ماهى انسب سيارة لمبلغ من 15 الى 20 الف من هؤلاء

**Shibokshy** · 21-08-2014 01:09 PM

بلاش شاريد موتورها ضعيف 1000 سى سى 3 سلندر و مش اى حد بيشتغل فيه
السيتروين قطع غيارها غالية اوى
الريجاتا او مازدا 323 افضل

**creatorman1978** · 22-08-2014 12:26 PM

بيتهائلى الشاريد مش موتور 1000 .. دى 1300 تقريبا وفيها تكييف احيانا .. وبالنسبة للستروين في ناس بيشكروا فيها يعنى لو اتوفر قطع الغيار مش هيبقى فية مشكلة ولا اية ؟؟

**Omar Mahmoud** · 22-08-2014 01:31 PM

المشاركة الأصلية كتبت بواسطة creatorman1978

بيتهائلى الشاريد مش موتور 1000 .. دى 1300 تقريبا وفيها تكييف احيانا .. وبالنسبة للستروين في ناس بيشكروا فيها يعنى لو اتوفر قطع الغيار مش هيبقى فية مشكلة ولا اية ؟؟

خالي كان هيشتريها من خمس سنين كانت 1300cc تقريبا بس كان فيها تكييف فعلا

**fady adel** · 22-08-2014 02:59 PM

انا فى نفس حيرتك وكنت عايز ابعد عن الفيات واحصرت اختياراتى بين شاريد 1300 cc وفيها تكيف وكانت عامله 21 الف وستروين zx 1400cc وهيا افضل من ال ax محتاجه شويه تظبيط وعامله 20 الف ولما سالت محلات قطع الغيار اللى شغاله فى الانواع ديه كله قالى ابعد عن الشاريد عشان قطع غيارها بقيت نادرة دلوقتى لاكن الستروين موجودة

**creatorman1978** · 24-08-2014 08:03 PM

المشاركة الأصلية كتبت بواسطة fady adel

انا فى نفس حيرتك وكنت عايز ابعد عن الفيات واحصرت اختياراتى بين شاريد 1300 cc وفيها تكيف وكانت عامله 21 الف وستروين zx 1400cc وهيا افضل من ال ax محتاجه شويه تظبيط وعامله 20 الف ولما سالت محلات قطع الغيار اللى شغاله فى الانواع ديه كله قالى ابعد عن الشاريد عشان قطع غيارها بقيت نادرة دلوقتى لاكن الستروين موجودة

متعتمدش على رأى واحد بس لان فى ناس كتير بتشكر فى الدايهاتسو ولو عملت سيرش عن مميزات وعيوب الدايهاتسو هتلاقى مواضيع لناس معاها العربية وبتشكر فيها ... لكن انا بفكر ادخل الماروتى فى الحسبة بس مش عارف مستنى رأى الناس وهى اكيد قطع غيارها متورفرة لكن رخيصة ولا غالية ؟