علشان الأعضاء اللي عندهم عربيتي ميلفوش لفتني قطع غيار رينو لاجونا 1

**tahoun33** · 19-08-2014 12:47 AM

انا معايا عربية رينو لاجونا 1 ,, عربية محترمة جدا وممتازة ولا تقارن بأي سيارة من سيارات رينو ,,
المهم انا لفيت لفة النهاردة وقدرت الاقي حاجات ليها
محسن وديع في مول التوفيقية فعلا رجل محترم وبيستقبل الناس كويس وفاهم
انا جبت طنابير أمامية جديدة إيطالي الصنع نوعها prempo سعرها 350 جنيه جديدة
جبت شداد الفتيس الأوتوماتيك وفي ناس بتقول عليها قاعدة الموتور اللي تحت
في محل اسمه المهندس بعد كوبري التجنيد بشوية وبعد ميشيل حليم بس على اليمين
ناس فاهمة واسعارهم معقولة جدا وليهم فرع تاني اسمه المركز التجاري في شارع السودان على اليمين وانت جاي من شارع أحمد عرابي
جبت القاعدة ب 220 جنيه جديدة
انا لسه هنزل بكرة ان شاء الله اجيب كبالن للعربية وسيور العربية وربنا يسهل واكتب اللي لقيته علشان الناس بس متتبهدلش وتلف كثير
الدال على الخير كفاعله ,, وربنا ييسر للجميع
وأخص بالذكر الناس اللي نصحت بمحسن وديع لأنه فعلا راجل كويس ومحترم ,, وأزيدهم شركة المهندس في حسر السويس بعد كوبري التجنيد على اليمين وفرعه الآخر المركز التجاري في شارع السودان على اليمين وانت جاي من شارع أحمد عرابي
وشكرا

**أسامه الحسيني** · 19-08-2014 09:15 AM

شكرا على الافاده ونقل التجربه

**tahoun33** · 25-10-2014 01:09 PM

تكملة لما بدأته ,,

ماستر الفرامل بتاع اللاجونا هو نفس ماستر الفرامل بتاع الفيليشيا

كبالن العربية مشابهة لكبالن الجولف وهي موجودة عند خالد ويحيى في صقر قريش وزعتر في الحرفيين

طنابير العربية الأمامية هي نفس طنابير اللوجان استيشن ( مهم أوي انك تسأل على طنابير الاستيشن مش العادية ) لأن في فرق

تيل الفرامل الأمامي هو نفس التيل بتاع الميجان 1