لاصحاب نيو صنى 2013 و 2014 العربية بتتباع مستعملة كتير ليه ؟؟؟

**Adnfalcon** · 16-08-2014 10:34 PM

المشاركة الأصلية كتبت بواسطة eng f3lix

هو ده الكلام اللي كتبتهوله بالظبط

معلش اي عربيه زيرو يطلع عليها كلام . . تلاقي ناس تدافع و ناس تهاجم . . و نادر جدا لما تلاقي حد بيقيم تقييم منطقي بدون تحيز وبفرح جدا لما الاقي مالك لعربيه و ينتقدها

**د.عماد صلاح** · 16-08-2014 11:08 PM

سياره مشاكلها كتير

**Adnfalcon** · 16-08-2014 11:52 PM

المشاركة الأصلية كتبت بواسطة sameh1982elola

اسف انى عارضتك فى يوم من الايام.واعترف امام الكل ان كلامك كله طلع صح عن العربية دى

والله أنا مش فاكر لأن ذاكرتي ضعيفه
وعموما بلاش تتأسف كلنا بنتخدع فحاجات فاكرينها نينجا و تطلع ترتر

**sameh1982elola** · 17-08-2014 12:49 PM

والله ده سبب رئيسى مخلنيش اشترى العربية ......انها بتتباع فى نفس سنة شرائها وما شية اقل من 5000 كيلو.....والغريبة انه منزل من سعرها 6 او 7 الاف فعلا حاجة تخوف

**grumby78** · 18-08-2014 01:51 PM

العربية باعت كتير جدا جدا .. ومازالت والموضوع في النهاية نسبة وتناسب يعني في غير الراضي عن العربية وده بنلاقيه حتى مع المرسيدس والميني والبيمر اللي بيشتريها ناس ومتكملش معاهم كام الف كيلو وتلاقيه عارضها للبيع .. معرض الفخراني في اسكندرية مليان بالحالات دي .. وفي اللي عاوز عربية اعلى واغلى وهكذا .. العربية 2013 معايا ومش متخيل نفسي اجيب غيرها ب 110 الف وقتها .. عربية هادية جدا وعالية ودي ميزه كبيرة وعائلية بامتياز .. وبنقول دايما اللي خايف منها ومقلق مايشتريهاش .. لكن كتجربة مالك العربية كويسة جدا في فئتها ..

**ibrahimsaad** · 19-08-2014 12:47 AM

اى عربيه هتلاقى فيها كده

هو بس علشان الكل مركز على الصنى فباين انها كثير

**sameh1982elola** · 19-08-2014 12:34 PM

افتح دوبزيل وشوف فى الاسكندرية كام عربية صنى الشكل الجديد 2014....لسه مكلم واحده امبارح عايزة تبيع عربية معملتش الف كيلو موديل 2014 ......حاجة تجنن

**ramymoharram** · 27-08-2014 11:28 AM

مادام حضرتك مش عجباك العربية ومخوفاك متشتريهاش......شاغل نفسك بيها ليه.....الموضوع نسبي ومش شرط اللي يعجبك يعجب غيرك.....ولو حضرتك نزلت المهندسين شارع أحمد عرابي عند المعارض المتخصصة في المرسيديس والبي أم هتلاقي مرسيديس وبي أم بيتباعوا موديل السنة وكسر الزيرو......هل ده معناه إن المرسيديس والبي أم وحشين؟........لولا إختلاف الأذواق لبارت السلع

**esfsks** · 27-08-2014 11:23 PM

المشاركة الأصلية كتبت بواسطة sameh1982elola

افتح دوبزيل وشوف فى الاسكندرية كام عربية صنى الشكل الجديد 2014....لسه مكلم واحده امبارح عايزة تبيع عربية معملتش الف كيلو موديل 2014 ......حاجة تجنن

فعلا سيادتك أكيد حاجة تجنن مع أن العربية مالية الشوارع و كل اللى موجود منها على موقع دوبيزل 169 سيارة فقط من الفترة من فبراير 2013 الى أغسطس 2014
مع العلم انها محققة مبيعات قياسية فى 3 سنين
بس كنت اتمنى من حضرتك تشوف العربيات التانية زى البيجو 301 مثلا اللى موجود منها 117 عربية كلها كسر زيرو موديل 2014 و 2015 فقط مع العلم بان البيجو مش منتشرة زى الصنى.
فهل دة دليل على ان البيجو 301 عربية فاشلة مثلاً !!!!!! اسيب الرد لحضرتك

عموماً العربية معايا و ما ظهرش فيها اى مشاكل حتى الان . و من وجهة نظرى المتواضعة هى أفضل إختيار فى فئتها السعرية.

الموضوع: لاصحاب نيو صنى 2013 و 2014 العربية بتتباع مستعملة كتير ليه ؟؟؟

LinkBack

أدوات الموضوع

عرض

-

-

-

-

-

المواضيع المتشابهه

العربية انتاج 4/2013 وبتتباع عند التوكيل 2014 عادي والا ماستلمهاش

انا شفت العربية Lancia Ypsilon في الشارع، حد عارف بتتباع فين؟

لاهل الخبره كرولا 2013. ام فلوانس 2014 ,, بيجوا 301 ,, سيراتو 2014

ليه الماتريكس بتتباع مستعمل كتير؟

حد يقولى قطع غيار العربية المينى موريس بتتباع فين فى القاهرة

الكلمات الدلالية لهذا الموضوع

المفضلات

المفضلات

ضوابط المشاركة