الموضوع: تنشيطا لمنتدى الشيرى اكصدام توليدو 96 و حل زر زجاج كهرباء

المشاركة الأصلية كتبت بواسطة arwah

الاستاذ ممدوح والاخوه الافاضل السلام عليكم اول ما جيت من مطروح فتحت علشان اشوف حل للمشكله اللي حصلت معايا ولعلني الاقي حد يكون مر بمثلها والحمدلله المنتدي واعضاءه ما بيسيبوش حاجه الا وبينقلوها وانا مسافر متجه الى مطروح لقيت فجاه جومه (جزء من كوتش العجل)لسياره نقل مفرود وعالي 1/2 عرض الطريق تقريبا وكانت الرؤيه غير واضحه ليلا طبعا وكنت ماشي على اكتر من 110 معرفتش افاديها للاسف فكسرت الجزء الاسفل من الاكصدام من الفوجات الى الفوجات وبقت العربيه شبه فم الراجل اللي واقعه سنانه اللي تحت شكلها بقى وحش جدا وكان للخبطه دي اثر برده اعتقد على الكارتيره لان لقيتها متلحوسه زيت مع العلم ان الزيت تقريبا ما بينقصش وكملت حوالي 100 ك لحد ما وصلت مطروح وبعدها بيوم مشيت بالعربيه حوالي30 ك داخل مطروح وبعديها بيوم (النهارده) رجعت تاني اسكندريه حوالي 320ك وللعلم والشهره الاسطوانه بتجيب اخرها وبتزحلق من قبل ما اسافر والكبالين الداخلي بتدبدب (شفتو بقى عربيتنا حلوه ازاي) بسم الله ما شاء الله وعلشان بس ما تبقاش كل حاجه سيئه المهم لقيت الاستاذ ممدوح عامل الموضوع الجميل ده ولي سؤال بسيط هل كل موديلاتنا بيركب عليها نفس الاكصدام وهل ده هو ثمنه ومفيش حاجه اقل من كده شويه

اولا حمدا لله على سلامتك و على حسن تصرفك
ثانيا بالنسبه لسعر الاكصدام ففيه الجديد و بيعمل من 250 فما فوق لكن كما قلت فى الموضوع لا ارشحه لك فكل خاماته بلا استثناء سيئه للغايه و منهم لله بتوع الصينى اللى بيسترخصوا و يجوا هنا يبيعولنا بأغلى الاسعار لا بارك الله لهم
المستورد اغلى و لكن اسبانى اصلى و خاماته بإذن الله تفرق كثير و الاكصدام بتاع السيات توليد 96 بيركب على كل موديلات الشيرى a11 فأنا سيارتى لونج مثلا و ركب عادى خالص
اما بالنسبه للحوادث و الاعطال فكل سياره لها ظروفها و اعطالها يعنى سيارتى خلال 3 شهور و ربما اقل تعرضت لحوادث كلفتنى 3الاف جنيه غير الشغل اللى عملته فيها من عفشه و غيرها و الآن بجهز لشغل تانى فيها مثل تغيير جوانات وش التاكيهات و الكارتيره و لسه شاريهم اسبانى اصلى من الشركه الاسلاميه
اعانك الله و اعاننى و الجميع على سياراتنا و بارك الله فيهم جميعا