الموضوع: أيهم أفضل

المشاركة الأصلية كتبت بواسطة J A G U A R

عفشه النيو سيراتو بتختلف تماما عن القديمه مع انى كنت راكب القديمه امبارح جنط 16 وشايفها عاديه مش ناشفه .. ولا حضرتك تقصد ايه بالظبط بالنسبه للعفشه ..

ايه اللى ناقص السيراتو فى وسائل الامان .. esp مثلا ولا ايه ..

ياراااااااااااااااااجل ؟؟؟... عفشة السيراتو القديمة مش ناشفة ؟؟ .. دانا كنت بعانى من التهبيد بتاعها وغيرتلها مساعدين وكاوتش لحد ماطلع عينى
وأنا أقصد بالعفشة .. إن العفشة سيئة وده بيبان فى ثبات العربية .. متنكرش إن العربية فى الملفات بتعوم .. وده تقريباً عيب الكورى عموما وخاصةً الكيا والهيونداى .. وبسبب التورشن بيم .. وده موجود فى عربيات تانية بس بجودة أعلى .. وده رأى أستاذ فاضل فى المنتدى بقالى زمان معرفش عنه حاجة إسمة formulator ( الراجل ده كان محترف بصراحة )
وطبعاً ناقص السيراتو الـ ESP و الـ EBD
ليه ميبقوش موجودين فيها ؟؟ ده على أساس إنها رخيصة ؟؟
وليه موجودين فى عربيات أوروبى ويابانى فى نفس الفئة السعرية ومع خامات وتقفيل أفضل كمان ؟؟
وبردو ده رأيي الشخصى وأكيد لا يعلى على رأيك لأنك أكيد عندك خبرة أكبر منى بكتير .. والله أعلم
وبعد كده بعد إذنك لما تيجى تكلمنى متقوليش ( حضرتك )
.
.
.
قوللي يا أبو حميد وخللى البساط أحمدى ياراجل