الموضوع: استفسار بخصوص سكودا كومبى

انتا قصدك بالهاتش باك
قصدك المينى يعنى الصغيرة
ماهى الكومبى بردك هاتش باك
صديقى العزيز
الكومبى هى المينى
الاتنين بيختلفو فى الحجم
المينى الشنطة صغيرة
اما الكومبى شنطتها كبيرة جدااا
العفشة واحده و الموتور واحد
و الصالون واحد بس الكومبى اوسع شوية
المينى او الكومبى
على حسب اختيارك و احتياجك انتا
بخصوص السعر لو العربية حالتها نضيفة قووووووووى تستاهل
و يكفى و اقولك على حاجة عربية
ممكن تعملها سرفيس لو معكش فلوس بــــــ 100 جنية
فلتر هوا 25 جنية
فلتر زيت 30 جنية
فلتر بنزين 6 جنية
طقم بوجيهات 35 جنية
و زيت تعاون شغال عليها زى الفل
على فكرة علشان محدش يستغرب انا كنت بعمل فى عربيتى كدة وزى الفل
سير المجموعة الالمانى 40 جنية
و الصينى 20 جنية او 25 جنية
قطع الغيار منتشرة وزى الفل و سعرها مش غالى
استيراد هتلاقى جديد هتلاقى
من الاخر انتا راكب عربية موفرة
اة بنزين 80 شغال 90 لو موجود شغال 92 شغال
و الله كانت ايام عززززززززز
الله يمسيكى بالخير يا لوزة
متعرفش لوزة كان ليها علامات و صولات و جولات كان فضلها 3 او 5 محافظات و كانت تلف جمهورية مصر العربية
و الله بفكر ارجع للايام الفليشيا توكل على الله
لو تعرف تظبط السعر
و اتعامل معانا هنا هتعلم تعمل كل حاجة بنفسك

ياله اسيبك تفكر
بالتوفيق ان شاء الله

المشاركة الأصلية كتبت بواسطة ayman616

بعد إذنك يا باشمهندس أحمد إيه هو

سير المجموعة دة بيبقى عبارة عن سير بيكون قائد من طنبورة الكرنك
للادارة طنبورة طلمبة المياة لسريان و ضخ المياه فى جميع اجزاء الموتور
و للادارة طنبورة الدينمو للاعطاء الموتور و العربية الكهربا اللازمة
و كمان بيكون مسؤل عن ادارة طنبورة كمبرسور التكييف لو العربية مكيفة

و سير المجموعة لو انتا مش عارفه هتلاقيه ناحية البطارية
و نصيحة لازم يكون معاك فى شنطة العربية سير احتياطى
و تركيبه سهل جداااااااااااااا
سيادتك هيكون معاك مفتاحيين مقاس 17 واحد بلدى واحد مشرشر
هتفك مسمار الشداد بتاع الدينمو و تريح الدينمو تشبط السير على طنبورة طلمبة المياه و بعدين على طنبورة الكرنك و بعدين على طنبورة الدينمو
و بعدين تجيب يد الكوريك و تعمل بيها قرصة علشان تشد الدينمو لتحت هتلاقى الدينمو شد السير
و انتا ماسك المفتاحيين تعدى ايدك من على يد الكوريك علشان تشد و تربط فى نفس الوقت
دة سير المجموعة
طيب تعرف السير اتقطع منك ازاى
اولا ما هيتقطع هتلاقى للمبة البطارية نورت و الموتور شغال
يجب الاتباع الاتى
اولا الضغط على زرار الانتظار
ثانيا النظر الى مرية يمين السائق و مراية الصالون لمتابعة الطريق
ثالثا اركن على يمين الطريق
رابعا اصبر على الموتور لكى يبرد
غير السير و دور العربية على السلانسية للمدة 4 دقائق او خمسة دقائق
لتأكد من تركيب السير صح

المشاركة الأصلية كتبت بواسطة ayman616

الأستاذ الفاضل صاحب الموضوع .... هو حضرتك حتدفع المبلغ ده فى عربية 128 مثلا علشان كده هو كتير

و بعدين صديقك ده بيفهم فى العربيات و لا هو عنده عقدة من الفليشيا بالسمع

خليك فى القسم شويه و تابع الموضوعات و حتعرف قيمة الفليشيا سواء كانت كومبى أو هتش باك

على فكرة أنا ما إقتنعت بالعربية ديه إلا من القسم ده و فضلت متابعه حوالى خمس شهور و بعدين إشتريت العربية فى إبريل 2014

و لما تركبها حتعرف قيمتها

هو دة الكلام الصح اللى احيك عليه
عشرة على عشرة