عرض للطباعة
عربيتى جولف 5 مابتدورش من اول مره لازم تلت اربع مرات كده وبعدين تدور وللعلم انا لو دوست دوسة خفيفه اوى بنزين تدور علطول من اول مره
المشكله دى مابتظهرش كتير يعنى بتحصل مره وعشره لأ بس المشكله دى بتظهر لما تكون العربيه بارده او بعد ماعمل مشوار واركنها اجى ادورها تانى ماتدورش مع انى ياجماعه غيرتلها بوجيهات وفلتر بنزين والمشكله برضوا زى ماهى
اتمنى حد من ملوك الفولكس يفيدنى ويحللى المشكله دى :praying: معلش يارجاله طولت عليكوا
70 مشاهده ولا فى حتى رد واحد
متابع معاك وانا بشك ان البطاريه بايظه
مش عاوز احبطك بس للأسف القسم هنا نايم او ميت ...
فعلا نايم اوي بسبب قله مبيعات فولكس واجن بنسبه كبيره جدا فبتلاقي ان الاعضاء بتقل مش بتزيد عشان فيه منهم بيبعو عربياتهماقتباس:
المشاركة الأصلية كتبت بواسطة exelence
حضرتك روح لقسم هيونداي و قسم كيا و اسكودا هتلاقي فيه اعضاء كتيره اوي وده بسبب ان الكيا والهيونداي والاسكودا مبيعاتهم كتيره و ناس كتيره اشترت فبتلاقي الاعضاء هناك بكثره
وانا عندي النترا hd 2010 و اول ما اسأل علي حاجه بلاقي كله بيجاوبني وسرعه رد ..... اجي هنا عشان اسأل علي حاجه تخص عربيه بابا الجيتا بلاقي اكتر اللي بيجاوبوني من قسم تاني
شوف البطارية الاول، و بردو شوف البوابة، يمكن تكون محتاجة تنضيف
اكشف ع البطاريه انما لو البطاريه شغاله ممكن تكون من الشمعات او بمعني اصح البوجيهات
سوري مكنتش شوفت كلمه انك غيرتلها البوجيهات .. شيك عليهم انهم مربوطين كويس ممكن يكون اللي عملهم مش راسيين ف مكانهم .. متابع معاك
بص ياباشا أولا هتروح لميكانيكي فولكس وقوله يقيس ليك ضغط طرمبه البنزين من خرطوم الراجع بيبقى عندهم عداد قياس وبيتوصل من خراطيم البنزين من ناحيه الرشاشات وتدور العربيه المفروض أن العداد يجيب من 3.5-4 بار دي لو الطرمبه مظبوطه طبعا موتور حضرتك 1600 طلعت الطرمبه تمام اكشف أعطال ببرنامج vcds وشوف هيطلع لك عطل ايه ولو عايز تعرف سبب العطل اكتبلي الأكواد اللي هتطلعلك وانا اقولك الحل أن شاء الله وربنا يسهل وتطلع حاجه بسيطه
متشكر يارجاله على الاهتمام...انا فعلا عملت زى ماقال الاستاذ hitmangateبالظبط والنتيجه ان العيب فى البوابه وكانت عايزه تتنضف
الف شكر يارجاله
الف مبروك على التصليح بس أهم حاجه خلي اللي كشف ببرنامج الأعطال vcds يعملك adaptation للبوابة علشان تظبط معاك السلانسيه وترجع البوابه لوضع المصنعاقتباس:
المشاركة الأصلية كتبت بواسطة ahmedaly2000
اي خناقة. قلتلك البوابه من غير كشف أهو :36_2_33:اقتباس:
المشاركة الأصلية كتبت بواسطة ahmedaly2000
حبيبىMANassar :verygood:
تسلم ياكبير