حادثه_بروتوون برسونا_برجاء المساعده

**amr saad929** · 16-08-2014 07:19 PM

السلام عليكم ازيكم يا شباب
اولا حسبي الله ونعم الوكيل في منظومة الطرق ف مصر ثانيا انا لسه من ساعه كده ماشي بالعربيه ف امان الله وفجاه عديت على مطب عالي شويه تقريبا بلاعه معرفتش افاديها اتفاجئت انها ضربت ف كارتيرت زيت الموتور من تحت والزيت كلو اتصفى وال Air bag اتفتح!!! واتعورت الحمد لله ما علينا,, طبعا حاولت اتصل بمركز عصام صفا عشان العربيه لسه ف الضمان بس الساعه عدت 5 وكلو مغلق طبعا..دلوقتي انا سايب العربيه ف البنزينه وعلى حسب كلام الراجل بيقوللي هاتلي الكارتيره من الحرفيين وقاللي انها هتكلف حوالي 700-800 جنيه والمصنعيه بتاعتو 500 جنيه دا غير الزيت اللي لسه هيتعبى انا رجعت البيت وقولت استفسر اعمل ايه بالظبط, اجيب الكارتيره منين وهل كل نوع عربيه ليه كارتيرات لوحده ؟ واعمل العربيه عند الراجل دا ولا اقطرها عند حد مثلا تبع الجروب قريب من القاهره الجديده ومدينه نصر اسعاره معقوله شويه ؟ ويا ترى العربيه كده خرجت من الضمان يعني استنى لبكره واقطرها لمركز عصام صفا مثلا خصوصا ان ال air bag كمان اتفتح ف هيحتاج اكيد حد من التوكيل يتعامل معاه والموضوع هيكلف قد ايه جو التوكيل وبرا التوكيل أرجو المساعده وشكرا

**eng.m7md.ali** · 16-08-2014 07:35 PM

حسبي الله ونعم الوكيل

المهم انك بخير ياباشا الحمد لله جات في ايرباجز وكرتيرة بس

من الافضل تجيبها من الحرفيين استيراد اصلي .. ومصنعية 500 جنيه ده حرامي ابن @$%$^ بيستغل الموقف .. الفكرة كلها فك وتركيب المفروض المصنعية تبقى 50-100 بالكتير لان العملية مش صعبة

طقم الايرباج هات الفردة اليمين من التوكيل والطارة استيراد

**Dr\Mohamed** · 16-08-2014 07:42 PM

أولا ألف سلامة على حضرتك والحمد لله إنك بخير

بالنسبة لكارتيرة الزيت لو حاجة بسيطة ممكن تتلحم بلحام بارد أنبوبتين بـ 10 جنيه بيتخلطوا على بعض بس على كلام حضرتك إن الضرر في الكارتيرة كبير مش هينفع معاه اللحام ده أظن ممكن يتلحم لحام ألومنيوم وتكلفته مش كبيرة حوالي 100 جنيه

أما بالنسبة لـ Air Bag للأسف الشديد كنت سمعت مرة واحد قال إنه بيتكلف 22 ألف لو في التوكيل "على حسب كلامه أنا مسألتش بنفسي بس أظن كتير جدا المبلغ ده"

ربنا ييسرلك الخير أينما كان