مصاريف الترخيص 650 جم شاملة الطفاية والاسعافات وكل حاجة ... الاكراميات بقى انت حظك ... وانا رحت ابو رواش .. والاكسسوارات مش محتاجة حجز ... بس تروح بدرى من اول النهار
عرض للطباعة
الف شكر علي الرد
على فكرة العربيه مكتوب في الكتالوج ان فيها امبولايزر وليه لمبه فى التابلوه بس مش عارف شغال ولا لا
عموما انا ناوى اعمل مفتاح ع الاصلي واشوف هتدور ولا لا
متااااااااااااااااااابع
طمنا على أداء العربيه مع التكييف وإستهلاك البنزين ؟
هى مرايتها ممكن تتغير بمرايات تانيه تحكم داخلى شكلها محترم و هل فالتوكيل دا بيتعمل نلاقى مثلا المرايا اللى نازله فيها اصلا من برا
يا جماعه متتريقوش انا بحاول اقنع نفسى اشترى العربيه زيرو و انا من الناس اللى بيدفعوا كاش و ضد التقسيط و الجديد اى حاجه بتحصل فيه التوكيل بيتلكك هههههههههههههههههههه ماشى يا استاذ ابراهيم
متااااااااااااااااااااااب ع
السلام عليكم
التوكيل لن يقول اي شي لو فيه لعب في الضفيرة -- طالما لم يؤثر بأي حال من الاحوال علي السيارة
مرة اخري ----- هما سعرهم غالي في كل شئ -- مش عايزين يخسرو زبون بيدفع
بالتوفيق
احد مهندسي التوكيل بالفعل قال لي --- " مفيش مشكلة بشرط ان لا يسبب مشاكل بالسيارة"
عامة -- انا من اكثر الناس اللي اتخنقت من التوكيل ده -- و سبحان الله -- لسه معاهم
الحمد لله رخصت العربيه النهارده سنه ب650 جنيه
وشغلت التكييف شويه والحمد لله ممتاز بس طبعا بيأثر غلى السحب
وانا برجع بظهرى مش بشوف حاجه خالص
هضطر اركب كاميرا خلفيه باذن الله زى اللى عندى ف الشاهين
اللى رخص العربيه ممكن يقولنا ايه الاجرائات و الخطوات اول باول نعمل ايه بعد استلام نروح المروو نركب نمر ازاى و نرخص ازاى و كل التكاليف النهائيه بتبقى كام .....و اللى جربوا العربيه اخبار الجرى ايه =d جابت 160 ولا لسه اخرها ايه مع اللى جربها
مش بتشوف حاجه ليه و انت راجع بضهرك ....انت جبت لون ايه و طبعا اللون الزبون هو اللى بيختاره صح مش كدا
انا ان شاء الله ناوى اجيب نبيتى
من الطارق اسكندرية
................... استلمها ازاى ؟
اسأل على ايه ؟
ادور على ايه؟
يا باشا طالما زيرو ماتقلقش من الاجراءات ... كده كده لازم يكون معاك مندوب من المعرض اللى انت شارى منه ... فهو هايبقى عارف كل حاجة وهيقولك تعمل ايه
بالنسبة للجرى انا لسه عامل بيها 500 رايح جاى اسكندرية وكانت ما شاء الله زى الفل على الطريق وجبت 150 ومارضيتش اعلى عن كده
مشاء الله ربنا يباركلكم فيها انتوا الاتنيين و على فكره موضوع التكييف دا عادى جدا جدا جدا ...مش عاوز احكيلكم و انا مشغل التكيف فى افيو 2010 زيرو على الكورنيش فسكندريه كانت عامله ازاى فمحدش يشغل باله او يزعل من تكييف بيخلى المكنه تحط اكتشفت انه اكتر من العادى كمان و 1500 cc ...
معلش يا جماعه انا لسه جديد بردوا فعالم السيارات هى اى مرايا مكن تركب مكان المرايا اللى موجود طبعا تكون نفس حجمها يعنى بس اللى بيختلف المثلث الاسود اللى بيبقى فالباب الحجم بيخختلف الصراحه انا معرفش يعنى مرايات العربيه منيله ينفع مثلا يركبلها مريات التو التحكم الداخلى القديمه او مثلا مرايات بونتو فيها شبه من اللى نازله فالصور الاصليه للعربيه
انا اشتريت نيو التو وعملت الف ورايح الصيانة النهارده
معنديش خبرة في السيارات
وسؤالي
1- العربية زجاج عادي مش كهرباء وعايز اركب زجاج كهرباء فهل البعض عندما يقول تركيب سنتر يعني تركيب زجاج كهرباء وغلق السيارة معا؟ ام ان هذا غير هذا !!!
2 - عايز اركب مرايات كهرباء وليس مرايات تحكم من الدخل فهل ده ممكن .... وهل اشتري مرايات مستعملة ولا جديدة واسم النوع ايه او مرايات عربية ايه مثلا تنفع تركيب علي النيو التو ..... والسعر تقريبا كام
3- ليه مفيش كتالوج بالعربي للسيارة ... ده استهتار من الوكيل .... هل في حل ؟؟؟
4- الدركسيون ثقيل من الثبات وبمجرد الحركة بيكون شبه خفيف
5- عندي نور الصالون لا يعمل ولم اكتشف هذا الا بعد اسبوع من الاستلام ؟؟؟
6- فعلا العربية عاليا وليها ثبات معقول جدا .. ولم اجرب التكييف لاني في التليين .. ولم تزيد السرعة عن 90 وفي حالات استثنائية ...
اهم سوال
لو ينفع اركب كاوتش اعرض (ولقلة خبرتي) ما هو المقاس المقبول من غير تتغيير في العفشة وهل بيفرق مع العربية ولا عادي الفرق مش كتير
وكذلك موضوع الجنط الاسبور هل متوافر وهل بيفرق وما هو المقاس ؟؟؟ لو بيفرق !!! وتقريبا سعره كام؟؟؟
شكرا لكم
ومستعد للاجابة عن اي شيئ بالسيارة خصوصا اني عديت الف كيلو
انا لما سالت وانا بعمل صيانة الالف على المرايات قاللى ماينفعش تركب مرايات الالتو القديمة عشان زاوية الرؤية ... طبعا انا عارف ان الكلام ده هرى وترييح دماغ وخصوصا انى كنت شغال فى توكيل عز العرب سيارات ستروين ... وعارف كويس مهندسين الاستقبال وردودهم لانى كنت بعمل زيهم :grin06:
بس غالبا ينفع تركب المرايات عادى ... اهم حاجة يكون مكانها اللى هو المثلث نفس الحجم
الف مبروك يا باشا وربنا يباركلك فيها ان شاء الله
1-السنتر والانذار حاجة وزجاج الكهرباء حاجة تانية .... رفع الزجاج بشكل اوتوماتيك ( واظن ده اللى انت تقصده) ده بيبقى حاجة اسمها وحدة رفع الزجاج .... بتركب بشكل منفصل ودى اللى بتخلى الزجاج يترفع لوحده لما تقفل العربية بالريموت .. وممكن تبقى امامى بس وممكن تبقى امامى وخلفى ... يعنى عشان توصل لموضوع رفع الزجاج لازم الاول تركب سنتر وبعدين انذار وبعدين تركب زجاج كهربا وبعدين تركب وحدات رفع للزجاج
2- متهيالى ممكن تركب مرايات كهرباء بس لازم مكان تركيبها نفس حجم الموجودة ... وغالبا هايبقى فيه لعب فى الكهرباء او الضفيرة فمحتاجة صنايعى شاطر عشان مايبوظش حاجة ... ويستحسن بلاش ولو مضايقاك المرايات اوى ممكن تركب مرايات الالتو القديمة ودى فيها تحكم من جوه بدراع صغير ... اهو نص العما ولا العما كله
3- فعلا الكتالوج بالانجليزى فقط ... ومفيش حل غير انك تترجم الكلام اللى مش عارفه باى وسيلة ترجمة ... وعامة انا قريته كلو لو فيه حاجة مش واضحة وعاوز تعرفها انا تحت امرك
4- ده حقيقى لان العربية اصلا مافيهاش باور
5-انا كمان لما استلمت العربية نور الصالون مكانش شغال بس لما رحت ركبت السنتر والانذار وجيت استلمها لقيت النور اشتغل ... عامة وانت رايح صيانة الالف قوللهم عليها هايظبطوها
6- فى رايى لو جبت جنط عريض مقاس 175 مم مثلا هايبقى كويس لان اللى فيها 145 مم بس ... بس اهم حاجة نفس القطر اللى هو 13 بوصة ... وبالنسبة للاسعار بصراحة مش عارف
بالنسبة للصيانة ياريت تقولهم على اى ملحوظات فى العربية ( ومنها مثلا لمبة الصالون) عشان يظبطوها ... غالبا انت هاتدفع زيى 215 جم فى الزيت والفلتر ( انا حطيت زيت 5000 مش 10000 عشان انا مشاويرى صغيرة) والزيت توتال ... بس انا نسيت خالص اسالهم على علبة الزيت الفاضية ... المفروض اى توكيل بيحطلك العلبة الفاضية معاك فى شنطة العربية ... انا مالقيتهاش فى الشنطة ومافتكرتش غير لما روحت للاسف
نصيحة تانية حاول تاخد معاك اى حاجة تسليك عشان هما بالهم طويل حبتين
احنا هارينك اسئله ههههههههههههههههه كتر خيرك يا برنس فى مرايات تانيه غير الالتو القديمه تركب عليها و يا ترى ينفع ارش المرايا بلون العربيه مش هقدر اعملها فالاكصدامات لو جيبت العربيه الصراحه غير بعد سنه او اتنيين على الاقل ..الواحد على كلامكم طول ماهو راكب العربيه و ظهر حاجه يكتبها فورقه و هو رايح التوكيل تبقى معاه كل الملحوظات و كمان ملحوظات اللى على التوكيل علبه الزيت اللجديده مثلا فلتر اتغير و اتحط مكانه جديد يبقى الفلتر القديم و علبه الجديد موجوزدين صح ولا انا كدا غلطان
يا باشا ولا يهمك الناس لبعضيها
يفضل تسيب كل حاجة فابريكة زى ما هى ولا ترش ولا تعمل ... انا كنت الاول متضايق من الاكصدام بس بعد شوية الواحد بيتعود
بالنسبة للفلتر عادة التوكيلات مش بتديك القديم عشان مايوسخش شنطة العربية. ..اما ما عدا ذلك اى حاجة بتتغير فى التوكيل المفروض يدوك القديمة من باب الشفافية لانك بتبقى قاعد برة مابتعرفش ايه اللى بيحصل جوة
انا رجعت من التوكيل الحمد لله
اغلب الناس عندها مشاكل
وكان اليوم كله خناقات مع العملاء
...
رحت الساعة 12:30 خلصت 4:15 بيشيكوا علي السوائل وتربيط عفشة وتغيير الزيت والفلتر ؟؟؟؟؟ مش مصدق كل الوقت ده !!!!
ثمن الفلتر 65 جنيه .... دي سرقة وقالي هو ده سعره
وفي الاول قالي تغيير الزيت 360 غير الضريبة
قلت له في اتو ايجيبت ب240 وتوتال ازاي السعر عندكم كده
بعد شويه قالي فعلا العربية بتاخد 3 لتر ب 240 جنيه غير الضريبة و10 ج مصروفات ادارية ؟؟؟؟؟ قمة الاستهبال
فعلا نور الصالون نور وقال في فيوز كان مش شغال .... وكنت قلت لهم حاسس ان صوت العربية عالي شوية ؟
واخر اليوم المهندس قال فعلا تم قياس الماتور وكان عالي شوية وظبطناه ....
..
وكانت المفاجاة .... صوت العربية عامل زي المحرات ( الجرار الزراعي ) :fdsa: لما بدات اسحب 90 ك و100 الصوت بيعلي شغلت التكييف لاول مرة (اكثر من رائع كانك في عربية كبيرة وتكييف قوي) ولكن استمر صوت الماتور يعلي ويعلي لدرجة غير معقولة
مش عارف في حاجة في الماتور ولا الشكمان ولا زي ما حد قال يكون في حاجة في البلية والدسك (الصوت غير عادي ) تحس كان الموتور تحتيك ومفيش عزل صوت ولا حاجة وكل ما ادوس بنزين اسمع صوت (ززززززززززززز)
وللاسف الوقت كان الساعة 5:10 ومينفعش اتصل قلت بكره اتصل بيهم
التوكيل مش مريحني :T_thum1[1]:
تحس ان الامور مش طبيعية اكثر من واحد زعق فيهم النهاردة وهو بيقول اجيب العربية سليمة اخرج بيها بعيوب ؟؟؟ :crying2:
استر ها يا رب :ask:
بعد ماتستلم الورق من الممعرض
تروح المرور تشترى ملف اسمه ملف ترخيص جديد ب15 جنيع
وتروح الخزنة تشترى ورق فحص وتجديد السنه ب25 جنيه
وتأمن عند اى شركة تأمين اى كشك ف المرور السنه ب90 جنيه
تروح تشترى طفايه من المرور ب150 جنيه
وتشترى شنطة اسعافات ب45 جنيه
ومتشتريش المثلث لان العربيه معاها مثلث بيجى معاها
وتروح لمهندس الفحص يفحص وياخد بصمة الشاسيه والموتور
وتطلع علي شباك التراخيص الجديدة وتقدم الاوراق كلها ويديك وصل للضريبة واللوحات ب298 جنيه للسنه الواحدة
وتدفع وترجع للشباك تاني يديك ورقه للوحات المعدنيه تطلع بيها علي شباك اللوحات وترجع للموظف تاني
وتستني يندهوا عليك ومبروك الترخيص
التكلفه الاجماليه لترخيص السنه حوالي 650 جنيه