الموضوع: تقرير زيارة التوكيل بتاريخ أمس 2014/8/14

الفرع :العبور
ساعة الوصول 9:10
المشاكل
1- السنسور بارك بيهيص مرة يشتغل و مرات كتيرة مايشتغلش و على طول أول ما تجيب مارشدير يصفر مع العلم أنى بأبقى في حتة فاضية
2- تفعيل خاصية الأوتولوك و الريلوك قاللى دى ب 100 جنيه قلت له ماشى
3-الفرامل وحشة فقلت له يبص على التيل قلت لو خلص يتغير
4-تركيب عازل حرارى عند الدواسات
قاللى السعة 11:30-12 تستلم العربية
الساعة 10:30 كده زهقت قلت أتمشى أشوف اللوجان الجديدة
اللى كانت موجودة هي الفئة الأكثر مبيعا هي الكومفورت العربية لم تختلف عن سابقتها في الوسع وزادت فخامة التابلوه و كل حاجة فيها رائعة و على فكرة شوفت أكصدامات جديدة للعربية هناك يعنى معنى كده أن العربية بدأ ينزل لها قطع غيار خارجية لأن في بعض الزملاء أتكلموا أن ما فيش لها أكصدامات في التوكيل العربية مبهرة بصراحة و مغرية جدا و أتكلمت مع مدير المبيعات بتاع الفرع قاللى أن الفرق بين الفئة الثالثة كومفورت و الفئة الرابعة الهاى لاين سنسور بارك والجنوط الألومنيوم و الفرق بين ال فئة الرابع و الخامسة قاللى ما فيش حاجة أسمها فئة خامسة كل الموضوع أن الكاسيت متغير بدل الكاسيت العادى اللى فيه سى دى بيشيله و يحط جهاز النافيجشن و هو فيه usb فقط الفئة الخامسة مافيهاش CD PLAYER فيها USB فقط و سمعت كلام مش مظبوط من مالك لها بيقول أن اللوجان الجديدة بعد ال 140 بتعوم شوية و مدير المبيعات قالله أن كذا واحد قالله نفس الكلام ده طبعا ممكن يكون أي سبب تانى غير العربية العربية جامدة جدا اللى أنا حاسه أن ده كلا م و خلاص العربية مش ممكن تنزل بحاجة زى كده و بشرى سارة بعد تعدد شكاوى العملاء من الكاوتش الباروم بلغوا الشركة أن الكاوتش سئ و بالتالى من الدفعات الجديدة حينزلوا كاوتش تانى غير الباروم
يتبع---------------------------------------------------------------------