراير وال wal بتاع مدخل الثلاجة اللي ورا التابلوه وتكاليف ومصنعيات وشحن فريون ... الخلاصة المكيف لما بيفتح بقه ما بيتسدش .. وهناك وردات صغيرة تتحط بين الوصلات .. دي لو مش أصلية بتنشف وتسرب فريون كل 3-6 شهور .. الاصلية تمنها اضعاف اضعاف الورد السوداء الصيني
المفضلات