جولف 5 مابتدورش من اول مره لازم تلت اربع مرات

**ahmedaly2000** · 19-08-2014 09:56 AM

عربيتى جولف 5 مابتدورش من اول مره لازم تلت اربع مرات كده وبعدين تدور وللعلم انا لو دوست دوسة خفيفه اوى بنزين تدور علطول من اول مره
المشكله دى مابتظهرش كتير يعنى بتحصل مره وعشره لأ بس المشكله دى بتظهر لما تكون العربيه بارده او بعد ماعمل مشوار واركنها اجى ادورها تانى ماتدورش مع انى ياجماعه غيرتلها بوجيهات وفلتر بنزين والمشكله برضوا زى ماهى
اتمنى حد من ملوك الفولكس يفيدنى ويحللى المشكله دى معلش يارجاله طولت عليكوا

**ahmedaly2000** · 20-08-2014 11:28 AM

70 مشاهده ولا فى حتى رد واحد

**Mohamedjetta** · 20-08-2014 11:50 AM

متابع معاك وانا بشك ان البطاريه بايظه

**exelence** · 20-08-2014 12:30 PM

مش عاوز احبطك بس للأسف القسم هنا نايم او ميت ...

**Mohamedjetta** · 20-08-2014 12:50 PM

المشاركة الأصلية كتبت بواسطة exelence

مش عاوز احبطك بس للأسف القسم هنا نايم او ميت ...

فعلا نايم اوي بسبب قله مبيعات فولكس واجن بنسبه كبيره جدا فبتلاقي ان الاعضاء بتقل مش بتزيد عشان فيه منهم بيبعو عربياتهم
حضرتك روح لقسم هيونداي و قسم كيا و اسكودا هتلاقي فيه اعضاء كتيره اوي وده بسبب ان الكيا والهيونداي والاسكودا مبيعاتهم كتيره و ناس كتيره اشترت فبتلاقي الاعضاء هناك بكثره
وانا عندي النترا hd 2010 و اول ما اسأل علي حاجه بلاقي كله بيجاوبني وسرعه رد ..... اجي هنا عشان اسأل علي حاجه تخص عربيه بابا الجيتا بلاقي اكتر اللي بيجاوبوني من قسم تاني

**MANassar** · 20-08-2014 01:06 PM

شوف البطارية الاول، و بردو شوف البوابة، يمكن تكون محتاجة تنضيف

**Mido Casper** · 20-08-2014 01:17 PM

اكشف ع البطاريه انما لو البطاريه شغاله ممكن تكون من الشمعات او بمعني اصح البوجيهات

**Mido Casper** · 20-08-2014 01:18 PM

سوري مكنتش شوفت كلمه انك غيرتلها البوجيهات .. شيك عليهم انهم مربوطين كويس ممكن يكون اللي عملهم مش راسيين ف مكانهم .. متابع معاك

**Ahmed Saad** · 20-08-2014 02:14 PM

بص ياباشا أولا هتروح لميكانيكي فولكس وقوله يقيس ليك ضغط طرمبه البنزين من خرطوم الراجع بيبقى عندهم عداد قياس وبيتوصل من خراطيم البنزين من ناحيه الرشاشات وتدور العربيه المفروض أن العداد يجيب من 3.5-4 بار دي لو الطرمبه مظبوطه طبعا موتور حضرتك 1600 طلعت الطرمبه تمام اكشف أعطال ببرنامج vcds وشوف هيطلع لك عطل ايه ولو عايز تعرف سبب العطل اكتبلي الأكواد اللي هتطلعلك وانا اقولك الحل أن شاء الله وربنا يسهل وتطلع حاجه بسيطه

**ahmedaly2000** · 22-08-2014 03:23 PM

متشكر يارجاله على الاهتمام...انا فعلا عملت زى ماقال الاستاذ hitmangateبالظبط والنتيجه ان العيب فى البوابه وكانت عايزه تتنضف
الف شكر يارجاله

الموضوع: جولف 5 مابتدورش من اول مره لازم تلت اربع مرات

LinkBack

أدوات الموضوع

عرض

-

-

-

-

المواضيع المتشابهه

لمبه التشيك نورت اربع مرات

غيرت البوجيهات اربع مرات ودايما تطلع مكربنه

مساعده فى شوية حاجات بعد ماتقلبت اربع مرات

السيراتو اتقلبت اربع مرات

الكلمات الدلالية لهذا الموضوع

المفضلات

المفضلات

ضوابط المشاركة