البونتو بتحك في المطبات

**m10_10** · 20-07-2007 06:11 AM

يا جماعه انا مش عارف
العربية بتحك في المطبات العالية اللي في الشوارع بتاعة مصر المحروسة

مثلا زي الشوارع اللي فيها مدارس وحاطين مطبات
هل ده عيب يتصلح في العربية ولا هوا الموديل كدة واطي شويتين ؟؟

وكمان انا مش عايز اعلى العربية عشان سكتي اغلبها طرق سريعه ( المحور وسنينة ) بس اللي يخنق ان لما اروح لحد من زمايلي في امبابة مثلا او حتى الشيخ زايد بلاقي العربية لما بيركب فيها صحابي بلاقيها بتحك في المطبات وطبعا ده بيتعبني نفسيا جدا

اعمل اية يا جماعه؟؟؟
وهل فية مركز متخصص اروحلة يشوفلي العربية ؟؟؟

**hazem_khidr** · 20-07-2007 12:45 PM

الطبيعي في البونتو لما تركب اتنين مليانين ورا مثلا العربيه حتحك منك .
فيه حل و هو انك تاخد المطب بالعرض و بكده مفيش مطب حيحك معاك و خلي بالك ان العربيه لو عليتها ثباتها حيقل

**CryptonX** · 22-07-2007 09:56 AM

و اتأكد المساعدين شغاليين طبيعي , علشان دي اكتؤ حاجة بتبوظ في البونتو و كذا موديل اخر من فيات .

انا معايا باليو 2006 و غيرت المساعدين بعد ستة استخدام , بس ماكنتش بتحك في الواقع عمرها محتحك علشان خلوص العربية و الأرض تقريبا 35 سم !!! :)

**hazem_khidr** · 23-07-2007 04:28 AM

المساعدين الخلفيه لما بتبوظ العربيه مش بتحك لاء....دي بتتهبد في المطب فاهم ازاي؟يعني تاخد المطب و بعدين ضهر العربيه و انت نازل يقوم خابط في المطب.ممكن تكون ماسوره الشكمان جايز تكون ساقطه شويه صحيح و هيا اللي بتحك