[QUOTE=borio1704;3875715185]
م أحمد...

مش عارف بصراحة أقول إيه لإني مش قادر أحكم إذا كنت حضرتك متحيز ضد الياباني ولا بتتكلم بناء على حقائق.

بس هفترض إن حضرتك بنيت رأيك على الأخبار اللي حضرتك بتشوفها.. لإن لو حضرتك متحيز... فمهما اتكلمنا مش هنوصل لنتيجة






فعلا... أكبر عملية استدعاء سيارات في التاريخ..

بس لو قريت خبر لوحده مش كفاية... ولازم تعرف إيه الخلفيات اللي ورا الاستدعاء ده وإذا كان من ضمنها خلفيات سياسية ولا لأ.


عموما.. اللي حضرتك يمكن ما تعرفوش إن تويوتا كان قدامها حاجات بسيطة وتحتكر السوق الأمريكي.. وإن عربية زي التويوتا كامري كانت محتلة المركز الأول للمبيعات في أمريكا لمدة حوالي 10 سنوات متواصلة

وفي المقابل.. عمالقة صناعة السيارات (جنرال موتورز وفورد) كانت مبيعاتهم في هبوط مستمر للدرجة اللي تخليهم في الركود بتاع 2008 يبقوا على وشك الإفلاس.. وكمان الحكومة الأمريكية تدخل وتحط إيديها على الإدارة بتاعنهم علشان ما يقفلوش

هل حضرتك تعرف إن مجموعة فورد بعد ما كانت ثاني أكبر شركات العالم في السيارات تراجعت جدا دلوقتي (تحسنت وبقت في المركز الخامس عالميا) وتخلصت من كمية شركات وقفلت كمان فرع ميركيوري في 2011؟؟؟؟

وبالمثل... جنرال موتورز قفلت "بونتياك" و"أولدزموبل" و"بويك" (بويك موجودة في الصين فقط حاليا) وكمان قفلت "ساتيرن" وقفلت "ساب" وما فاضلش ماركات شغالة في جنرال موتورز غير "شيفروليه" و"GMC" و"كاديلاك" و"أوبل" و"دايوو" (في كوريا فقط)


وفي نفس الفترة .. المفترض إن تويوتا يحصلهات انكماش بسبب المشاكل وسوء السمعة... إنما اللي حصل فعلا إن تويوتا بتكبر وتتوسع وتشتري شركات تانية

مجموعة تويوتا حاليا مكونة من :

1- تويوتا
2- لكزس
3- سوبارو
4- هينو
5- دايهاتسو

ويكفي إن تويوتا هي أكبر مصنع للسيارات في العالم حاليا (أكتر من 10 مليون عربية في 2013)

لا أتوقع إن نجاحات بالشكل ده جاية من فراغ

لو تحب تعرف معلومات أكتر... ممكن تدخل على الوصلات دي:

Toyota - Wikipedia, the free encyclopedia
Automotive industry - Wikipedia, the free encyclopedia





اقتباس المشاركة الأصلية كتبت بواسطة م أحمد مشاهدة المشاركة




هو في الحقيقة... مؤسسة J.D. Power من أكبر المؤسسات العالمية اللي بتعمل إحصائيات للجودة لكل السلع والخدمات .. بس كون إن العربيات من أهم السلع وأكثرها انتشارا.. فهتلاقي في الموقع بتاعهم جزء خاص بالسيارات بس

J.D. Power | A Global Market Research Company

وعلشان حضرتك بتستفسر عن إزاي جابوا الإحصائيات دي.. فطريقة الإحصائيات مكتوبة بوضوح في موقعهم

"J.D. Power automotive ratings are your guide to finding which vehicles or automotive-related products ranked highest in J.D. Power consumer studies. All Power Circle Ratings are based on the opinions of a sample of consumers who have used or owned the product or service being rated and are therefore indicative of a typical buying experience."

يعني مش الشركات اللي بتدي المعلومات... إنما هما اللي بياخدوا المعلومات دي عن طريق سؤال عينات عشوائية من المستخدمين والمشترين .. وده علشان تبقى المعلومات محايدة قدر الإمكان.

ومع إن الإعلانات الموجودة في الموقع لشركات زي كاديلاك وهيونداي.. إنما شوف تصنيفاتهم وترتيبهم في النتايج اللي J.D. Power بتطلعها.. ما هياش مركز أول ولا تاني حتى.

دي معلومات بسيطة عن J.D. Power
J. D. Power and Associates - Wikipedia, the free encyclopedia

بس من كلام حضرتك... واضح إن حضرتك ما تعرفش كتير عن اليابان.

الحقيقة إن اليابان حالة خاصة من التعامل.. والمعروف عن اليابانيين عموما إنهم أكثر شعوب الأرض نزاهة في الوقت الحاضر... تقدر تعتبرهم "كوكب آخر".

لو تعرف حد راح اليابان.. اسمع منه... ولو ما تعرفش حد اتفرج على برنامج "خواطر 5" لأحمد الشقيري

ولو مش عايز تتفرج.. ممكن تدور شوية على النت علشان تعرف قد إيه نظم الإنتاج اليابانية تحتوي على قدر كبير من القيم والأخلاق اللي خلت كل مصانع العالم بتحاول تعمل زيها ومش عارفين .

من ضمن ما عايزك تبحث عنه على النت .. دور على ما يسمى بـ"نظام إنتاج تويوتا Toyota Production System"... ودور كمان على المصطلحات دي:

Kaizen"
Kanban
5S
Heijunka
Just-In-Time
Jidoka
Genchi Genbutsu
Obeya
Muda
Mura
Muri


رئيس مجلس إدارة تويوتا لما كان قدام الكونجرس كان أول واحد يبكي على العلن لإن سمعة شركته "بدإت" تهتز.. وده في عرف اليابانيين شيء كبير جدا.

رئيس مجلس إدارة تويوتا ما أنكرش العيوب.. وكمية الاستدعاءات اللي تويوتا بتعملها حاليا (من بعد الواقعة دي) أغلبها لا يشمل أعطال فعلية ولا مؤثرة على السلامة...

نصيحتي لحضرتك... حاول تقرا شوية بتمعن في الأخبار من فضلك.





...
متشكر جدا لرد حضرتك الموضوعى
أولا لست متحيز ضد اليابانى مطلقا، لان فى مجال عملى أجهزة يابانى من سنة 1982 شغالة لغاية دلوقتى كأنها جديدة و لى زملاء عملو سنين طويلة معهم و سافرو اليابان و بيحكو باستمرار
ولو مش كدة فيكفى ان اكون زى اى فرد لا علاقة له بالصناعة و اعرف كلمة اليابانى فى الاجهزة معناها ايه
الأجهزة اليابانى الموجودة فى مجال عملنا زى الدهب و لا خلاف على ذلك- بس فى برضه عندى معادن زى البلاتين
و الفكرة هل انا محتاج الدهب و لا البلاتين و ايه اللى يفيدنى
بالمثل فى مجال السيارات...مين ينكر ان تويوتا او هوندا من اليابانى عربيات رائعة بس فيه برضه عربيات رائعة اخرى كتيير غيرهم بتظهر فيهم عيوب زى ما ظهرت فى تويوتا
برضه هناك ربط واضح بين أرقام المبيعات و الاعتمادية ---يكفى اعرف ان السوق الفلانى الجو فيه مولع و بيحب التكييف انزل له عربية تكييفها قوى جدا و احقق مبيعات ضخمة علشان لعب على نقطة التكييف او اعرف ان الطرق فى بلد مكسرة انزل لهم عربية عالية و دا واضح جدا فى حسابات الاعضاء لما بيقارنو بين العربيات دلوقتى فى مصر او أنزل بأسعار رخيصة
فمش علشان التكييف قوى او ارتفاع العربية كويس او ناس اخلاقهم حسنة او انزل حاجة رخيصة تعمل مبيعات يبقى مؤشر لجودة و كفاءة المنتج بالكامل بس ممكن نعتبرها كفاءة تسويقية

أساس الموضوع واحد بسأل على عربية إعتمادية لمدة 5 سنين زيرو فأى عربية زيرو هتحقق له طلبه لهذه المدة او اغلبها - و بعد ذلك على حسب الاستخدام و الصيانات أولا ثم نوع السيارة ثانيا ..و مرور الوقت هو اللى بيحدد الاعتمادية من تجارب الملاك المباشرة و من الأخبار العالمية !