ليه مفيش حد بيرد انا عايز افهم هو المواتير القديمة غير الحديثة ازاى العربية السيات 133 كانت 850 سى سى وكانت ضعيفة وازاى الالتو 800 سى سى وكمان شغال تكيف ياريت اهل الخبرة يوضحوا الموضوع دة وشكرا
عرض للطباعة
ليه مفيش حد بيرد انا عايز افهم هو المواتير القديمة غير الحديثة ازاى العربية السيات 133 كانت 850 سى سى وكانت ضعيفة وازاى الالتو 800 سى سى وكمان شغال تكيف ياريت اهل الخبرة يوضحوا الموضوع دة وشكرا
السلام عليكم انا الحمد لله لسه مستلم الالتو من أسبوعين وهى اول عربية بالنسبة ليا فمقدرش احكم عليها دلوقتى . بس انا ممكن اجاوبك على الفرق عموما بين المواتير القديمة والحديثة .
أولا العربيات القديمة كان نظام خلط الوقود مع الهواء كاربيراتير اما الحديثة فحقن الكترونى وده بيزود قدرة العربية اكيد بالمقارنة بنفس حجم الماتور . ثانيا نسبة الانضغاط زادت وبالتالي العربيات الحديثة بتستخدم وقود 92 انما القديمة ممكن تستخدم وقود 80 . ثالثا عدد الصمامات زادت . وبالتالي المفروض يكون معيار المقارنة مش ال cc للماتور فقط ولكن لازم يدخل كمان العزم عند عدد لفات معينة وكمان القدرة
الف مبروك وربنا يكفيك شرها وشكرا علي الرد
بس افهم من كده ان السياره اللي ماتورها انجكشن بيكون اقوي من الكاربرتير ام الفرق في توفير البنزين فقط وشكرا
لو سمحتم سؤال لكل الالتوية
هل النيو ألتو الجديدة 2015 بينزل فيها سماعات ولا مكانها دا فاضي ؟؟ بالله عليكم أفيدوني في الموضوع دا لاني لما سألت مسئول المبيعات اللي في الدقي وانا بحجز العربية قالي انها مكانها فاضي هي والكاسيت وجاهزة للتركيب في حين اني قريت ان احد الاعضاء قال انه استلم التو 2015 ومسئول المبيعات باردوا قالوا ان السماعات مكانها فاضي وبعدين بعد ماركب الكاسيت اكتشف ان العربية فيها سماعات !!!!!!!!!!!
الف مبروووك وربنا يبارك لك فيها
استأذنك فى استفسار بخصوص دوران العربية الصبح فى البرد ده فى موضوع صوتها ونظام الحرارة شغال ازاى هل اللمبه منورة طول الوقت ولا بتنور لما العربيه توصل للحرارة المطلوبة ولا بتنور لما يحصل مشكله وبتعرف اازاى ان الموتور سخن السخونة الطبيعية
اقصى سرعه وصلت لها ايه ( عارف انك فى فترة التليين بس اكيد جربت تشد بيها مره ).
اسوأ موقف حصل منها ليك حتى الان ( ربنا ما يجيب وحش ابدا )
ايه اللى خلاك مقتنع بيها بعد ما جبتها او قلت انها صفقة رابحة شراء الالتو ( بخلاف الخصوصية و فرحتك وانت ماشى فى المطر وبتفتكر ايام الكحرته :d وتوفيرها للبنزين )
بالنسبة لدوران العربية الصبح فى البرد بتدور عادى وانا بسيبها دقيقتين تسخن بعد كده وخلاص .
اقصى سرعة وصلتلها كانت 100 ومرضتش ازود عن كده الصراحة
واللى خلانى مقتنع بيها الصراحة انها مناسبة لاحتياجاتى لانى اغلب مشاويرى هتبقى داخل المدينة ودى اسهل فى الركن واوفر فى البنزينوالميزة اللى عجبانى انها عاليه عن الارض شوية فهتناسب المطبااات داخل المدينة وكمان اسرتى صغيرة. الخلاصة شوف انت احتياجاتك ايه وعلى اساسها اختار العربية المناسبة وربنا يوفقك