الموضوع: قام لقى نفسة بالبوكسر

المشاركة الأصلية كتبت بواسطة MMamdouh

اذا كان الناس دى عندها قلب تعمل كدة فى واحد بين الحيا و الموت يبقى لو شاور لحد و ركبة معاه حيعمل فيه ايه؟؟ و ازاى اصلا الناس دى بتستحل الفلوس دى و بتعيش كدة عادى يعنى من غير ضمير ولا خوف من ربنا ولا اى حاجة؟؟
MMamdouh

يا استاذ MMamdouh هم بس مش عندهم قلب لا كما مش عندهم الاخلاق و لا العلم و لا الوعى الاجتماعى ولا الوازع الدينى و لا تقدير للذات و لا اى حاجه يمكن مش لاقيين ياكلو او كانو كده و من قسوة الظروف اتحولو و بقوا يمشوا ورا غرائزهم

المشاركة الأصلية كتبت بواسطة ahmad7610

الحاجة للمال .. تعمل أكتر من كده .. والظروف الاقتصادية الصعبة جدا لبعض الناس قد تجبرهم
لفعل أكتر من ذلك

المشاركة الأصلية كتبت بواسطة gemino

بلد خلاص ماتت و الفقر دود بياكل فى بقية جثتها الرمة

المشاركة الأصلية كتبت بواسطة NaderNabil

اللي أنقذ الراجل هو الكلب بتاعه...

بمناسبة الكلب بتاعه ...
بما انى بخاف الكلاب فكنت بافكر لما بشوف واحد بائس نايم فى الشارع و الشارع فيه كلاب، طيب.... لو الكلب راح للراجل ده هيحصل ايه ؟ ...طبعا هايكلو (مش الكلب اللى هياكل العكس هو الصحيح ) يعنى الراجل بنومه ده لا يبالى حتى بوجود الكلب و يمكن الكلب هو اللى يخاف منه ..هنا اسال نفسى هو الراجل ده اقوى منى ؟ احد ذكاء منى ؟ اشد منى ؟ معتقدش ......يعنى انا لو اتحطيت فى نفس ظروفه يمكن اشوى لى كلبين تلاته فى اليوم واحلى بعرسه . يعنى كده انى عندى رفاهية الخوف من الكلاب . فمقدرش اقول انه ما عندوش قلب لكن اقدر اقول انه ما عندوش اى حاجه تانيه ذات قيمه و ده مش ذنبه وحده

يا ريت لو حد فهم حاجه يقوللى ؟ عشان انا مش فاهم حاجه :)

حسبى الله ونعم الوكيل

المشاركة الأصلية كتبت بواسطة MoToRiZeR

لا تعليق !
يعني الواحد حتي في البلد دي مش ضامن يموت محترم .. هيموت بالبوكسر بس .. لا كدة نافع ولا كدة نافع

على الاقل البوكسر سترة ده لو واحد معندوش قلب كان خد البوكسر ويسيبك زملاوط

استغفر الله العظيم

الناس جرالها ايه

المشاركة الأصلية كتبت بواسطة moh_kamal67

هى مشكلة فعلا كالتالى : انت معاك وهوة معهوش ، انت راكب عربية وهوة موش لاقى مرايتها ، يبقى انت تستاهل اللى بيعمله ده ( دى وجه نظره)
الناس موش سايبانى فى حالى ، الواحد تحصله لاقدر الله حادثة يتقلب ويتنهب ، مفيش ضمير مفيش اخلاق (ده راينا نحن مالكى السيارات)
وعلشان ميعملش كده لازم يخاف
يخاف يتقبض عليه او حد يشوفه ( لو المنطقة فاضية يبقى تمام)
يخاف ان اللى خلقه يشوفه(ده لو فيه ايمان ) وهوة طبعا شايفه والعقاب مستنيه بس هوة موش دارى
ده منطق الغاب
لو حيوان(بقول حيوان) اتصاب او ضعف التانيين ينهشوه(ينهبوه)
لو حد من الحيوانات جاع يبقى يالا السلامة
لو حد من الحيوانات عايز يتجور يبقى يالا السلامة (تحرش اغتصاب)
بس احنا بشر ، وايه يميز البشر (العقل) يالا نغيبة ولا نستعمله نبقى ايه
وده اللى بيحصل دلوقت

الله ينور عليك ونعم التحليل , على اد مانا باتألم من اللى باسمعه لكنى باستريح لما بنفسر مع بعض اللى بيحصل حوالينا , اعضاء بيقولوا الحكومة السبب وانا باقول الناس هى اللى وحشة بطبعها وتستاهل طول عمرها , وحضرتك اضفت ان الجوع بمعناه العام والخاص حول الآدميين الى حيوانات حسب المختصر المفيد اللى حضرتك ذكرته .
بس الناس لو جاعت المفروض تحكم عقلها وايمانها عشان أمانة العقل والاختيار اللى مميزاهم عن الحيوانات متضعش .
المشكلة بقة ان الناس مطلعش لا عندها عقل تحكمه ولا دين تلجأ اليه وبقوا مبيفهموش غير لغة واحدة بس اعمل اللى انت عايزه طالما محدش شايفك وان حد شافك بجح فيه يمكن يرتجع عنك وان مارتجعش ياتخلص عليه ياتديله قفاك !