الموضوع: وصلة الكهرباء

للأسف دلوقتي الدولة بتقلنا اقلمو نفسكو على الوضع ده ، و في الزفت الاعلام و التلفزيون يهولو الموضوع و يقولو مصر هتفضل كده 7 سنين كمان ، طب يعني الناس دي معندهاش عقل طب يا عمي الزم كل عمارة جديدة تتبني انها تحط الواح طاقة شمسية و ووزع تكلفتها على ثمن كل شقة و الصيانات بتاعتها هتبقى مش مكلفة و بكده هنشغل السخانات و الكهرباء بالطاقة اللي ربنا وهبنا بيها و الشمس اللي معظم ايام السنة بتبقى طالعة عندنا طب بلاش الشمس ، اعمل محطات طاقة نووية و شغل مهندسين جدد وولد الكهرباء بدون انقطاع.......

لكن احنا بنفكر عشان نأزم نفسنا اكثر ، نحرق البترول بتاعنا و الجاز عشان نولد بيه الكهرباء اللي احنا اصلا محتاجينه اشد الحاجة للمصانع و العربيات

طب بدل ما احنا بنلوث البيئة ما نفكر في العربيات الكهربائية حلوة جدا للزحمة تشتغل كهرباء في الزحمة و منها وفرنا بنزين و بعدنا عن التلوث البيئي اللي جابلنا امراض بشعة ، اول ما الطريق يبفتح يتم تشغيل المحرك العادي البنزين و في نفس الوقت يشحن البطارية و لما ترجع البيت تشحن عربيتك و مش هتتكلف حاجة لأن اصلا انت واخد كل طاقتك من الشمس ، يبقى وفرنا مواردنا ووفرنا البنزين و السولار و الجاز و استخدمناه استخدام محدود و ناخد اللي احنا عايزينه و نصدره و يزيد دخل الدولة و غير كده لازم نوعي الجيل الجديد بالكلام ده

لكن حرااااااام نقعد نشتغل بالفهلوة و نعلم الجيل الجديد تعليم اي كلام نظري بس و هو مبيطبقش وةاكبر دليل على الكلام ده الثانوية العامة الفاشلة اللي مناهجها قديمة و بتطلب من طالب يذاكر كلام مشفوش قدامه و عايزه يمتحن فيه كمان

البلد ظي مش هتتقدم الا اما الشعب ده يغير من ثقافته القديمة و الناس الكبيرة اللي فوق اللي ماسكين البلد دو لكلهم يقعدو في البيت و ناخد الناس اللي عندها خبرات و قلبها على البلد و نبدأ ننزل شباب واعي و طموح ينفذ و يبقى دوره بارز في المجتمع مش شوية عواجيز همهم على الفلوس و بس

" ان الله لا يغير ما بقوم حتى يغيروا ما بأنفسهم "

المشاركة الأصلية كتبت بواسطة بحار

كلام حضرتك عن توليد الكهرباء بالطاقة الشمسيه فى العمارات ...
عامل زى انا لما أشتكيلك من سوء رغيف العيش فاتقولى اشترى جاتوه ماهو مالى الدنيا وشكله جميل قدامك ..!!!!!

الطاقه الشمسيه الحكومه مش قادرة على تكلفتها ... هاقدر أنا ؟

ماشي هو لو كل عمارة جديدة بتتبني و انت هتوزع تكلفة على الشقق يعني هتزود على سعر الشقة و مش بثمن مثلا 20 الف زيادة اكيد اقل لأن هيبقى على مستوى عمارة فقط و على قد احتياجتها لكن مثلا عمارة حاليا فيها سكان اكيد صعب الا لو ليهم مقدرة على كده بس معظمنا ظروفه المعيشية صعب تخليه يفكر يعمل كده لأنه عنده اولويات من اكل وشرب و مدارس وووو و لو الدولة هتعمل محطات طاقة شمسية هيبقى طبعا صعب جدا

لكن اما تخطط مثلا لبناء مفاعلات نووية و تدخل رجال اعمال في الموضوع و بدل ما اخنا بنصرف فلوسنا في مسلسلات و اعلانات و الكلام اللي حاليا ملوش لازمة لأن احنا موصلناش لسة لمرحلة الرخاء اللي تخلينا نتفرج على مسلسل مصروف عليه ملايين و احنا النور بيقطع علينا ، طب ما بدل ما بنصرف عليها نصرف على موضوع الطاقة ده و يحصل استثمارات في الموضوع ده و بعد كده نبص للحاجات الثانوية دي ، لكن الكهرباء حاجة اساسية

عارف زي ايه " زي اللي بيته على الطوب و قعد يحوش و في الاخر بدل ما يظبط بيته جاب بلاي ستاشن "