معلش يا جماعة هي الالتو 2015 الجديدة 800 سي سي ولا 1000 ولا هو الموديل القديم كان 1000 والجديد 800 ولا ايه الموضوع علشان انا فعلا اتخلطبت جدا
عرض للطباعة
معلش يا جماعة هي الالتو 2015 الجديدة 800 سي سي ولا 1000 ولا هو الموديل القديم كان 1000 والجديد 800 ولا ايه الموضوع علشان انا فعلا اتخلطبت جدا
يجماعة انا فعلا كنت بفكر اشترى الالتو بس فيه ناس خوفونى علشان الموتور 800 سى سى وبصراحة انا ماليش خبرة فى العربيات لانها هتكون اول عربية فنصحونى باسبرانزا 113 بيقولوا تقريبا فى نفس السعر وكمان 1300 سى سى بس انا قلقان من انها صينى فياريت اللى عنده خبرة يدلنى ولكم خالص الشكر
ياجماعة معلش انا ماليش خبرة فى السيارات بس اعرف ان السيات 133 اللى بابين وكانت ضعيفة كانت 850 سى سى فمعقول تكون اقوى من الالتو 800 سى سى ام لا ياريت حد يفهمنى وليكم الشكر
ايه اخبار الالتو فى الجو ده ودورانها الصبح والثبات على الاسفلت فى المطر ده , وهل بها سخانات للزجاج الخلفى ام لا ؟
سمعت ان مع البروده استهلاك البنزين بيزيد هل دا صحيح ؟ ولو صحيح اخبار الاستهلاك ايه؟
ايه طبيعة عمل مؤشر الحرارة فى العربية ؟ وهل اللمبة بتاعت مؤشر الحرارة بتنور او اى شىء بيظهر منها يدل ان العربيه سخنت ووصلت للحرارة الطبيعية للموتور ولا الدنيا ماشيه ازاى ؟؟؟
سبرانزا a113 موديل 2015 كان سعرها 68 الف ومش عارف عاملة كام الوقتى
ايوه معاك باور وزجاج كهربا و سنتر وكاست CD بس صينى وتقفيل مصري يعنى لو فى تحفظ على انها صينى ففى مليون تحفظ على تقفيلها المصري + استهلاك اعلى فى البنزين هى 1300 cc بس استهلاك اكتر من 1300 cc دا بخلاف ان الالتو موفرة ف الاستهلاك بشكل ملحوظ جدا
ادخلى علي مواقع بيع المستعمل هتلاقي 2014 لا تتعدى 55 الف واخرها 58 الف ولازم العداد ميزدش عن 30 الف كم دا بخصوص اعادة البيع ( كل الصينى بيخسر فى اعادة البيع )
لو معاكى 68 الف كاش ارشح لك شيفروليه لانوس او فيرنا مستعملة وهتجيبى موديل عالى وعربيه لسه متهانتش ولا انك تشترى صينى
الالتو انت بتشترى عربيه متقفلة فى مصنعها بره مصر ودا فى حد ذاته ميزة , فقرة فى الاوبشن ولو حسبت تركيبهم لا يتعدى 2500 جم موتور 800 cc نقمة ونعمة ( موفر ف الاستهلاك بس ولكن ليس بالقوة الكافية "لاصحاب الشد بالعربيات" ماركة سوزوكى بقالها زمن فى مصر المفروض منقارنش اى ماركة صينى بماركة بقالها زمن فى مصر واثبتت نفسها ( ناس كتير تقارن امجراند والـ byd و شنجان بهيونداى فيرنا وشيفروليه لانوس ) ,, م الاخر اللى بيشترى التو بيشترى خصوصيته وعربية تحت رجليه بدون قرف المواصلات وارخص سعر عربيه محترمة على قد فلوسها هى الالتو اما قصة الصينى والمستعمل بيبقى زى البطيخة ممكن متصرفش عليها الا زيت وفلاتر وممكن من اول شهر تخليك تقرر تبيعها
شكرا ليكم يا جماعة، استفدت كتير من خبراتكم مع الالتو، انا ان شاء الله هاحجز واحده خلال الاسبوع ده بس هاستنى فتره طويله لحد ما استلمها ، شيء سخيف بجد خاصة ان اي معرض بيبيعها بزياده خمس و ست الاف، ياللا ربنا يعيننا! شكرا مره تانيه و تفضلوا دايما تفيدونا بنصايحكم