اويل سيل كرنك خلفي فيكترا بي 1

**gomgom3** · 19-08-2014 07:33 PM

حاجه للاسف مش علي البال خاااالص ال
المهم العربيه الزيت بينقص فيها غسلت وطلع علي الميكانيكي قالي اويل سيل خلفي وهنحتاج نفك المكنه المهم اتفق معايا علي 250 ج
ياريت اعرف رايكوا وايه النوع الاصلي الي يركب لان بتوع اوبل عندنا في طنطا حراميه جربتهم قبل كدة في اويل سيل كوبلن كان عايز فيه 80 ج جبت نفس النوع من عند بتوع الاولسيهات ب 10 ج
فياريت الافادة في الموضوع دة وايه رايكوا اني اخاد القديم واروح عند بتوع اللولسيهات اجيب زيه

**Eng.M_Mousa** · 19-08-2014 11:54 PM

انا قابلني نفس المشكلة فى عربيتى هيونداى وخليت الميكانيكي فكهولى ورحت جبت زيه بالظبط بحوالى عشرين جنيه من عند بتوع الاويسيلات هو مشكلته انه مقرف جدا جدا في تغييره وكمية الحاجات اللي بيفكها علشان يوصله يعني تفضي نفسك يوم وتروحله بدري وربنا معاك ان شاء الله

**فادى محمد** · 19-08-2014 11:55 PM

من الاخر يا دكتور..
هتنزل المنصوره وتروح عند محل المصريه في ش حسين بك
اسال ع المهندس احمد خطاب وقوله من طرف فادي دمياط
عاوز اويل سايل كرنك خلفي ماركه ( جلاسير) اسباني سعره
حوالي 70ج وده احسن من اللي في التوكيل حتي , التوكيل
عنده جي ام بس برازيلي .
الاويل سايل ده جوهري وبتفك حجات كتير علشانه . اهتم به
وهات الجلاسير .
المصنعيه معقوله طالما هيرفع الموتور . بس خلي بالك من مواسير
التكييف اللي انت تعبان فيها . لو خبطها او اتعافي عليها هتسرب !!
ربنا يوفقك .
انا اتكلمت قبل كده في موضوع انه ممكن يركب من غير فك الموتور
وده افضل ليك انما اتعب للصنايعي لانه بيفك الكبالن والفرده الشمال
وقاعده الموتور الشمال وقاعده الفتيس ويهوي بيضه المقص
ومسامير داير الفتيس ويبدا فك طقم الدبرياج وترس الفولام من فوق .
تابع الموضوع ده هتفهم قصدي
http://www.nilemotors.net/Nile/271634-b.html

**فادى محمد** · 20-08-2014 11:25 AM

المشاركة الأصلية كتبت بواسطة gomgom3

مشكور غلي الرد ياكبير
الفكرة بتاعت خضراك ديه مش بفك الفتيس ولا بفك ايه عشان مش مجمع
لانس اعرف واحد عفشجي محترم جدا وكانت معاه العربيه واحافظها ولو قولتله عل الطريقه مش هيمانع خااالص ياريت لو خضرتك توضح عان اقدر افهم

بص يا دكتور..
الفكره ان الصنايعي بيوسع لحله الفتيس علشان يزحزحها ناحيه الشمال ويسقطها ع الارض . تمام؟

علشان يعمل ده لازم يفك الفرده الشمال - كوبلن الشمال واليمين اللي ماسكين في الفتيس - قاعده الفتيس الخلفيه - قاعده الموتور الشمال ( علشان التوسيع) - بيضه المقص الشمال علشان الصره تنزل ع الارض ويعرف يشد الفتيس.- من فوق بيشيل البطاريه بالقاعده بتاعتها علشان الشغل كله بعد الفك , من فوق ..

بعد كده حله او داير الفتيس ليها مسامير بتتفك . بعد الفك بيشد الفتيس ناحيه الشمال لغايه ما يقع ع الارض .هو مش هينزل بشكل كلي انما هيبقي مفتوح للشغل من فوق.

بعد كده من فوق هيفك الديسك والاسطوانه ومن وراهم ترس الفولام , اللي وراه الاويل سايل !!
وطبعا التركيب عكس الفك .الفتيس وهو بيركب بتزقه من فجوه العجله لغايه ما عامود الدريك
يعشق في مشنشر الاسطوانه .

الشغل من الناحيه دي

وبعد ازاحه الفتيس وفك الديسك والاسطوانه يظهر ترس الفولام كده ولاحظ الصنايعي بيمد ايده ويشتغل ازاي؟

بعد فك ترس الفولام يظهر قاعدته في الكرنك ( الاويل سايل هو المدور العريض اللي حوالين القاعده)