طيب دلوقتي انا رخصت العربية الحمدلله
باقي رخصتي انا
عاوزة قبل مروح اكون عارفة ايه مطلوب مني اعمل ايه في الاجرائات
انا ابيض خالص على فكرة وممعيش حد
وكلامكم هو مصدري الرئيسي الموثوق فيه
عرض للطباعة
طيب دلوقتي انا رخصت العربية الحمدلله
باقي رخصتي انا
عاوزة قبل مروح اكون عارفة ايه مطلوب مني اعمل ايه في الاجرائات
انا ابيض خالص على فكرة وممعيش حد
وكلامكم هو مصدري الرئيسي الموثوق فيه
الف مبروك عالترخيص وربنا يجعلها فاتحة خير عليكى
بخصوص الرخصة الشخصية::
بما انك ابيض خالص زى ماقلتى يبقى الافضل ليكى تروحى مدرسة تعليم ... منها تتعلمى المبادئ والاهم من كده هايساعدوكى فى تطليع الرخصة من المرور
هو ااموضوع مكلف بس متهيالى هو ده الحل الانسب ليكى
السلام عليكم اولا باشكر استاذ ابراهيم على مجهودة و افادة الجميع
و انا لسة هاشترى العربية باذن الله بس كنت دورت على النت على احسن انذار قالولى SPY-5000m
, و عشان كمان فية شاشة و بيفصل الكهربا و لو حد بيلعب فى العربية المفتاح اللى معايا بينبهنى على مسافة 200 - 500 متر
لو جبتة التوكيل هايرضى يركبة و لو ركبنة برة العربية هاتخرج برة الضمان عشان الدفيرة
و شكرا
لسة هاعرف بعد العيد بس بيقولو عند
توكيل غريب فى التوفيقيه و سبير كار Spare Car
السلام عليكم
انا كنت من فترة اتصلت ب ادريان و هما بيركبوا الحاجات دي سواء الكاسيت او الانذار و بعض الناس شكرت في شغلهم -- و كمان فيه توكيل وولف -- انا بصراحة سيارتي مو 2013 الشكل -- و لسة بقالي دلوقتي حوالي سنة و 8 شهور و ناوي ان شاء الله قريبا اركب الحاجات دي -- و كنت اتكلمت بنفسي مع احد مهندسي التوكيل فرع الكيلو 28 و قالي ان اهم حاجة لو ركبت الحاجات دي بره ان متعمليش مشكلة في الضفيرة --
اذن اهم حاجة اللي ها يركب -- و احب ااكد لسيادتكم انهم في التوكيل مش عارفين حاجة و عمرهم ما هيعرفوا هما اللي ركبوا الحاجات دي ام لا -- ده اصلا لو كانوا عارفين اسم الكاسيت اللي بيبيعوه ايه
يا جماعة انا هاتجنننن
كل الاعضاء و استاذ ابراهيم اكدو على الاتى
العربية فيها
- abs
- immobilizer
كنت اناهردة عند سمير ريان اللى فى مدينة نصر بيقولى العربية مفهاش الحاجتين دول
السوال بقى كل اللى نازل كدة ولا دة شحنة كدة من غيرهم
هى العربيه و اسعه فالكرسيين ادام ولا ديقه اصل انت فاول التقرير كتبت ان القعده ادام مريحه و العربيه ديقه ورا يعنى فى مسافه بينك و بين اللى جنبك و لا كتف فكتف ...و الفرامل بتاعتها اخبارها ايه نظرا لان مفيش abs المشكله ان العربيه لسه مش منتشره علشان كدا الواحد بيسأل على لنت كتير .. انا بصراحه مش لا متجرا انى اشترى لحد دلوقتى و الكارثه انى بقيت بفكر فلادا مع انى سمعت ان انتاجها اتوقف بس واحد قالى فى مخزون
العربيه كلها عرضها متر و اربعين سنتى تقريبا عمال احاول اتخيل شكل المقصوره الداخليه بالمقاسات و حذف حجم الابواب حاسس انها ديقه جدا من جوا بذات قدام
طبعا الوسع والضيق مسألةنسبية
فلو واحد مليان او رفيع الامر يختلف بينهم
انا مثلا طويل ومتوسط الوزن 80 ك تقريبا
شايف ان الكرسي الامامي واسع وفي مسافة كويسة للامام ناحية الدريسكيون او من ناحية المرافق الامامي
ومعايا الاولاد 8 سنوات وعشرة بيكونوا مرتاحين وممكن كمان حتي 15 عام وبعد كده تبقي عايزه ناس صينين او ماليزيين مثلا
او تضييق المساحة الامامية وتوسع بالخلف
عموما هيا واسعة قوي لمتوسطي الطول والوزن
اسعار الاكسسوارات بالتوكيل - اخدت قائمة بأسعار الاكسسوارات المتاحه للنيو التو ( كنت بعمل صيانة الاف) و هى:
- جهاز انذار -------- 550
- سنتر ------------- 330
- جهاز فصل المحرك 440
- دواسات ---------- 250
- غطاء ------------- 175
الاسعار تشمل التركيب و الضريبة
ولو عاوز تركب كل الاجهزة دى هيكون هناك خصم حوالى 300 جنيه
ممكن ياجماعه حد يقولنا نظام الباركينج سينسور اللى بيركب فى العربيه يعمل كام؟وبالنسبه لأسعار السنتر اوجهاز الأنذار ....ألخ انا كنت واخد اسعار اعلى من كده لو ممكن تقولى الأسعار دى جبتها امتى ولو فى رقم تليفون نتأكد من الأسعار دى يبقى الف شكر......
سؤال خارج الموضوع
انا مواطن من الغربيه و رايح اسكن فمحافظه تانيه و اشتريت من المحافظه دى عربيه استعمال او جديده و بطاقتى لسه على محافظتى القديمه ...هل ينفع ارخص سياره مستعمله انقل ملكيه و افحص و اغير ارخصه بأسمى من مرور المحافظه التانيه مثلا مطروح ولا لازم ارجع الغربيه مرور الغربيه علشان انقل العربيه و اسجل و افحص و خلافه
.....
و السؤال التانى بالنسبه للزيرو شراء زيرو من محافظه تانيه ينفع اسجل و ارخص من المحافظه دى ولا بردوا لازم ارجع محافظتى ....
دى تبقى كارثه لو لازم ارجع
السلام عليكم
تقدر تتصفح الموضوع من بدايته هاتلاقى اجابه لكل حاجه بصراحه الشباب مش مقصرين
العربية فيها معايا حاجتين النور بتاعها مش بينور
ولما بفولها كاملة مش بتظهر الاشارات كاملة غير بعد مبتمشي شوية
حد عنده نفس المشكلتين ولا حد ظهرتبه حاجة تانية
عشان انا لسة مش عارفة اوي برده وعاوزة اجمع كل الحجات اللي لازم اقول في الصيانة عليها
انا قربت اجيب ال1000 وهروح الصيانة قريب ومش عاوزة اطلع من هناك واكتشف حاجه جديدة
لو قصدك على نور الصالون فده عادى ...كل العربيات الالتو 2015 بتنزل كده وهما بيركبو الفيوز بتاع النور فى صيانة الالف .. انتى بس قوليلهم عليها
بخصوص مؤشر البنزين حصلت معايا مرة واحدة ( تانى مرة افول فيها العربية ) ... وساعتها الراجل ساب المسدس فى التانك ومشى والبنزين سرب ...لما لقيت المؤشر مابقاش فول تانك اول لما دورت قلت يمكن عشان حوار البنزين اللى وقع ... وخصوصا ان االموضوع ده محصلش تانى
اما لو انتى بتققولى كل مرة يحصل معاكى كده يبقى لازم تقوليلهم الكلام ده فى صيانة الالف
ايوه نور الصالون
وموضوع المؤشر بتاع التانك مش عارفة هتحصل تاني ولا لا
اصلي من وقت مفولتها كاملة مفولتش تاني انا اساسا متخيلتش انه العربية موفرة اوي كده
او يمكن انا اللي مش بخرج كتير مش عارفة بس انا فولتها مرتين من وقت مجبتها بقالها شهر بالظبط معايا
اول مرة حطيت فيها 20 لتر 92 بس كنت بلف بيها كتير اوي في الاول مشوني اسبوع
وتاني مرة كانت تالت يوم العيد فولتها كاملة ومن وقتها مفولتهاش تاني وتقريبا وقع شرطتين بس
المهم يعني انا اكيد هفول مرة تانية قبل الصيانة ^_^
هشوف هيحصل معايا كده تاني ولا لا
غير الحاجتين دول العربية تحفة بجد معايا ومستحملة غشميتي بشكل رهيب لدرجة اني بقيت بعشقها بجد
اساسا انا كنت جيباها ومقلقة منها وكنت مفكره انها عشان رخيصة هتكون وحشة
بس طلعت رهيبة وبتشيل كمان ناس جوه بتشيل 3 ورا مرتاحين والله
ما شاء الله ربنا يباركلك فيها بس ممكن اعرف انتى جبتى لون ايه ولو ممكن تصوريها ؟؟؟؟؟
لو سمحتم ياجماعه انا عندى شويه استفسارات انا العربيه عامله 980 كيلو وكلمت التوكيل علشان صيانة الالف قالى الميعاد بتاعى يوم الاربعاء القادم فهل فيه مشكله لو مشيت بيها لحد يوم الاربعاء ولا هتعمل مشاكل فى العربيه .
تانى حاجه العربيه لما بفتح باب السواق بالمفتاح عادى اللى انا اعرفه ان مفروض الاربع ابواب يفتحوا وكذلك فى القفل عندى انا مش بيفتح كل باب منفصل عن التانى فهل ديه مشكله عندى ولا العربيه مفيهاش الكلام ده .
تالت حاجه العربيه من غير ما احط المفتاح فى الكونتاكت ممكن اشغل التكييف والنور والكلاكس وكل حاجه شغاله فده كده هيحلوها فى صيانة الالف ولا ايه
وسؤال هل العربيه ليها مكان علشان يتركبلها ولاعه ولو فيه ياريت اعرف السعر بكام .
واسف جدا على الاطاله .
بالنسبه لاول سؤال امشى بالعربيه عادى جدا بس متفتريش
تانى حاجه العربيه مفهاش سنتر و دا عادى الباب يفتح لوحده و كل باب بتفتح المسوجر بتاعه فالتوكيل ممكن تطلب تركب سنتر و انذار بالنسبه للاسعار راجع الموضوع بالكامل هتلاقى اسعار تقريبيه
تالت حاجه بالنسبه للتكيف اللى شغال من غير كونتاك فدا معتقدش انه عيب كان معايا افيو كلكسها شغال من غير كونتاك بس النور لأ و التكيف لأ بس ممكن تكون دايره الكهربا بتاعتهم متوصله مباشر الله اعلم على العموم اكتب كل ملحوظاتك فورقه بالترتيب و انت رايح التوكيل
بالنسبه للولاعه اكيد فيه مكان بس انا معرفوش و بردوا فالتوكيل اسأل و هما يتمنوا انك تركب اوبشن ...و مبروك على العربيه
بخصوص اول وثانى سؤال ... استاذ مصطفى عمر جاوب عليهم بشكل تفصيلى ومش محتاجين رد تانى
بخصوص ثالث سؤال ... عادى ان الكلاكس والنور يشتغلو من غير مفتاح ... وده فى اى عربية ... اما بخصوص التكيف فمستحيل يشتغل بدون ما تدور العربية لان لازم يكون الدينامو داير عشان الكباس بتاع التكييف يشتغل ... اما اللى بيحصل مع حضرتك هو ان البلاور بتاع الكييف هو اللى بيشتغل ... مش التكييف .. كأنك مشغله مروحة بس ... والدليل على كده انك لو سبته شوية شغال هتلاقى الهوا مش بيطلع من الهوايات ساقع ... كأنه هوا داخل من الشباك عادى
يعنى الخلاصة عربيتك سليمة مافيهاش حاجة ... ولو حابب اسالهم برضو فى التوكيل هايفيدوك برضو
بخصوص الولاعة ... العربية اللى بتنزل مصر مالهاش مكان لولاعة ... المكان الاساسى للعربية اللى بتنزل بره بيبقى مكان لولاعة على يمين الدركسيون جنب مفتاح الكونتاكت ... انما اللى بتنزل مصر لاغيين مكان الولاعة ... ممكن يتفتح فى التابلوه مكان للولاعة لو ضرورى تركب ... انما هى مافيهاش مكان خاص بولاعة
https://www.facebook.com/groups/Medo...utoSpareParts/
اللى عاوز مرايات نيو التو موجوده عند الجماعه دول يخش يتعامل معاهم انا سألت و قالوا ب160 الواحده الاتنيين 320 اليمين و الشمال حبيت افيدكم بحاجه و اكيد اى حاجه تانيه مش موجوده هتلاقوها انشاء الله عندهم ..لو نشر اللينك بتاع الجروب غلط ضد شروط الموقع اسف و شكرااا
يلا هيصوا بالمرايات التحكم الداخلى
و الله ما اعرف انا لقيت لينك الجروب صدفه حتى مش فاكر يمكن من المنتدى كمان تقريبا قولت اكيد هلاقى صور التو دا كان الهدف عملت ريكوست للجروب اتقبل فسعتها دخلت رحب بيهم و سألت السؤال بخصوص المرايات بس حتى انا معرفش كدا كتير او رخيص او سعر عادى و ردوا عليا و اكدت عليهم ان المرايات الجديده مش بتاعت عربيه تانيه و تركب عليها و بعدها بشويه قولت اكتبلكم الموضوع يمكن افيد حد من ساعه ما دخلت الجروب و انا مبعملش حاجه غير المتابعه و الاسئله .. بس ادخل الجروب يا استاذ ابراهيم و استفسر بردوا حتى هتلاقى اكونت الفيس عندى بنفس الاسم الموجود ( مصطفى عمر ) و كلامى معاهم هناك
الف الف مبروك ربنا يباركلك فيها
خدوا اللينك دا منتدى و صفحات زى نايل موتورز بالظبط فطريقه التصفح و المتابعه و عيشوا مع صور التو على فكره الصوره فيها مكان الولاعه اى خدمه
Maruti Alto 800 : Official Review - Team-BHP
من العيوب الخطيرة في النيو التو
...
1- كرسي العربية النيو التو
دمر فقرات الرقبة
مش قادر ..... والله حرام
...
في عيب في تصميم الكرسي
:120146b:120146b
...
2- الفتيس
لما تيجي تجيب مارش ريداير (ترجع للخلف) لازم يعض منك
وقلت كده في التوكيل قالي كلامك صحيح
...:120146b:120146b