خرطوم فايظ الزيت مقطوع

**Greeko** · 19-08-2014 05:19 PM

السلام عليكم ورحمة الله و بركاته
أتمني تكونوا جميعا بخير
الموضوع ببساطة اني كنت بشيك علي الزيت و مياه التبريد قبل سفر فلقيت زيت كتير تحت الموتور و علي الكبالن ومنتشر جامد .. والزيت مستواه يكاد يصل للمينيمم.. ولاحظت خرطوم سايب ومدلدل قلت اكيد هو السبب.
خدت جركن الزيت احتياطي وبعدين رحت لميكانيكي قالي ده خرطوم فايظ الزيت و جاب كوليه من بتوع الانابيب دول وربطه وقالي سير علي بركة الله.. انا كنت ملاحظ ان الخرطوم ممقطوع من بدايته والقطع طوله حوالي 5 سم بس كان في جزء من ملفوف ب شيكارتون فسألت الراجل قالي لا متقلقش.
طبعا مشيت وانا كالعادة مش مقتنع و سوقت كام يوم بس لاحظت برضو ان مستوي الزيت بيقل وكل لما احط ايدي علي الخرطوم ألاقي زيت مسرب.
رحت الحرفيين وقلبت الدنيا هناك علي خرطوم جديد أو استيراد بس للأسف مفيش.
فالحقيقة مش عارف أعمل ايه.. بفكر أفك الخرطوم وانضفه ببنزين وأغسله و بعدين أزلقه بأمير وألف عليه بكرة لزق وأرجعه بس اكيد هيفك تاني.
يا ريت لو حد يدلني علي أي مكان أجيبه منه يبقي ألف شكر

**Karim Ibiza** · 19-08-2014 11:02 PM

فى البداية لازم تتأكد من مكان التسريب وعشان تتأكد يبقى لازم تغسل الموتور وتنضف اثار تعريق الزيت من عليه وبعدين تتابع وتشوف التسريب جاى منين لأن خرطوم الفايظ مش هيوصل لمرحلة انك تلاقى زيت تحت العربية حتى لو كان كله مقطوع لأنه بيطلع بخار زيت بس

وبعد ما تتأكد من مكان التسريب نبقى نشوف الحل ايه

**hossamalsadik** · 20-08-2014 12:51 AM

الخرطوم ده ليس سبب لفقدان الزيت بالكميه ديه
دور على مكان التسريب
عمتا الخرطوم ده بيتباع فى الحرافيين بس أحتمال كبير هيدهولك بالقطعه اللى ركب فيها ال oil separator
وكان فى صديق أشترها بالقطعه عشان ياخد الخرطوم فقط وممكن تستعوضه بأى حاجه شبهه

**hossamalsadik** · 20-08-2014 12:54 AM

ده الخرطوم

مكانه فى الماتور وبيكون متوصل بالعمه الى هيا عندنا غطاء الماتور الكبير

oil separator

**SYD** · 22-08-2014 04:49 AM

للأسف فعلا لو عايز الخرطوم هتجيب المبخر كله علي بعضه استيراد
وللأسف بردو ان الخرطوم له شكل معين صعب تلاقيه لأنه غير انه ملفوف كمان قطر الطرفين مش زي بعض

تحياتي