عربية زفت عزم مع المكيف لا يوجد مع الغيارر الثانى الفتيس بيعلق
:fdsa:
عرض للطباعة
انا معايا الافيو 2014 الشكل الجديد اتوماتيك، اول ما عمات الف كيلو سمعت صوت طقه من قدام في اي مطب، المهم رحت التوكيل كشف عليها وقالي ده صوت طبيعي في كل الافيو، عند ال 3000 كيلو لقيت الصوت بقي عالي جدا و بقي يظهر حتى من غير مطبات، رحت للتوكيل تاني وقعد اسبوع كل يوم اروح من اول اليوم لاخره والمهندس بيكشف عليها ومش عارف ايه فيها، وفي اخر الاسبوع لما اتكسف وشكله بقي زباله قالي دي جلب المقصات عايزة تتغير، طبعا اي كلام
رحت لفرع تاني اللي هو في شارع الطيران، كشف عليها قالي علبة الدريكسيون بايظه وعايزة تتغير، ودي داخله في الضمان ومش هتدفع حاجه، بس دلوقتي علبة الدركسيون بتاعة الافيو مش موجوده في اي فرع ولسه هيبعتوا عليها من كوريا، سجل اسمك ولما توصل هنكلمك....
يعني حاجه في حياتي مشفتش زيها ان عربية جديده معملتش خمس الاف كيلو ويبقى فيها العك والقرف ده.... فعلا التقفيل المصري زباااااااااااله حتى لو كانت مرسيدس تقفيل مصري هتبقى زبالة
ربنا يستر عليا معاها لما توصل 20 و50 و 100 الف كيلو شكلي هكون غيرت كل حاجه فيها!!!!!!!
استاذ احمد عبد العاطي . .
هي الأفيو كده فعلا . عربيه سيئه جدا جدا
بس التقفيل المصري للمرسيدس لا يقل عن نظيره الألماني وده لسبب واحد ان فيه اشراف من مرسيدس بنز هنا ف مصر علي التجميع
بص هو العادي ان المارش يعلق ومايجيش من اول مرة
بس في المرتين اللى عطلت فيهم المارش علق جاامد وبعدها قامت عطلت
فالميكانيكي قالي لما يعلق معاك المارش اديها التاني وبعدين الاول وبعدين جيبه هتلاقيه جيه معاك
بص هي الفكرة مش فكرة ياريس عاملة 100 الاف قصاد افيو زيرو لان لو الياريس اللى عاملة 100 الاف متهانة يبقى تغور
لكن انا الياريس اللى معايا موديل 2007 وعاملة 70 الاف وطبعا برقبة اجدعها افيو فيه فرق جامد صدقني
عايز اقولك بما يرضي الله حتة فتحة الباب تحس بفرق فيها !! وطبعا فيه فرق جامد في القعدة بتحس ان كرسي الياريس محتويك اكتر والقعدة فيه مريحة
الى غير التكييف الاقوى والماتور الاقوى (مع ان الياريس 1300) والعزل احسن بكتييير الافيو صوت ماتورها عالي اوي ومسموع بشكل واضح من جوة الكابينة واستهلاك بنزين احسن
طبعا مش هتكلم عن فرق النعومة والعفشة والراحة لان دي حجات اساسية وتويوتا بتتكلم عن نفسها في النقط دي
ولما بنقول انها عربية سيئة الناس بتزعل اكننا متحاملين عليهااقتباس:
استاذ احمد عبد العاطي . .
هي الأفيو كده فعلا . عربيه سيئه جدا جدا
بس التقفيل المصري للمرسيدس لا يقل عن نظيره الألماني وده لسبب واحد ان فيه اشراف من مرسيدس بنز هنا ف مصر علي التجميع
الافيو مافيهاش غير ميزة ان شكلها من برة ومن جوة حلو
والصالون بتاعها واسع انما اي حاجة تانية ارمي في الزبالة
انا اخوية عندوا نفس المشكلة بالظبط معاه يارس 2008 حاطط عليه نظام K&N typhoon مع DC Sport headers و هي منويل فبسم الله ما شاء الله العربية طيارة... الشغل جي عايز بمونله 95,000 جم بس فراح يجرب الافيو بتاعت زميله فالشغل كان هيعيط من الفرق الشاسع في كل حاجة.
وصلت دلوقتي انه بيفكر يزود 50 الف من جيبه و يجيب يارس 2015
محسسنى انها ماروتى او بيكانتو امال لما تشغل تكييف اللانسر البومه 1300 بتحس بايه ؟ بتحس انك ساحب وراك عربيتين :waaaht:
ممكن تكون حاسس انها سيئة وناس تانيه بتعتبر انها عربية محترمة ودى مسالة اذواق وطبعا مش هتكلم على انتشارها
وعلى فكره انا ركبت عربيات كتير وسقتها سواء لانسر بومه او فانتازيا او مرسيدس 200 و s320 ورانجلر وفيكترا وتيجو واكسنت واكتر من كده كمان
لكن انا مش بقول ان الافيو دى سيئة جدا او وحشه
لكنها افضل من عربيات كتير في نفس الفئة بتاعتها والحمد لله مقتنع بيها ولو لف بيا الزمن في نفس وقت ما اشتريتها كنت هجيبها بردو
لكن معنى كلام حضرتك انها افضل من الفيرنا خصوصا انك بتقارنها بيها ومعروف عن الفيرنا ثبات صفر فرامل صفر اكيد حضرتك غير موفق في مقارنتها بالفيرنا لان دى فئة ودى فئة تانيه خالص وجرب انك تركب العربيتين وهتحس بالفرق
أخيرا ..... انا مش بدافع عن الافيو وانا بحترم اى اراء أخرى
هى المشكلة فى الكروز بس..................المشكلة فى اى حاجة ليها علاقة بتوكيل المنصور الزبالة سواء اوبل او شيفروليه..............حسبى الله ونعم الوكيل فيهم يا اخى
نصيحة ياباشا عشان انا كنت معاهم سنة ونص فى مشكلة فرامل فى افيو اوتوماتيك 2013...........اعمل شكوى فى حماية المستهلك ((مش هيعمولك حاجة وهيدوخك مرواح ومجى على التوكيل عشان بيقبضوا بردو)) ......وبعدين اطلع على النيابة واعمل محضر وقضية............اتحرك بسرعة عشان مايضيعيش حقك زيى
مش عارف حضرتك نازل تقطيع ليه في منصور والتوكيل بتاعه وكل عربياته وخصوصا الافيو
ومفيش موضوع فتحته الا لما لقيتك مكرر نفس الردود
اسال اى حد عن توكيل منصور في ناس هتقولك سىء وناس تانيه هتقول لك احسن من غبور
وفى ناس مقتنعة ان مفيش توكيل في مصر محترم وكل التوكيلات هدفها البيع والربح ماليا فقط ولكن خدمة ما بعد البيع زيروووو مفيش
والدولة ممكن تكون متسببه في جزء من المشكله دى
بس احنا فعلا محتاجين حل سواء ارتفاع الأسعار وجشع التجار لازم يكون في تنظيم للموضوع ده
وطبعا الالتزام بمواصفات معينة أساسية سواء ABS او Airbag
ولازم يكون في تنظيم لبيع العربيات المستعملة يعنى ازاى تلاقى عربية كانت سعرها زيرو هو نفس سعرها ال هتبيعه بيها بعد 4 سنين !!!!!