-ال RB موتور و فتيس زي النترا ...زيت الفتيس الموصى به ATF sp3
-قررت أغيره بعد 25 ألف بس ..في مقياس الزيت لزوجته معقوله لكن لونه مختلف بني و ليس أحمر..خصوصا زيت sp3 رخيص و صيانة وقائية سهلة
-لم أجد في السوق سوى ماركات مثل فالفولين وكده دي بتعمل زيوت أي حاجة في أي حتة يعني يكتب لك مطابق لمواصفات sp3 و dexron 3 و Atf iv.
-زيت الفتيس كل مواصفه مختلفة لزوجه و anti-foaming و anti-oxidation لكل صانع سيارات يعني مفيش زيت ينفع يطابق لكل المواصفات دي في نفس الوقت بيكون حاجة نص نص كده.
-اللي وجدته أيضا أصلي في التوكيل سواء كيا-هيونداي هو زيت AtF sp-iv...أسعار طبعا إستهبال في كيا بيقول لتر ب 270 جنية و اﻷهم أني وجدت ما يفيد إستحالة الخلط بين زيت sp3 و sp-iv و كنت عملت موضوع هنا عن الحكاية دي و الاصلي اللي في العربية sp3.

-الحل اﻷمثل و الوحيد زيت ميتسوبيشي الاصلي في التوكيل 5 لتر ب 270 جنية نفس المواصفات بالظبط أيوه ميتسوبيشي مش غلطان ولاحاجة ...حضرتك أفتح الكتالوج هتلاقي الزيوت الموصى بها نوع اسمه diamond Atf sp3 ---->google it هتتأكد أنه زيت ميتسوبيشي ....المشكلة أنه غالبا بيكون ناقص شوية يعني أنا جيت أشتريه قبل العيد الراجل قال لي انه باع أخر علبة قبل ما روح له بشويه و على فكرة الزيت مستورد

-الزيت متوفر في مراكز بيع قطع غيار دايموند موتورز لو من سكان مدينة نصر في واحد في ذاكر حسين وأنت رايح على السابع بعد شركة إنبي

--نصيحة بعد 115 ألف لو عايز تغير زيت هات أﻷصلي و مش حاجة تانية