الموضوع: محتاج واسطة فى مرور اكتوربر ارجوكم المساعدة

متروح تطلعها عادى ايه المشكلة

انا كرهت اكتوبر بسبب المرور والقسم واللي شغالين فيه :/ ... لدرجه اني بعد ما قررت اشتري واستقر في اكتوبر لغيت الفكرة تمامااااااااااااااااااااا اااااااا وكرهت اكتوبر بسببهم .. ربنا معاك فعلا

حضرتك بدون اى واسطة ممكن تشوف مكتب من مكاتب اللى بتخلص الاوراق الرسمية ( وهى مكاتب مرخصة للتعامل مع الحكومة بالنيابة عن المواطنين ) بمقابل مادى والشخص بييجى لحد عندك ويخلص الموضوع وبعدين يرجعلك بالاوراق ويقبض فى الاخر اتعابه + المصاريف

المشاركة الأصلية كتبت بواسطة a.saad

هو فيه ايه فى مرور اكتوبر وحش اوى كدة

كان واحد قريبي عمل حادثه في اكتوبر قدام امريكاانا بلازا .. كلمنا البوليس من الساعه 3 للساعه 7 البوليس مكنش وصل بيقول بعتنالكم ناس وفي الاخر جايين ناس علي موتوسيكل واول ما وصل الناس اللي معانا في الحادثه كلموا واسطه مفيش والله اقل من 5 دقايق لقينا عربيه جايه بالسارينا قالبه الدنيا وجاي ملازم نزل كلم العساكر اللي جايين يعاينوا اللي جايين علي موتوسيكل ف 4 ساعات قالهم ان الناس دول تبعهم وانهم تبع المأمور وطبعا مش عايز اقولك علي اللي عملوه فينا .. وكانوا عايزين ياخدوا قريبي الحبس ويدفعوه 7000 جنيه غرامه تكسير منشات عامه ايه المنشات يا عم الحاج يقولك الرصيف . طب الرصيف ماله يقولك عليه اثار كاوتش والزيت اللي وقع في الارض وتعطيل طريق و نسحب العربيه علي ونش للقسم علي حسابك ويتعرض بكره علي النيابه .. يا جدعان دي عربيه خبطت في عربيه مفيش حد مات ولا شخص حتي اتعور يقولك هي كده الظابط قالنا الناس دي متروحش والعريبه يتحجز عليها .. والتاني باشا قاعد في التكييف والمحضر بيتكتب اننا خبطناه واعتدينا عليه بالضرب والسب و قام امين الشرطه ابن ....
اخد الرخص والبطاقه عشان يعمل المعاينه ومكتبش البيانات وراح القسم قالهم معهمش رخص ولا بطايق وخبي الرخص والبطاقه وعملوا مذكره استدعاء وبالعنوان والاسم اللي في الرخصه والبطاقه والجدع اللي يثبت انه اخد حاجة دا كله مقابل ان الباشا يعرف سياده المأمور .. مامور ايه بتاع قسم ايه معرفش ... المهم لما لقيت ان بيتعمل علينا حفله قومت مكلم عيال اصحابي الراجل لما لقانا بنزيد خاف وخد عربيته وطلع ع القسم ف جم ولمينا نفسينا وجبنا الونش ورفعنا العربيه روحناها ع السمكري والعسكري لما لقي كله مشي ومفضلش غيره واحنا لوحدينا قام قايلنا انا مغصوب علي امري و مليش دعوه ومتزعلوش مني ورجع سحب ناعم واليعني ملوش في حاجة .. دا كله ومنعرفش ان العسكري مخبي الرخص والبطايق .. ف روحت قريبي بالعربيه وطلعت القسم لوحدي .. اكتشف المصايب اللي عملها البرنس واخش الاقيه قاعد وقدامه الحاجة الساقعه و البسكوت والقسم كله بيخدم عليه وبيقولي اهلا نورتنا واسلوب زي الزفت وضحك وتريقه .. لما اكتشفت اللي حصل الحمدلله كان معايا واحد صاحبي في كليه شرطه مش لازم اقول عمل ايه في العسكري المهم انه طلع منه الرخص والبطايق واثبت انهم استلموها و مكنش ينفع اروح بيهم .. وتاني يوم رحت انا وقريبي القسم ومعانا محامي وقعدنا مع مأمور القسم .. حكينا اللي حصل لما قرا المحضر والمعاينه هو اكتشف حاجات مكتوبه غير عقلانيه -متناقضه وزياده عن اللزوم زي حكايه الرصيف والهتيي اللي مكتوب ف قال المحضر باللي مكتوب فيه دا باطل وانا مقدرش اعملكم بيه حاجة اتفضلوا الرخص و البطاقه اهي .. واخدناها وروحنا بس ادي قصه واحد ملوش واسطه .. انا هحاول انزل الموضوع لوحده عشان الناس تاخد بالها من حكايه خفي الرخص والبطاقه لان دي كانت ممكن تودي قريبي الحبس من غير اي ذنب ومن غير اي دليل

السلام عليكم
انا عملت للمحامى بتاعى 2 توكيل متوثق فى السفارة ومن الخارجية السويدية بس كل دا مانفعش وياهم يقولو لازم يجى يطلع الورقة هادة بنفسو ...يعنى ادفع 10 الاف جنية طيران عشان اطلع ورقة ب 100 جنيه دى بلد
انا عاوز شهادة بينات لرخصتى يقولو انى فعلا كان عندى رخصة فى مصر عشان اثبت انى بعرف اسوق معقدينى تعقيد منهم لله
اللى عند\و اى حد فى المرور اكتوبر دا واسطة يخلص الورقة دى وياخد فلوس بس يطلع الورقة دى لانهم عالم منهم لله

ربنا يكون في عونك. البلد كلها كده.