رحلة إلى بيت الله الحرام ( صور تفصيلية نادرة )

**Karim_Monir** · 22-10-2008 12:36 AM

جزاك الله كل خير
واثرت بداخلي الشجون والحنين بالفعل للحج
ادعيلي بقى ربنا يرزقنى الحج وانا لسه بصحتي
وانا بدعو لكل من ليقم بزيارة البيت ربنا يرزقه الزيارة سواء حج او عمرة

**aif** · 22-10-2008 12:44 AM

المشاركة الأصلية كتبت بواسطة karim_monir

جزاك الله كل خير
واثرت بداخلي الشجون والحنين بالفعل للحج
ادعيلي بقى ربنا يرزقنى الحج وانا لسه بصحتي
وانا بدعو لكل من ليقم بزيارة البيت ربنا يرزقه الزيارة سواء حج او عمرة

والله يا كريم انا بارفع الصور دي ودموعي مش قادر احبسها ... خصوصا لما بارفع صور انا موجود فيها ... بتثير في نفسي مشاعر لا توصف
والله ... والله .... والله ....لما الواحد بيروح المسجد الحرام بيفهم و يشعر ويتيقن ان لا شيء يوازي هذا الشعور الروحاني الجميل ....
الفلوس لا قيمة لها .... الوقت والجهد لا قيمة له ......هناك تقدير الانسان للأمور مختلف تماما
انت هناك في عالم تاني خالص ...... وبتشوف الدنيا بمنظور مختلف تماما ....
ربنا يكتبلك و جميع الزملاء حج بيته الحرام ..... وأكون معاكم يارب

**Noha.M** · 22-10-2008 08:29 AM

موش عاوزة اقولك قد ايه الصور دى اثرت فيا بجد و انا مركزة فيها و في تفاصيلها حسيت انى عاوزة انط من مكانى و ابقي معاهم ..

انا للاسف عمرى ما عملت عمرة بس قلبي متعلق بيها جدا لدرجةانى كل شوية احلم بالكعبة المشرفة و احلم انى بطوف و بصلي هناك و الحلم بيبقي واضح اوى و منور و سبحان الله بصحي و الاقي نفسي فى حالة غريبة كدة من السكون و الصفاء و مذهولة من حلاوة الحلم ... فما بالك لو حقيقة

جزاك الله كل خير يا ابراهيم و عاوزين صور كمان حلوة :)

**Karim_Monir** · 22-10-2008 10:20 AM

المشاركة الأصلية كتبت بواسطة aif

والله يا كريم انا بارفع الصور دي ودموعي مش قادر احبسها ... خصوصا لما بارفع صور انا موجود فيها ... بتثير في نفسي مشاعر لا توصف
والله ... والله .... والله ....لما الواحد بيروح المسجد الحرام بيفهم و يشعر ويتيقن ان لا شيء يوازي هذا الشعور الروحاني الجميل ....
الفلوس لا قيمة لها .... الوقت والجهد لا قيمة له ......هناك تقدير الانسان للأمور مختلف تماما
انت هناك في عالم تاني خالص ...... وبتشوف الدنيا بمنظور مختلف تماما ....
ربنا يكتبلك و جميع الزملاء حج بيته الحرام ..... وأكون معاكم يارب

أمين .

**Islam_galal** · 22-10-2008 12:11 PM

جزاك الله خيرا
زاد الحنين بصورك القيمة
الحمد لله حجيت قبل الزواج و ربنا كرمني و تزوجت بعدها مباشرة
و عملت عمرة و معي زوجتي و أول طفل
و إن شاء الله أعمل عمرة بعد ما ربنا رزقني بالطفل الثاني بس المرة دي لوحدي
ربنا يتقبل منا جميعا و يرزقنا زيارة بيته مرات و مرات

بعض التأملات:
الطلب : زيارة بيت الله الحرام
و هل تجوز الزيارة إلا بإذن صاحب البيت؟
و متي يأذن صاحب البيت؟
عندما تصدق النيه (و القصص علي ذلك كثير)

**aif** · 22-10-2008 12:29 PM

فعلا يا اسلام ... كلامك صح 100%

فيه مثل بيقول ..... للموعودين مش للمحسوبين ...
الواحد ممكن يحسب حساباته ويظبط اموره .... لكن مفيش نصيب
والعكس صحيح ممكن واحد نيته خالصة و الاسباب مش مساعداه .... ويلاقي نفسه هناك من حيث لا يحتسب ....
القصة دي حصلت مع ناس اعرفهم ....
شاب في اواخر العشرينات ..... والده كان رجل صالح ...كان عالم و دكتور بالأزهر وتوفي الي رحمة الله .....
ومن 3 سنوات تقريبا .... وفي شهر ذي الحجة ... وباقي علة الحج حوالي 3 ايام .... والأجواء السعودية في حالة تشبع قصوي وتم قفل باب السفر للحج .... خلاص اللي سافر سافر .....وهو في البيت ومش في باله اي شيء وبيتابع اخبار الحج في التلفزيون زي باقي الناس ... التليفون رن ....
الاستاذ فلان
نعم
ممكن حضرتك تشرفنا غدا في السفارة السعودية
خير ....
خير ان شاء الله الساعة 10 صباحا موعدك لقابلة الملحق الثقافي
.............................
راح الراجل فوجئ بدعوتين حج له ولوالدته .... السفر والاقامة والانتقالات والاكل والمناسك ...مرسله من امير سعودي كان صديق لوالده الله يرحمه .....
وذهبا وحجا مع بعثة المراسم الملكية السعودية ..... يعني حج في اعلى مستويات الضيافة اللي ممكن تتخيلوه ...
كأنه حلم
لا ترتيب
لا نفقات
لا مشقة
لا زحام
..................
ده ربنا مسخرله الامير ده عشان ربنا أذن لهما بحج بيته الحرام
.............
للموعودين مش للمحسوبين