شوف امسك الشداد من الداخل ببنسة ومن النحية التانية نفتاح عشرة لو قافشة حط عليها wd40وانشاء الله تتنحل**
عرض للطباعة
كوبلن داخلي
هل في طريقه اتاكد ان الكوبلن الداخلي فيه مشكله ؟؟
حاجه تانيه
انا مش لازم اتحرك بالعربيه واجيب غيار علشان احس بنفس الخبطه
انا لو دورت وشديت فرامل اليد واديت غيار اول
وابتدي احاول اطلع بس بسرعه شويه بتحصل نفس الخبطه
وخليت حد بيص علي الموتور وشاف ان الخبطه بتيجي من اسفل الموتور
يعني القاعد اليمين بتاعه الفتيس مش بتخبط
ولا الشمال بتاعه الطرمبه بتخبط
قاعده شداد الفتيس انا بصيت عليها من تحت ومش لاقي فيها مشكله برضه
الحاجه الوحيده اللي مش ثابته تحت الموتور هي ضفدعه الفتيس
وكمان انا بحس بالخبطه تحت رجلي
ياعم مصطفي اسمع الكلام علشان الصنيعية متشتغلكش وتكلفك قواعد وغيره الكبالن الداخلية فيها شئ من الاثنين
1- صليبة
2- بوش في الكوبلن نفسه
ممكن برضو تكون جلدة مقص وعلشان نعرفها وانتا واقف حاول تجزب الفردة الى الامام والخلف لو اتحركت معاك يبقى اتوكل على الله اما تركب جلد مقص او تشتري مقص استيراد بالجلد***
ارفع العربية جنب وعشق أول ولف الكاوتش بأيدك بقوه للامام والخلف لو فيه صليبه حتحس بخبط فيها ولو الموتور بيتحرك حتعرف مكان الخبط فين لو نزلت تحت العربية وحد لفلك الكاوتش وربنا يقويك !!
علي فكره انا بالصدفه كنت بغير الفرده الشمال اللي ورا امبارح كان فيها مسمار
وقولت ابص تحت العربيه
لقيت ان كاوتشه الشكمان اللي مسكاه من نص العربيه مقطوعه والشكمان محمل علي اللي ورا بس ولما حركته بايدي لقيته بيخبط في العربيه من تحت
هشتري واحده تانيه بكره ان شاء الله ويارب تكون هي دي المشكله
علي الله ان يكون هو ده السبب وربنا معاك
انا امبارح رفعت العربيه وعملت شويه حاجات
1- الشكمان خلاص ركب الكاوتش بتاعه زي ما الاستاذ منسي كان قال - بس الخبطه فضلت موجوده
2- لقيت ان قاعده الفتيس خارجه من مكانها بتاع 1 سم ففكيتها ودقيت عليها وركبتها تاني - بس الخبطه فضلت موجوده
3- ربطت شويه علي سلك الدبرياج زي ما عم صبحي قال - والحمد لهه الخبطه راحت بنسبه 75%
في شويه حاجات انا لاحظتها وانا تحت العربيه :
1- لما رفعت العربيه وعشقت علي الاول وحاولت الف العجله بايدي لقيت انا قاعده شداد الموتور مش ماسكه عدل واعتقد ان القاعد ديه ضعيفه ومحتاجه تتغير علشان ( بس لسه مش عارف بتتغير ازاي)
2- كنت مسكت الكوبلن بايدي وحاولت احركه لجوه وبره ، لاحظت انه بيتحرك كانه مش مربوط عدل ( مش عارف اذا كان حد فهم ايه اللي اقصده ولا لأ) هل كده الكوبلن في مشكله ولا لأ ولا في مشكله في تركيبه ( الكبالن كان الميكانيكي فكها لما كنت بغير الاسطوانه والديسك)
3- لما حركت العجله من النص لجوه وبره لقيت انا البار بتاع علبه الدركسيون بيتحرك لجوه علبه الدركسيون وبره ( كان في عفشجي قالي من فتره ان فيه بوش في علبه الدركسيون) ولسه مش عارف احد قرار اعمل ايه اشتري جديد ولا استيراد ولا اعمل حشو