عايز اشترى سخان غاز كويس

**greenday** · 17-08-2014 12:05 PM

كنت بقارن بين السخانات فلقيت المصرى كله زى بعضه مشاكله كتير فملقتش قدامى غير المستورد بس المهم يكون قطع الغيار والتوكيل بتاعه كويسين وسعره مش غالى قوى يعنى انا سالت على الفايلنت لقيته معدى الألفين فكنت عايز حاجة فى حدود 1500 مثلا فايه اخبار بقيت السخانات المستوردة واسعارهم واشتريهم منين

**boomboomzoro** · 17-08-2014 02:44 PM

السلام عليكم
مع إحترامي لرغبه حضرتك في شراء المستورد
جربت توشيبا الغاز في شقتي و شقه العائله و أثبت كفائه و تقريبا ضمانه 5 سنوات و سعره في حدود 700 جنيه
جزاكم الله خيرا

**tameem2010** · 17-08-2014 03:52 PM

سحان المصانع الحربيه ممتاز

**طارق _عبد السلام** · 17-08-2014 04:57 PM

كنت بستخدم كريازى 10 لتر قبل كده وقعد فتره شغال كويس
وبعدين فى مكان تانى اثناء تركيب الغاز كلمت المهندس (تابع لشركه الغاز)وقلت له افضل سخان ممكن اجيبه قالى باللفظ هات الاريستون من الاخر

فذهبت لمحل كبير فى الاجهزه المنزليه دايما بتعامل معاه والناس هناك عرفانى كلمت اكتر من واحد افضل سخان غاز ممكن اجيبه الكل اجمع على الاريستون رقم واحد مع ان عندهم كل الماركات عدا المصانع الحربيه (المصانع رقم واحد)

فاشتريت اريستون 10 لتر وشغال زى الفل والجميل فيه كمان بيشتغل على مياه ضعيفه كمان

مجرد تجربه ممكن تفيدك فى اختيارك

**zorg** · 17-08-2014 06:31 PM

اوليمبيك ممتاز والصيانة بتاعتهم ممتازة ممتازة ممتازة
كان عندى سخان يونيفرسال يوم ماباظ الراجل بتاع الصيانة جه سرق حتة منه على اساس انها اللى مفروض تتغير وخلع وساعتها كل مااتصل بيهم ماحدش يرد ولا يعبر

**طارق _عبد السلام** · 17-08-2014 08:31 PM

المشاركة الأصلية كتبت بواسطة greenday

شكرا يا استاذ طارق على مساعدتك بس كنت عايز اعرف هل لاريستون توكيل وصيانة محترمة وقطع الغيار متوفرة والضمان كام سنة وياريت حضرتك تقولى على سعره واحسن مكان اشتريه منه

العفو انت تأمر

السعر كنت شاريه تقريبا ب800 جنيه 10 لتر

من ناحيه الصيانه طبعا محتجتهاش لكن كأسم لاريستون احنا وعينا وعرفنا السخان اصلا من اريستون طول عمره الافضل والاشهر فى السخانات من زمان
وموجود اكيد عند محلات الاجهزه الكهربائيه مقدرش افيدك لانى من المحله واعرف المكان اللى انا اشتريت منه

**mandomax** · 18-08-2014 01:25 PM

المشاركة الأصلية كتبت بواسطة tameem2010

سحان المصانع الحربيه ممتاز

+++++++++++1

**Abo Yasso** · 18-08-2014 04:28 PM

المشاركة الأصلية كتبت بواسطة almohaor

سخان المصانع الحربية س 8 او س10 وبلاش س7
عن تجربة ماشاء الله شغاااااااااال بقاله حوالى 20 سنة
مكوناته المانى بسيط فى مكوناته جبار فى اداءه
يعنى ممكن تاخد منه ميه فاترة او مياه بتغلى وده موش متوفر فى معظم السخنات الاخرى
سهل الصيانة وانا اعملها بنفسى
طوال هذه المدة لم اغير سوى حساس الغاز وكاوتشة طبق ابرة تشغيل الغاز
يعمل على اضعف تيار مياه
سيبك من باقى الماركات
وعلى فكرة موش راح تلاقيه بسهولة
عارف ليه لانه اثبت كفائته اما م باقى السخانات اللى طلعت مؤخرا من الشركات الخاصة
زى اولمبيك وكريازى ويونفرسال الخ
وكمان بقى اغلى منهم

+111111111111111111
ليهم معرض فى مصر الجديده (روكسى ) جبته من هناك من حوالى 3 سنين
س 10 وكان ب780 جنيه

-

الموضوع: عايز اشترى سخان غاز كويس

LinkBack

أدوات الموضوع

عرض

-

-

-

-

المواضيع المتشابهه

عايز اشترى موتور استيراد كويس لعربيتى فيات 125

عايز اشترى كابستو كويس , محدش يعرف منين

عايز اشترى سكانر نوعه كويس وبيدعم ocr

عايز اشترى printer كويس و مش غالى

عايز اشترى سخان غاز (تنصحونى يكون نوعه ايه)

الكلمات الدلالية لهذا الموضوع

المفضلات

المفضلات

ضوابط المشاركة