السلام عليكم جميعا اخوتى
تعرضت لبعض الحوادث و الخبطات فى سيارتى خلال الثلاث شهور الماضيه و سبحان الله كلها فى الاكصدام الامامى و الشبكه و الفانوس و منها حادثه و السياره مركونه تحت البيت
اشتريت هذه الاشياء من محل الصينيه بالتوفيقيه و لكن كسرت بعد الخبطه التى كانت تحت البيت و بعدها اشتريت من صقر بالحرفيين و اغلى من الأول و طلع و اسف على اللفظ ازبل من الزباله و بمجرد ما موتوسيكل خبط فيها اتكسر كله من تحت
و كنت لما نزلت الحرفيين قبل ما اشترى من صقر لفيت و سألت عن اكصدام توليدو 96 و اغلبيتنا يعرف انه يركب عندنا و وجدت سعره بالفوجات بعد المفاصله يعمل 800 جنيه و بدون فوجات من 650 الى 700 بالشاسيه بتاعه بدون شبكه يعنى اكصدام فقط و لم امن مستعدا ماديا و اشتريت بتاع صقر و بعدها باسبوع اتكسر كما قلت لكم
نزلت تانى الحرفيين بعد العيد و اشتريت الاكصدام الاستيراد الذى صوره بالاسفل ووقف بحوالى 650 بعد فصال كبير و بعد ما ركبيته و طبعا كما ترون من الصور لونه ابيض فقررت بدل دهانه و ممكن يتكلف كتير انى الزق عليه فايبر كربون واخترت اللون الاسود المط و بصراحه الرجل لزقه كأنه اصلى الا مناطق صغيره جدا و بسيطه و دفعت 80 جنيه و 10 للشاب الذى اشتغل و لزقه على الاكصدام
http://www7.0zz0.com/2014/08/14/06/222703389.jpg
http://www7.0zz0.com/2014/08/14/06/508386837.jpg
http://www7.0zz0.com/2014/08/14/06/589045460.jpg
http://www7.0zz0.com/2014/08/14/06/491282679.jpg
http://www7.0zz0.com/2014/08/14/06/687829967.jpg
نيجى لموضوع زر الزجاج الكهربائى
من كام شهر كنت نزلت شارع ذكى و لفيت على مفتاح بخمسه رجل مثل مفتاح سيارتى لم اجد الا الصينى لكن عند محل هشام لهيطه وجدت عنده المفتاح اللى صوره تحت بيتركب تمام و بيشتغل بدون اى مشاكل و خامته انظف و اقوى و اشيك من اللى عندنا و ثمنه من 20 الى 25 جنيه لكن هو محتاج يتوسعله فى المكان اللى بيركب فيه عشان اعرض حوالى واحد او اتنين مللى عن الاصلى فقلت انقلكم تجربتى و هو ممكن تجده عند اى بتاع اكسسوارات سيارات و فى الصوره عندى ستجدوا المفتاح شكله اكبر و ذلك لأنه بارز للخارج لأنى لم اوسع مكانه
انتظر ارائكم
http://www13.0zz0.com/2014/08/14/07/941117683.jpg
http://www13.0zz0.com/2014/08/14/07/540776995.jpg
http://www13.0zz0.com/2014/08/14/07/732026210.jpg
http://www13.0zz0.com/2014/08/14/07/907910882.jpg