مفتكرش موضوع المحضر دة مجزى
لان مش هيبعتوا حد اصلا لموضوع تافه بالنسبالهم زى دة
بالنسبة لعود الكبريت و انا بحطهولة و اتقفشت مع اول قلم هقول على محمد ممدوح و شركاه اللى قالولى على الفكرة دى:D
عرض للطباعة
للاسف الناس مبقاش عندها اخلاق
عاوز تشوف بنفسك انزل امشى فى الشارع بعربيتك
هتلاقى واحد ولا تعرفه ولا عمرك شفتة عاوزيلبسك مطب لمجرد انك عاوز تعدى منه
و واحد تانى بعد متعدى منه يضرب نور لذيذ عشان تعديت حدودك و عديت منه
و لو مدى اشارة تلاقى اللى جاى من ورا معندوش اسنعداد يساعدك بفرمله صغيرة جدا
و لو سرحت وانت ماشى و عملت غلطة بسيطة تسمع ابشع الالفاظ
و لو حد رما عليك و انت لحقت نفسك منه نادر لما يعتذرلك باى اشارة منه
هى دى اخلاق 95% من قائدى السيارات فى مصر اللى عمرك مشفتهم قبل كدة ولا تعرفوه و تقولى خليك زوق
طب انا لما بكلم حد بزوق ممكن تلاقى رد بقلة زوق
بلاش مشاكل اتفهمو مع بعض بالخير والاحترام تاني منعا للمشاكل عشان الموضوع ما يكبرش
طيب بما ان موضوع الحديد اتفتح
انا عندى نفس المشكله
الناس (مش بس الجيران لا برضه ناس من شوارع تانيه) بتركن و تقفل عليا باب الجراج مع انى كاتب عليه (جراج رجاء عدم الوقوف)
زمان لما كان فيه صحه و قلة عقل كنت بجيب العصابه و نشيل العربيه شيل و نرميها فى اى مكان, و مره بعد ما دخلت عربيتي رجعنا العربيه لصاحبها تانى قدام الجراج و قمت فاككله ال 4 بلوف بتوع ال4 فرد
الان العصابه نصها بتقضى احكام فى المزرعه و النص التانى بلغ فرار
انا اعمل ايه؟؟
احط حديد والا القانون بيدينى الحق انى اكسر اى عربيه قافله عليا و ازقها؟
ممكن تحط برميل
ياجماعة براحة الجار لو عليا جار والنبي وصي علي سابع جار
الموضوع ده انا كمان بعاني منه بس الحل لذيذ جدا وهيخلي الواحد مايركنش تاني
اولا جبت قلم دوكو وكل ما واحد يقف اكتبله علي الأزاز (برجاء الأعتناء جراج خاص) أظن في منهي الأدب
هتقولي افرض عملها تاني هقولك سهله جدا أكتبهالو علي الصاج وياسلام لو معاها فرده نايمه
وعندك بقي لو فضل واقف وانا عايز امشي أجيب عربيه نقل من بتوعنا وهات أكصدام في أكصدام طبعا انا بألأكصدام الخلفي علشان عباره عن صاج 3 مم
واقوم زاقق العربيه ومره مع مره الناس ابتدت تفهم ان ده جراج
وممنزع تعمل حديد اقل شكوي في الحي هينزلو علشان ياخدو الحديد ليهم (سبوبه يعني) وقلم الدوكو ب 5 جنيه بس جميل قوي
mohamed_rahem gab mn el a5r< 5alik zoo2 m3 el zoo2>.....we msh shart elet adab...khalik bared we kolo bel adab bardo
احنا عندنا نوعا ما نفس المشكلة..المكان اصلا بتاعنا عشان تحت عمارتنا بس تقول ايه للناس اللي ف الشارع كلهم بيحلالهم الركنة ف الحتة دي بالذات..مع ان في جراج قدامنا ب50 متر.
أنا عموما بتصرف كالآتي
معايا مفتاح الاستبن بتاع والدي وهو معاه مفتاحي..بنركن موازي للرصيف -ممنوع الركنة عمودي- بس ورا بعض وفيه رصيف طالع عن الشارع سنة هو اللي بتبتدي من وراه الركنة..اللي بييجي فينا الأول بيحجز مكان عربيتين..يعني لو انا جيت الأول بركن مش قدام الرصيف على طول..لأ..بوسطن نفسي..لا تكفي عربية ورايا ولا قدامي..لما ييجي والدي بيحرك عربيتي قدام سنة ويركن ورايا..وبنسيب بقية المكان للي حاطين عينهم عليه.
خللي معاك مفتاح والدك..ومعلش استحمل حكاية انك تحرك العربية..في سبيل تكبير الدماغ ومنع المشاكل.