للأسف بعد تعديل الارتفاع الصوت بتاع التابلوه بقى من اليمين والشمال

**تويوتا افريقي** · 20-08-2014 06:52 AM

ياجماعه موضوع التزييق ده بقى عادي في كل العربيات الجديده كل ما اركب عربيه جديده نفس المشكله حتى البي ام

**محمد الوااالى** · 22-08-2014 02:57 AM

المشاركة الأصلية كتبت بواسطة wael37

ا محمد الصوت ده ما لوش علاقة بالتعديل انا العربية معايا عاملة 10000كم بدأت اسمع صوت تزييق في التابلوه في المطبات ، الصوت جاي من عند فتحات التكييف والجزء الكروم اللي تحته رحت التوكيل وكشفو عل العربية النتيجة ان الأجزاء دي كلها بلاستيك وراكبة على كليبسات مع الوقت بتحك في بعضها فبيطلع الصوت ده المهندس قاللي هتجيب لنا العربية يومين هنفك معظم التابلوه ونحط ماده عازلة بين الأجزاء دي والحقيقة انهم مديني ميعاد النهارده لكن بصراحة مش قادر اروح افك تابلوه العربية وهيا عاملة 10000كم وفي نفس الوقت انا مش متخيل النتيجة هتبقى ايه المهندس قاللي ان كل التابلوه راكب على كليبسات حتى الجزء العلوي الجلد الخلاصة ان ده عيب في التقفيل او الخامات اللي معمول منها الأجزاء دي سيئة

انا معاك ان فك التابلوه ده حيكون مغامرة وحل المشكلة حيكون صعب جدا, فعلا بلاش تفك التابلوه , حاول تتجاهل الصوت ويا عالم ممكن يروح لوحده او تتعود عليه

**mzowail** · 27-08-2014 03:20 PM

طب انا المشكله عندي مختلفه شويه, انا عندي صوت صفاره بيظهر بعد ال 100 او 120, و بيروح و يجي.

ممل جدا في السفر و مش عارف سببو ايه بردو. لازم اعلي الكاسيت علشان مسمعوش.

**bassem.naguib** · 27-08-2014 04:25 PM

صوت الصفارة بيظهر أول ما تجيب السرعة دي ولا بعد ما تمشي شوية 10 او 20 كيلو كدة على سرعة عالية .

**bassem.naguib** · 27-08-2014 11:33 PM

كدة مبدئياً تستبعد أن الصوت يكون سببه عيب صناعة في بلية العجلة .. بس متقلقش وفي أول زيارة للتوكيل قلهم على اللي بيحصل معاك بالظبط .. وأنا متوقع أنها تكون حاجة بسيطة إن شاء الله .. وابقى طمنا عملت أيه .