تعويم النيو لوجان ،،

**RAMYALI_1982** · 11-02-2015 03:27 PM

انا معايا 2015 ومفيش اى تعويم مسافر على الصحراوي 130 140ومفيش اى حاجة الكاوتش جى تى وزى الفل انا ملاحظ ان فى افورة فى الكلام عشان العربية سعرها منافس وصعب منافستها فى الفئة دى

**superman2** · 11-02-2015 03:32 PM

المشكلة عندنا في مصر ان كل واحد يعرض مشكلة ويحكي تفاصيل عنها ويكبرها علي الاخر
وفي الاخر يقولك واحد صاحبي جربها وقال لي .... انا عن نفسي الان مش بصدق 99% من الكلام ده

**RAMYALI_1982** · 11-02-2015 03:55 PM

المشاركة الأصلية كتبت بواسطة superman2

المشكلة عندنا في مصر ان كل واحد يعرض مشكلة ويحكي تفاصيل عنها ويكبرها علي الاخر
وفي الاخر يقولك واحد صاحبي جربها وقال لي .... انا عن نفسي الان مش بصدق 99% من الكلام ده

انا راى من راى الراجل دة ياجماعة الموضوع معمول علية هالة بدون داعى العربية دى صعب منافستها ف الكلام كتير بأة دى بتعوم لا دى بتطير لا دى بتصوصو الكلام دة كلة هرى على الفاضى العربية انصح بشرائها بشدة والا هاتركب اية بسعرها مع احترامى لكل المركات اللى فى الفئة السعرية دى او حتى اغلى عشرين الف هاتركب عربيات خاوية على عروشها من اى اوبشن بحجة الانتشار ال يعنى العربيات لحد ال120 ثبات خرافى واللوجان هى اللى وحشة حوش الفرنا وحش الثبات والا الصنى حوت حلبات السباق انا مش عارف اللى ببقول عليها بتعوم بيقارنها بثبات اية بالظبط عايز عربية غرز وسباقات ماتروح تجيب سيفيك ولا bmw

**adel_edrees** · 11-02-2015 06:14 PM

المشاركة الأصلية كتبت بواسطة ramyali_1982

انا معايا 2015 ومفيش اى تعويم مسافر على الصحراوي 130 140ومفيش اى حاجة الكاوتش جى تى وزى الفل انا ملاحظ ان فى افورة فى الكلام عشان العربية سعرها منافس وصعب منافستها فى الفئة دى

أهو أنت كده و صحت لى الموقف فى عربيات نيولوجان نزلت بالباروم بريليانتس 2 اللى هو برضه كاوتش سئ و لما الناس أشتكت راحوا مغيرينه ل جى تى و علشان كده أنا قلت من الأول لازم كل اللى يخش و قول رأيه و تجربته مع التعويم يقول نوع الكاوتش اللى عنده أيه

**RAMYALI_1982** · 12-02-2015 02:30 PM

المشاركة الأصلية كتبت بواسطة د. مايكل

اللوجان الجديدة عاملة حاجات غريبة معايا انا لسة ماقفلتش 1000كم و العربية مش ثابتة في المطبات و بطيئة جدا و خصوصا على المطالع أو الكباري ومش فاهم ايه الحكاية ده أنا جبتها لما جربت الموديل القديم مع صديق شاريها من سنتين وسافرت بيها معاه كذا مرة و كانت 10/10 ياريت حد من الأعضاء يطمني

الكاوتش عند حضرتك نوعة اية وظبط ضغط الهواء ولا لا بعد الشراء وتقصد اية مش ثابتة على المطبات وبالنسبة للسحب وخصوصا على المطالع العربية اداءها متوازن يعنى مش بطيئة اوى ومش سريعة ودواسة البنزين ليها دوستين شبة الاوتوماتيك شوية يعنى فى دوسة عادية بتخلى السحب عادى زى الاوتوماتيك براحتها يعنى وفى دوسة جامدة زى الكيك داون بتخلى العربية سحبها سريع لكن هى مش زى الكورى ومش بتطير من اقل دوسة على البنزين زى الهيونادى مثلا فرجاء بلاش المقارنة تكون بالشكل دة العربية مختلفة وهاتتعود ان شاء الله على دوستها فى اقرب وقت

**د. مايكل** · 12-02-2015 02:58 PM

أشكرك على ردكم الكريم الكاوتش عندي جي تي و ضغط الهواء 30 و جنوط اسبور فابريكة و العربية بتدبدب جامد في المطبات كأن مافيش مساعدين و على الطريق الصحراوي بتعدي ال 90 بالعافية أرجو الإفادة و شكرا مرة تانية

**RAMYALI_1982** · 12-02-2015 03:10 PM

المشاركة الأصلية كتبت بواسطة د. مايكل

أشكرك على ردكم الكريم الكاوتش عندي جي تي و ضغط الهواء 30 و جنوط اسبور فابريكة و العربية بتدبدب جامد في المطبات كأن مافيش مساعدين و على الطريق الصحراوي بتعدي ال 90 بالعافية أرجو الإفادة و شكرا مرة تانية

لا كدة فى حاجة غلط روح التوكيل طبعا انا عندى برضة جى تى وازى الفل والعربية سحبها كويس وسرعتها بتزيد بصورة طبيعية انا سافرت على الصحراى وثبت السرعة مابين 120 و140 طول السكة ومزوتش طبعا عشان العربية كانت لسة جديدة بس مابتعدبش 90 دة مش طبيعى طبعا ارفع السماعة احجز معاد فورا فى اقرب فرع للتوكيل وخليهم يكشفوا على العفشة ويجربوا معاك السرعة على الطريق

**د. مايكل** · 12-02-2015 03:21 PM

أشكرك يا أ. رامي و سأفعل اللازم و أرجو ان يكون العيب بسيط قابل للحل ربنا يستر

**bedo84** · 12-02-2015 05:50 PM

السلام عليكم جميعا ،،

انا صاحب الموضوع وعملت الموضوع دا من فتره ولولا الاخ ال عمل رد مكنش الموضوع دا طلع للواجها تاني

بعتذر لكل ملاك النيو لوجان لو كانوا فهموا اني بهاجم العربيه ،، لكن النيو لوجان ممتازه كاسعار وشكل وامان واتزان ودا

راي نهائي لكل ال عايز يشتريها ،،، وصاحبي ال اداني المعلومه السابقه عنها بيشكر فيها جدا دلوقتي وممكن. يكون عندو

مشكله واتحلت ،، انا عن نفسي مستني الموديل الاوتوا ينزل علشان اشتريها ،،