محتاج تيل فرامل للعربية فية حد يعرف سعرة اية
عرض للطباعة
محتاج تيل فرامل للعربية فية حد يعرف سعرة اية
يا جماعة العربية هتجننى و الله .. السخونية بتاعتها عندى العادى بتاعها لحد الربع و لما بشغل التكييف و اقرص شوية ع الموتور بتوصل النص .. دلوقتى بقيت و انا واقف حتى ع السلانسية بتسخن للنص و المراوح تشتغل و ترجعها الربع و مفيش دقيقة و تسخن تانى و هكذا .. و لما بطفى العربية بلاقى المياة نازلة من الخرم بتاع الفايظ اللى فى الرادياتير من فوق .. مش عارف اعمل اية الصراحة .. روحت زبطت تاكيهات تانى مفيش فايدة ياريت تقولولى اعمل اية لأنى زهقت و الله من المشكلة دى انا ماشى حاليأ بجراكن مياة عشان الحوار دة :dontudear:
دكتور جورج روح توكيل القطامية مهندس وائل حيهتم و يضبط لك العربية تمام عن ثقة و تجربة عدة مرات فى سيارتى الروا
أستاذ محمود ياسين دكتور جورج رد على حضرتك :)
طيب يا جماعة لحد مروح القطامية انا شاكك فى البوجيهات لأن استهلاك البنزين زايد جامد اوى .. تقترحوا علية اغير البوجيهات و اشوف فى فرق ولا لأ ؟ ولا البوجيهات مستبعدة خالص ؟
بالتأكيد البوجيهات تفرق لكن ممكن تكون البوابات و ضبط الجهاز عليه عامل مهم
تحياتى
كان عندى غربله فى العربيه على التمانين قلت ارصص و اغير مكان الكاوتش وفعلا عملت كده فى العيد العربيه اتحسنت شويه بس الغربله اتنقلت بقت ما بين التسعين و الميه صراحه و انا برصص واحد قالى الكاوتش وحش و ناشف لانو من 2007 و العربيه بتاعتى ماشيه حوالى 23 الف بس فهل ده ممكن يكون السبب ولا ايه ؟؟ انا عارف ان كان فيه موضوع كبير على بلى العجل و الغربله بس انا دلوقتى عاوز نصيحه و خطوات محدده لان انا كده قدامى طريقين تغيير الكاوتش وده طبعا الطريق الاغلى لانو هيكلف حوالى 2000 جنيه او ابتدى فى خطوات الكشف على السياره او تغيير البلى او اعادة الترصيص يا ريت تفيدونى على الخظوات بالترتيب عشان انا بردو بصراحه مش عندى خبره كبيره اوى بالعربيه انا عامة كده كده مش بمشى بسرعه بالعربيات عموما يعنى اخرى 80 او 90 بس انا بحب يكون كل شىء فى العربيه مظبوط عشان احنا على طريق و ربنا يسترها على الجميع و يكفينا شر الطريق و عذرا للاطاله و فى انتظار ردكم الكريم و كل عام و انتم طيبين
كان عندى غربله فى العربيه على التمانين قلت ارصص و اغير مكان الكاوتش وفعلا عملت كده فى العيد العربيه اتحسنت شويه بس الغربله اتنقلت بقت ما بين التسعين و الميه صراحه و انا برصص واحد قالى الكاوتش وحش و ناشف لانو من 2007 و العربيه بتاعتى ماشيه حوالى 23 الف بس فهل ده ممكن يكون السبب ولا ايه ؟؟ انا عارف ان كان فيه موضوع كبير على بلى العجل و الغربله بس انا دلوقتى عاوز نصيحه و خطوات محدده لان انا كده قدامى طريقين تغيير الكاوتش وده طبعا الطريق الاغلى لانو هيكلف حوالى 2000 جنيه او ابتدى فى خطوات الكشف على السياره او تغيير البلى او اعادة الترصيص يا ريت تفيدونى على الخظوات بالترتيب عشان انا بردو بصراحه مش عندى خبره كبيره اوى بالعربيه انا عامة كده كده مش بمشى بسرعه بالعربيات عموما يعنى اخرى 80 او 90 بس انا بحب يكون كل شىء فى العربيه مظبوط عشان احنا على طريق و ربنا يسترها على الجميع و يكفينا شر الطريق و عذرا للاطاله و فى انتظار ردكم الكريم و كل عام و انتم طيبين
1 ضرورى تغيير الكاوتش أنا جبت هانكوك كورى عمل 1280 للأربع فرد بعد كده رصصت و إكتشفت قصة البلى جبته و رايح بيجو القطامية أغيره بس لازم العربية تتساب فى التوكيل يوم كامل يعنى حتستلمها تانى يوم
ده لينك القصة زى ما حصلت معايا بدون موضوع البلى
http://www.nilemotors.net/Nile/432215-4.html
المشكلة اتحلت الحمد لله بتنضيف الرادياتير .. و غيرت البوجيهات و استهلاك البنزين رجع طبيعى تانى :plusone1:
تحياتى
شكرا على النصيحه و اعتقد ان ده اسلم و أأمن حل عشان الواحد يكون مطمن بس كنت عاوز اسال حد جرب يركب اطارات نسر تيل 100% مش سلك ولا تكون ناشفه على العربيه ؟؟ بصراحه التيل بيعيش اكتر و يستحمل المشى والمطبات احسن من الكاوتش السلك . هو عامة اغلى من الاطارات السلك بس بعيش اكتر .
كنت عاوز اسال هو حضرتك جبت البلى منين و بكام ؟؟ وهل هو معروف يعنى لو قلتلو بلى روا امامى هيعرفو ولا لازم يكون معايا القديم ؟؟
استاذ جورج تحياتى كنت عاوز اسالك هيا بيركبلها بوجيهات نوعها ايه و منين و بكام و ياترى ركبتها فين فى التوكيل ولا عند ميكانيكى عادى ؟؟ و ميسوط ان مشكلتلك اتحلت من غير تعب كتير
د. جورج
تحياتى
رجاء الرد على الأستاذ يس
محمد أحمد خضر makarther
:)
أستاذ يس
البلى من شريف حسن
39 ش مجلس الشعب
لو حتروج بالمترو إنزل محطة سعد زغلول مشى بسيط حتوصل المحل
دعوة للقاء
مجرد فكرة جاتلى لجروب إتحاد ملاك البجو روا "روئة"
نتجمع و نتقابل ف مكان يناسب الكل
بحيث نتكلم و نتعرف و كل واحد يعرض رؤيته للسيارة التى يمتلكها
و المتاعب اللى إتعرض لها معاها
و مميزاتها
سأضع الموضوع على صفحة الفيس بووك الخاص برابطة إتحاد مالكى البيجو روا
أتمنى الفكرة تنال إستحسانكم
و نتفق على مكان يناسب الجميع
makarther
محمد أحمد خضر
01223128543
01024144107
01149555927
رايح يوم الإثنين توكيل بيجو القطامية
مع أصحاب مشكلة الروا من الزقازيق
حأمشى قدامهم علشان يعرفوا الطريق
لو حد عنده رغبة فى عمل صيانة لسيارته الروا ممكن ييجى معانا
المقابلة أمام النصب التذكارى فى الأوتوستراد بعد شارع يوسف عباس على طول
صباح الاثنين 20أكتوبر 2014 الثامنة صباحا
تحياتى
ربنا يوفقكو و تكون المساله بسيطه و يجعلو فى ميزان حسناتك لو حضرتك بعد لما تخلصو يا ريت يكون فية تقرير بسيط عن المشكله و الحل عشان الفائده تعم على الجميع و لك جزيل الشكر
بالمناسبه انا لاقبت عندى ورقه ملزوقه على شنطة العربيه بتوضح ضغط الهوا فى الكاوتش . الكاوتش الامامى 29.5 و الخلفى 33.5 قلت اشارك المعلومه معاكم و اسال لو فيه حد ملتزم بالضغط ده ولا لأ
مساءك كله خير أستاذ يس
طبعا حيكون فيه تقرير عن الرحلة البسيطة لى من مصر الجديدة إلى القطامية
و لرجال الزقايق من الشرقية إلى القطامية
ملخصها حيكون التقرير الهندسى الخاص بسيارة الأستاذ أحمد و ما تم عمله فيها
بالنسبة للكاوتش أنا بأظبطه على 30 على طول من أول ما إستلمت العربية
و بصراحة ما قريتش الورقة ديه
و كل ما بأشوف حاجة فى العربية ألاقيها بالفارسى
فأعتمد على معلوماتى من صيانة التوكيل اللى كان فى شارع بورسعيد
و دلوقت بأعتمد على توكيل بيجو أحمد عمارة القطامية
سؤال لحضرتك الورقة فين بالضبط على الشنطة
الورق الوحيد اللى كان عندى هو الشحن اللى كان ملزوق على البرابريز
و شلته و نضفت مكانه
سؤال مهم أ.يس
غيرت الكاوتش ؟
اليوم الاثنين 30 اكتوبر 2014 كان موعد اللقاء الثامنة صباحاً أمام النصب التذكارى الجندى المجهول و به قبر الرئيس الشهيد محمد أنور السادات "بطل الحرب و السلام" بطل العبور و تحطيم خط بارليف و إسطورة الجيش الذى لا يقهر .
كان الموعد الثامنة صباحاً لكن حضر الشباب التاسعة و هذا يعتبر تأخير بسيط فهم قادمين من الزقازيق "الشرقية" وقفنا حضر أحد أفراد الحراسة دون أن يلاحظ الشباب يرى ماذا تفعل تلك السيارتان و لما قررنا المضلى فى طريقنا أشرت له أطمئنه فأشار بالتحية و السلام ففى الناحية الأخرى من الطريق تقع جامعة الأزهر .
وصلنا توكيل بيجو أحمد عمارة القطامية و الذى كان يصعب الوصول إليه لولا أنهم يسيروا خلفى –كما إتفقنا- فالوصول للتوكيل يحتاج شخص ذهب إليه من قبل بعده يصبح سهل الوصول إليه .
قمت بتسليم سيارتى لتغيير البلى الأمامى و إكتشف المهندس أن السيارة تحتاج تغيير تيل فرامل سعره 100 جنيه "إيرانى الصنع" قمت بتغييره و تم ضبط كل ما أريده أثناء عملهم فى الروا الأخرى و تلك كانت المشكلة .
قام م.أحمد "طالب بكلية هندسة – قسم ميكانيكا" صاحب الروا الثانية -سوداء مثل روئة بتاعتى- بإخبار مهندس وائل عما فى سيارته و هو أن rpm السيارة لا يرتفع عن 3000 و بدأ المهندس العمل و صعدنا الإستراحة نترك الرجال يعملون فى السيارتان كنا نتبادل أطراف الحديث حتى قال م .أحمد أن السيارة تخص والده و أن أخوه كان يقودها و وقع بها فى الترعة هنا صمت لإن معنى هذا أن عمل الرجال تحت غير سليم لإنهم ليس معهم المرشد السليم "إصابة السيارة بالمياه" و هنا إتفقنا على إخبار م.وائل مدير الصيانة لأنهم سيظلوا يعملوا فى طريق غير الطريق و فعلا أخبره م.أحمد بالأمر فنظر الرجل نظرة يقول بها ليتك أخبرتنى من البداية و أحضر "عقل" وحدة الكمبيوتر المسئؤلة عن عمل السيارة كلها سيمنز و هنا كان الوحدة هى سبب المشكلة و سعرها ستة آلاف جنيه و لذلك لا يجب غسيل الموتور بالماء مطلقا .
ماذا نستفيد من تلك القصة ؟
زى ما بنعمل مع الدروس و العبر .
أنه علينا إبلاغ الصيانة بما بالسيارة و ما حدث لها لنستطيع توفير الوقت و الجهد علينا و على الأخرين .
عذرا للإطالة فالقصة تستحق بالنسبة لى .
و الحمد لله غيرت التيل لتانى مرة منذ إستلامى السيارة فى 2007 و العربية عاملة 51000 كم و غيرت البلى و ربطت العفشة اللى كانت بتصرصر و حطيت شحم على سلك الدبرياج
ملحوظة هامة لكل ملاك الروا
بالتأكيد أغلبنا يعرف المعلومة لكن حبيت أكد عليها
السيارة بودى بيجو 405
موتور هلمان إنجليزى
إنجكشن أعتقده إيرانى ......................
الشاسيه شاسيه البيكان الإيرانى "تستخدم كسيارة تاكسى و نصف نقل فى إيران
العقل "كمبيوتر تشغيل السيارة "سيمنز ألمانى"
الموتور 1600 سى سى 107 حصان و علشان كده السيارة تجرى مع أى سيارة
السيارة عيوبها قلة الرفاهية فيها
تحياتى
الورقه ده ملزوقه على غطا الشنطه من جوا هحاول اصورها و ارفع الصوره ان عرفت
حتى الان لم اقم بتغيير الكاووتش انا بس كنت عاوز حد كويس و امين عشان يكشف على الكاوتش اللى موجود و كمان على الجنوط عشان هو الى يقولى هل فعلا المشاكل من الكاوتش ولا البلى لو تعرف حد يا ريت تقولى عليه و اكون متشكر جدا
شكرا على التقرير الجميل بتاع زيارة التوكيل بس حضرتك مقلتلناش بعد تغيير البلى و قبل كده انت كنت مغير الاربع فرد كاوتش هل مشاكل الغربله كلها انتهت ولا لسه فيه حاجه تانيه
و شكرا على المعلومات اللى انت دايما بتكتبها
حاجه تانيه كمبيوتر العربيه هل هو اللى تحت المساحه الشمال فى كبوت العربيه ؟؟ لو هو انا لما اشتريت العربيه كان اللى راكبها حاطط عليه بلاستيك عشان يحميه من المياه انا بنصح ممكن شنطه او كيس كبير يعمل حمايه كويسه ليه طالما هو غالى
و شكرا
صباح الفل يس بك
الكاوتش بيتغير كل 5 سنين
لإنه الشئ الملامس للأرض من السيارة و كده بقيله 7 سنين يبقى حضرتك محتاج تغييره
البلى أنا لما عملت ترصيص فى شل نزيه خليفة "مصر الجديدة" عم عبد المحسن مسؤول الترصيص هو اللى قالى على البلى
بالنسبة للكاوتش لما روحت أغير فردتين عند سمير بيومى "شارع التحرير" إكتشفت إن فردة من الجداد اللى مغيرهم
متأكلة من جوه فغيرت الأربعة ب "هانكوك كورى" دفعت 1280 جنيه و كويس إن عنده كريديت كارد
و كان فيه حد هنا على النايل موتورز قال الكاوتش البردجستون تورنزا90 جى ار أحسن من الهانكوك
مريح للسيارة و الفرامل أحسن بكتير لكن الفردة أغلى بكتير 590 جنيه
و برضوا لو عايزنى أجى معاك يسعدنى
كان الله فى عون العبد ما دام العبد فى عون أخيه
بالنسبة لكمبيوتر العربية هو ده فعلا "سيمنز ألمانى" و ده أغلى حاجة و أهم حاجة لتشغيل السيارة
كويس إنه ملفوف فى كيس -أنا عامل كده برضوا- الأهم إن حضرتك ما تغسلش الموتور بمياه
تنضيف الموتور بالبلاور أفضل
خدت بالى من الورقة
فعلا المعلومة اللى بتقولها
لكن لو طلبت من بتاع الهوا ظبط العجل بالنسب ديه مش حيصدق حتى لو وريته الورقة
فى النهاية بأضبط على 30
د.جورج التيل اللى جبته صناعة إيه
و هل ماش كويس ؟
لإنى جبت إيرانى سئ جدا
قبله جبت الباكستانى مشيت بيه 20000 عشرين الف كم
بس اللى كان فى التوكيل الإيرانى و لبعد المشوار قلت أركبه
فلو اللى حضرتك ركبته كويس و ماشى تمام
حأجيبه و أركبه بدل السئ الإيرانى
:36_1_58[1]:
بأستخدم شل ألترا تغيير كل 10000 كم عشرة آلاف كيلو و بأغير معاه الفلتر طبعاً
:ilikeit:
الزيت ده بأستخدمه لكل سيارة جبتها من سنة 1994 حتى اليوم
زيت ممتاز و بيستحمل
أشكرك للرد على سؤال التيل
بالنسبة لى التيل الأول كان باكستانى كان فى توكيل شارع بورسعيد "محطة شل"
المرة دى التيل إيرانى من توكيل بيجو أحمد عمارة القطامية
:baby25:
يس بك
شكرا على التقرير الجميل بتاع زيارة التوكيل بس حضرتك مقلتلناش بعد تغيير البلى و قبل كده انت كنت مغير الاربع فرد كاوتش هل مشاكل الغربله كلها انتهت ولا لسه فيه حاجه تانيه
بعدما غيرت البلى تغييره كان علشان ما تحصلش مشكلة زى اللى قال عليها أحد الأصدقاء على صفحة الرابطة ع الفيس بووك و خصوصا إن وقت الترصيص عم عبد المحسن قالى فيه ورة جامدة فى العجل الأمامى
أنا بأمشى على مية و بتبقى كويسة و لو زودت بأجيب مية و عشرة بأحس بالهزة
أنا كده عملت أقصى ما يمكن عمله و بصراحة العربية كده تبقى تمام غلشان ما أجريش بيها زى أول ما إستلمتها و لفيتها طايرة على 160
أنا كده فى حالة تحكم السائق فى السيارة بعد كده السيارة هى المتحكمة فالحمدلله و لسه بكرة رايح لضبط السيارة فى التوكيل علشان فيه أصوات بأسمعها منها
و الله الموفق و المستعان
و أشكرك على الكلام الطيب
تحياتى
بصراحه الموضوع ده قالقنى جدااا يا عنى انت غيرت الكاوتش و البلى و ترصيص و تقريبا عملت كل حاجه بردو و المشكله لسه موجوده طبعا مش حاجه كويسه انى اكون راكب عربيه اخرها ميه او ميه و عشره طب لو انا مسافر اعمل ايه هفضل على تمانين او تسعين انا بصراحه عن نفسى لسه مغيرتش الكاوتش او عملت اى حاجه فى الموضوع ده بس خايف اغيرو تفضل نفس المشكله انا عارف ان هو بقالو فتره طويله و اكيد هغيرو بس كنت اتمنى ات ده يكون حل المشكله بس واضح ان مش هو ده الحل ز لو فيه اى حد عندو راى تانى ممكن يشاركنا و جزاكم الله خيرا للتواصل 01001802590
يا ريت لو حد عنده حل يقولى عليه
لإنى عملت كل حاجة
و العربية ماشية كده فقلت لنفسى لإنى جايبها ب 75000
مش حأبيعها
يعنى حأفضل أستخدمها لحد ما تبتدى تعمل عيوب ما أقدرش أستحملها غير السرعة
هو ده العيب الموجود فى العربية بتاعتى لحد دلوقت
و هو عيب أستطيع إحتماله
لإنى بطلت أجرى
انا معاكم و بأيدكم
بس انا معايا بيجو 405 لسنه 2004 هل من اساعدكم
ميرسيه لحضرتك أستاذة رشا
ال405 هى الأصل طلعت منها الروا
كل عربية كانت معايا بأهتم بصيانتها من أول عربية سنة 1986 كنت لسة فى ثانوى لحد النهاردة 2014
جدول الصيانة بيخلينى عارف و فاكر كل حاجة إتعملت فى العربية أتمنى يفيدكم
تحياتى يا عشاق السيارات
صيانة 405
1 28 سبتمبر 2009 2 فردة كاوتش أمامى هانكوك 165/80/13 460
2 9 يناير 2010 بطارية جديدة 370
3 10 ديسمبر 2010 تغيير فلتر هواء - بوجيهات
4 11 ديسمبر 2010 غسيل ردياتير
5 1 يناير 2011 تغيير زيت الموتور و الفلتر40000 شل النزهة
6 3/5/2012 تغيير فلتر هواء - بوجيهات
7 15/6/2013 تغيير بوجيهات + تركيب مساحات
8 29/8/2013 تركيب سير دينامو
9 7/9/2012 بطارية جديدة 500
10 28/9/2013 غسيل ردياتير
11 13/3/2014 شراء مرايا جديدة تنظيف الإنجكشن مجدى – بطرس نافع
12 16/3/2014 صيانة تكييف-شحن فيريون 120 محمود دار الدفاع
13 16/4 شراء فلتر تكييف
الثلاثاء29/4/2014 شراء زيت موتور شل ألترا 320 شل النزهة
14 1/5/2014 تغيير زيت موتور و فلتر و وضع ميتالوب تغيير فلتر هواء و بننزين
15 13/5/2014 تركيب سير باور تكييف
16 26/5/2014 تنظيف فيش الكونترول- الرشاشات-المسطرة-الأيدل-الأى بى إس و غسيل البوابة و ضبط سير باور تكييف ميكانيكى وراء كالتكس
17 السبت7/6/2014 ضبط و مراجعة بيراميترزالسياره على الجهاز و تنظيف الإستيبر موتورز 88 بيجو القطامية
18 الأربعاء9/7/2014 تغيير 4 إطارات هانكوك إنتاج 4613
1280سمير بيومى
ش التحرير - الدقى
19 الإثنين 21/7/2014 شراء جلب مقصات أمامى 100
شريف حسن
39 ش مجلس الشعب
20 الإثنين 21/7/2014 تغيير طقم جلب المقصات أمامى+ضبط زوايا 170+40 محمد إسماعيل المنيل
ش يوسف الدجوى المنيل
21 الثلاثاء 22/7/2014 ترصيص و تحريك كاوتش العجلة الشمال خلفى كما بالعلامة 50
محمد إسماعيل المنيل
ش يوسف الدجوى
بيومى ش التحرير
22 الإثنين4/8/2014 ترصيص إستبن و شمال خلفى 30شل نزيه خليفة
"عم.عبد المحسن"
23 الجمعة15/8/2014 تغيير زيت باكم السيارة تركيب باكيتات يمين 50
80التوكيل بيجو القطامية
24 الجمعة22/8/2014 1 تركيب مارش يابانى
2 تركيب الكاوتش الهانكوك بالجنط الإستبن و تركيبه شمال خلفى
25 الجمعة29/8/2014 ترصيص عجل الروا 60 ترصيص شل نزيه خليفة
"عم.عبد المحسن"
26 الإثنين20/10/2014 1 تغيير بلى عجل أمامى
2 تغيير تيل فرامل أمامى
3 ضبط سير باور تكييف
4 تشحيم سلك الدبرياج
5 تربيط العفشة كلها
6 تغيير فيوز الولاعة 495
توكيل
أحمد عمارة القطامية
27 الثلاثاء21/10/2014 ترصيص عجل الروا 30شل نزيه خليفة
"عم.عبد المحسن"
ده لينك لصفحة غربية موتورز على الفيس بوك عندهم قطع غيار 405 ايراني
https://www.facebook.com/media/set/?...4152170&type=1
أستاذ waleedabbas
شكراً لذوقك العالى و إهتمامك برغم إن عربيتك 406
ربنا يباركلك فيها
العفو يا باشا احنا كلنا هنا بنساعد بعض ودي معلومة عرفتها قلت لازم اساعد بيها خصوصا اني عارف الروا قطع غيارها قليلة شوية ومظلومة