بعد ما ركبت المروحه الجديده للريداتير النترا 2007المروحه مش عايزه تفصل

بعد ما ركبت المروحه الجديده للريداتير النترا 2007المروحه مش عايزه تفصل مع العلم المروحه القديمه كانت شغاله وبتفصل عادى لغايه ما تقلت وحملت على الفيوز وسيحت فيشه المروحه اللى فى ضفيره العربيه واللى فى المروحه وبالتالى مش لاقى الفيشه بتاعتها عشان دى بتنزل فى ضفيره العربيه والكهربائى راح قاطع الفيشه وراح موصلها مباشره بترامل ولغا الفيشه ومن ساعتها العربيه لما تسخن المروحه تشتغل ومتفصلش غير لما أبطل العربيه وأسيبها تبرد شويه
وأنا بجادل الكهربائى بيقولى ان الفيشه دى اللى لاغاها فيها بس مقاومه وظيفتها تقلل سرعه المروحه بس
وتقلل الحمل شويه والعيب كده بيقولى دى الترموستات مش من التوصيله اللى عملها
وأنا بقولو ومصمم ان العيب من الفيشه االلى لغاها وهو يقولى لأ حكايه انها تفصل دى من الثيرموستات
معلش انا اسف ان طولت عليكو فأيه رأيكم

فيه احتمال ان الكهربائى مركب المروحه بالعكس بمعنى انها بتطرد الهواء فممكن تحط ايدك خلف المروحة وتشوف لو لاقيت هواء سخن يبقى كده بتلف صح وممكن تكون قوة المروحة ضعيفة مش بقوة الأصلية علشان بتدى تبريد ضعيف !!

لأ يا بشا المروحه شغاله صح بس المشكله انها لما بتشتغل مبتفصلشى لدرجه ان الميه اللى فى الريداتير بتسقع

انا عندي ملاحظ المشكلة دي من أسبوع المروحة صوتها بيعلي والماية في القربة بتنقص كلها والمروحة مبتفصلش وتقريبا الماية في الردياتير مبتبقاش سخنة أوي
دي مشكلة ايه بقي الانترا 2009 أوتو

اقتباس:

---

المشاركة الأصلية كتبت بواسطة samihanwar

لأ يا بشا المروحه شغاله صح بس المشكله انها لما بتشتغل مبتفصلشى لدرجه ان الميه اللى فى الريداتير بتسقع

---

بالنسبة لعداد الحرارة بتقل فية درجة الحرارة ولا بتفضل عالية ومابيحسش بيها
لو مابيحسش يبقى حساس الحرارة عندك مخرف ولو المروحه عندك بتشتغل على ترموستات مروحة تبقى الترموستات مخرفة وربنا معاك !!

اقتباس:

---

المشاركة الأصلية كتبت بواسطة roland_yamaha

انا عندي ملاحظ المشكلة دي من أسبوع المروحة صوتها بيعلي والماية في القربة بتنقص كلها والمروحة مبتفصلش وتقريبا الماية في الردياتير مبتبقاش سخنة أوي
دي مشكلة ايه بقي الانترا 2009 أوتو

---

هل عداد الحرارة بيعلى ولا بيفضل ثابت
لو كنت عامل شغل فى دورة التبريد ممكن تكون العربية واخده هواء فى دورة التبريد وممكن تكون ترموستات الكوعه معلقة وبتخنق المية عن الرادياتير وده بيسخن العربية والمية بتطلع من القربه
هل غيرت مية التبريد قبل كده؟؟؟

اقتباس:

---

المشاركة الأصلية كتبت بواسطة roland_yamaha

انا عندي ملاحظ المشكلة دي من أسبوع المروحة صوتها بيعلي والماية في القربة بتنقص كلها والمروحة مبتفصلش وتقريبا الماية في الردياتير مبتبقاش سخنة أوي
دي مشكلة ايه بقي الانترا 2009 أوتو

---

طلعت الكوعة الألمنيوم مخرومة ومصدية اللي راكبة ع الماتور واللي راكب عليها ترموستات المروحة ومتوصلة بالخرطوم الكاوتش تم لحامها بأرنديد عشان ملقتهاش جديدة