الموضوع: أخطار تتعرض لها على الطريق

السلام عليكم و رحمة الله و بركاته

الموضوع الذي سأسرده عليكم تعرضت اليه ، و أود أن أوضح لكم بعض التحفظات الهامة التي يجب اتخاذها في هذا الموقف التي قد يتعرض له اي أحد على الطريق.

في حالة حدوث حادث أمامك على الطريق:

على الطريق الدائري من حوالي سنة تقريبا ، الدنيا بتمطر على خفيف و أنا ماشي ماسك يميني و مهدي نظرا لأن الطريق مبتلة ، و سيارة مسرعة من الشمال تتخطاني و اذا ب "تريلة " راكنة على الشمال و مطفية النور ، و السيارة القادمة .... نزلت تحتيها و أنا سامع صوت السيارة الأخرى تنزلق حتى اصتدمت بال "تريله"

أنا صدمت لأن الموقف حصل بجواري تماما و رأيت الحادث بالكامل ، و اغلب ظني أن من في السيارة الأخرى لن يخرجوا أحياء من الحادث ....

مش ده المهم .... بعد حوالي 100 متر ققرت أني أقف و أنزل أساعد الناس اللي موجوده في السيارة ..... و ركنت على اليمين و شغلت الفلاشر ... و عملت التالي:
1- اتصلت بالنجدة و أنا أعبر الطريق .... و أتجه ناحية الحادث
2- قربت من موقع التصادم و أنا على الجزيرة اللي في نصف الطريق حتى وصلت الى موقع الحادث و أنا بكلم النجدة ...
3- حاولت أقرب من السيارة لأرى ما حدث لهم و امكانية تقديم مساعدة ...
4- مافيش نور في الشارع ... و من قوة الحادثة أنوار السيارة اطفت ... السيارات القادمة مسرعة و تصتدم بالسيارة المتوقفة (الحمد لله كلها كانت حاجات خفيفة) حتى توقف الطريق , وبعد فترة قليلة و صلت النجدة و بعديها الاسعاف..


الكلام ده كله طلعت منه بحجات مهمة يجب مراعاتها حين حصول أي حادث أمامك :
1- أبعد عن مكان الحادث و اركن بعده بمسافة كافية لتفادي أي سيارات قادمة و مش واخدة بالها.
2- لو في حاجة لتخطي الطريق يكون بحرص شديد.
3- خد نمرة العربية المتسببة في الحادث (التريلا مشيت من غير ماحد ياخد باله انها مشيت أساسا)
4- ماتقربش من الحادث حتى تتأكد تماما من أن المكان امن و السيارات القادمة واخدة بالها 100% و لو معاك مثلث تحذير يبقى متاز ، و خد معاك طفاية الحريق احتياطي.
5- حاول تتطمن الناس اللي جوة العربية و تكلمهم و تساعدهم لو في امكانية ، و لازم يكون في حد معاك
6- ماحدش يمشي بسرعة على أرض مبلولة : الفرامل المفاجئة = ....... ربنا يسترها معانا و يكفينا شر الطريق.

اسف على الاطالة ... ولكن اريد الكل ان يستفيد و يتوخى الحذر في مثل هذه الأحوال