مشكلة في فتيس افيو 2014 !! الفتيس بيعلق

**Ahmod** · 14-08-2014 08:18 PM

السلام عليكم

انا لسه جايب افيو موديل 2014 مانويل زيرو

من اول ماشتريت العربية والفتيس بتاعها بيعلق لما بيتيجي تجيب المارش يعني كتير مابيجيش من اول مرة

كل الناس قالتلي ده الطبيعي بتاعها وحاول تتأقلم وتتعايش على الموضوع ده

المهم بعد 3 الاف كيلو بالظبط وانا بركن لقيت الفتيس برضوا مش عايز يجيب المارش

وفجاءة بقى الفتيس مش عايز يتحرك خالص ولا عايز يدي اي نقلة !! لا اول ولا تاني ولا اي حاجة خالص

ابطل العربية وادور نفس المشكلة !! حتى والعربية مبطلة الفتيس حالف بالدين مش عايز يتحرك

والغربية ان حتى والعربية على المور لو سبت دبرياج تلاقيها بطلت ولو سبته براحة تتحرك حجات بسيطة اكنها واخدة غيار وهي على المور

المهم اتصلت بالصيانة قالي هنبعتلك مهندس يشوفها قلتله طب هتتصلح في الضمان ولا هتتشال على ونش ولا ايه ؟ قالي احنا مالناش دعوة بالكلام ده

احنا هنبعت مهندس يشوف المشكلة طبعا فضلت تلت ساعات ولا حياة لمن تنادي

جبت ميكانيكي يشوفها قالي العربية واخدة غيارين راكبين على بعض وقام فاكك حاجة جوة الفتيس كدة واتصلحت ومشي الحال

دلوقتي العربية عاملة 5 الاف كم وعملت نفس الموضوع تاني

اختصرت المشوار ورحت لنفس الميكانيكي اللى عملهالي اول مرة قلتله طب اوديها الضمان ؟

قالي عشان توديها الضمان لازم توديها على عيبها ده يعني من الاخر هتترفع العربية على ونش وهتدفع تمن الونش وهتروح هناك ممكن يقولك عيب استخدام وانت اللى هتدفع

انا صلحتها تاني مرة تبع الميكانيكي بس انا مش مطمن !! خايف في مرة ابقى مسافر ولا حاجة وتعملها معايا

اوديها التوكيل واقولهم صلحتها ولا هما هيعرفو والعربية كدة طلعت برة الضمان ؟ ؟ ولا لازم تعطل تاني واوديها على عيبها ؟ فعلا انا محبط مش عارف ازاي عربية لسه مامشيتش 5 الاف كم ويحصل فيها حجات غريبة كدة

نصيحة اخوية لاي حد مقبل على الشراء : العربية دي سيئة جدا لا سحب ولا تكييف ولا ثبات ولا فرامل حتى استهلاكها في البنزين مقارنة بالياريس اللى كانت معايا يعتبر عالي

**ashouhdy** · 14-08-2014 08:28 PM

معلش سؤال بسيط بس متضحكش

انت الدواسة اللى عندك نازلة تحت الدبرياج ؟ جرب ترميها و تجيب غيارات وشوف اية الفرق

زمان في الفيرنا كان عندى نفس المشكلة و اكتشفت ان الدبرياج مش بييجي للاخر بسبب الدواسة وكنت حطير الفتيس لولا انى لاحظتها

غير كدة ... وديها يصلحوها طبعا

**Ahmod** · 14-08-2014 08:47 PM

المشاركة الأصلية كتبت بواسطة adnfalcon

اخويا استلم واحده تبع الشغل وطلعت عينه علي الصحراوي اتخانق مع التوكيل ومع الشركه
فعلا أول مره أشوف عربيه زيرو عطلانه بالشكل دا

حاجة غريبة فعلا !!

المشاركة الأصلية كتبت بواسطة ashouhdy

معلش سؤال بسيط بس متضحكش

انت الدواسة اللى عندك نازلة تحت الدبرياج ؟ جرب ترميها و تجيب غيارات وشوف اية الفرق

زمان في الفيرنا كان عندى نفس المشكلة و اكتشفت ان الدبرياج مش بييجي للاخر بسبب الدواسة وكنت حطير الفتيس لولا انى لاحظتها

غير كدة ... وديها يصلحوها طبعا

لا والله من غير ضحك ولا حاجة لان الموضوع ده انا عارفه وحصل معاايا في الياريس زمان بس نزلت الدواسة تحت الفرامل !! وكان يوم اسود كل مادوس فرامل العربية مافيش وانا فاكر اني جايب اخر الفرامل وطلعت في الاخر الدواسة

بس المشكلة دي في الفتيس انا متاكد 100% ببقى جايب اخر الدبرياج وبرضوا مافيش فايدة

**abou-yahia** · 17-08-2014 11:16 AM

الاغلب ديه اتياش فتيس

**Ahmod** · 18-08-2014 03:54 PM

المشاركة الأصلية كتبت بواسطة medo_h_e

أولا لما المشكلة دى حصلت اول حاجة كنت المفروض تروح التوكيل مش تصلحها بره .... عشان لو في حاجه هيغيروه في الضمان وده اكيد في مشكلة في الفتيس يعنى مش سوء استخدام

ثانيا مفيش حد اشتكى خالص من فتيس الافيو المانوال خصوصا انه اعطاله قليله جدا مقارنة باى فتيس اوتوماتيك

ثالثا طالما انك مش مقتنع بالافيو كعربية حضرتك اشتريتها ليه ؟ اكيد انت نازل من ياريس يعنى ياباني طبعا هتحس بفرق ..... لكن تكييف الافيو كويس جدا وموفره في استهلاك البنزين
انا معاك ان ثباتها بعد 140 مش كويس لكن فراملها جيد جدا واحسن من عربيات تانيه في فئتها

اولا مش من المفروض ان عربية تكون لسه عاملة 3 الاف كم ويحصل فيها مشكلة في الفتيس ولما اكلم التوكيل والعربية عطلانة في نص الشارع يقولي هنبعتلك مهندس ولا حياة لمن تنادي !! ولو هتوديها التوكيل طبعا هتدفع تمن الونش على حسابك والله واعلم هتروح هناك هيقولك ايه

يبقى افضل واقف في الشارع جمب العربية وجيبلي ونش يقطرها لابورواش وادفعلي 250 جنيه والله واعلم في التوكيل هيتقال ايه وهتفضل هناك قد ايه ؟ ولا اتصرف في اي حد يشوفلي مشكلتها واخلص ؟؟

ثانيا : مين قال لحضرتك ان ماحدش اشتكى من فتيس الافيو ؟ انا ماشفتش حد معاه افيو الا واشتكى ان الفتيس المانويل بتاعها بيعلق في المارش ومش بيجي من اول مرة

ثالثا: بالنسبة لنقطة الفرامل احساس حضرتك ان فراملها حلوة ده بالنسبة لحضرتك !! انما بالنسبالي انا فرامل تعبانة جدا مع ان الافيو اللى معايا مواصفات اوربي وفيها ABS

رابعا : اخرها في الثبات 100 مش 140 واصلا مش بيجيلي قلب اعدي بيها ال 100 والله ولا حتى بوصل لل 100 ده انا بمشي 80 وبقول كدة كويس اوي ده انا جربت اقرص مرة على ال NA اول ماوصلت 140 لقيت الهوا بيحرك العربية من حارة يوديها الحارة التانية !!

خامسا : مين قال انها موفرة في البنزين ؟ الياريس استهلاك البنزين فيها احسن على الاقل مرة ونص المشاوير اللى متعود اعملها بالياريس وتستهلك على سبيل المثال 10 لتر في الافيو بتستهلك 15 لتر اقل واجب

مع الاخذ بالاعتبار ان الياريس متركب فيها فلتر اسبور وExhaust وده اصلا مزود استهلاك البنزين جامد عن ايام ماكانت استوك

سادسا : تكيفها برضوا سئ جدا مقارنة بالعربيات اللى في فئتها مش هقولك مقارنة بالياريس عشان ماتقولش ياباني بس اقل شئ مقارنة بالفيرنا يعتبر تكييف زبالة

اخيرا : اانا ماشتريتهاش بمزاجي انا كنت محصور في فئة سعرية معينة تبع الشيك اللى واخده من الشركة اللى شغال فيها وماكنش قدامي غيرها او اني انزل للفيرنا او الانوس

بس عايز اقولك حاجة لو بيدي اختار تاني انا هفضل الفيرنا عليها

-

-

-

الموضوع: مشكلة في فتيس افيو 2014 !! الفتيس بيعلق

LinkBack

أدوات الموضوع

عرض

مشكلة في فتيس افيو 2014 !! الفتيس بيعلق - انشر الموضوع فى :

-

-

-

-

المواضيع المتشابهه

الفتيس بيعلق

مشكلة فى فتيس افيو 2007 المصرية هل لديكم حل لها ؟

مشكلة فتيس vectra a اتخلط مياه الريداتير بزبت الفتيس

الفتيس بيعلق

الكلمات الدلالية لهذا الموضوع

المفضلات

المفضلات

ضوابط المشاركة