الموضوع: رحلة إلى بيت الله الحرام ( صور تفصيلية نادرة )

دي صورة من الجو للحرم
وح اشرح الاماكن المبينة بالارقام علي الصورة



الصورة دي متصورة في فترة التسعينات ...
الارقام المبينة بالاحمر علي الصورة تمثل الآتي
1 - الصفا
2 - المروة والمسار المستقيم بين الصفا والمروه هو المسعى اللي شوفتوه في الصور
3- المكان الذي ولد فيه الرسول عليه الصلاة والسلام .... وله صور في اول الموضوع ممكن تراجعوها
4 - باب الفتح
5 - باب العمرة
6 - باب الملك فهد
7 - باب الملك عبد العزيز
ودي الاربع ابواب الكبرى للحرم ... لكن الحرم له اكتر من 100 باب صغير موزعة علي كافة انحاء الحرم .... والمسجد الحرام لا تغلق ابوابه علي مدار الساعة .... مفتوح 24 ساعة والطواف بالكعبة مستمر 24 ساعة ....
8 - باب السلام ... وهو باب صغير يقع بالمسعى بين الصفا والمروة
9 - ساحة باب السلام .... ساحة كبيرة كانت قيل ذلك اسواق ومنازل وتم ازالتها لتوسعة الحرم
10 - ساحة باب الملك فهد .... نفس الشرح السابق
11 - ابراج مكة وفندق هيلتون مكة
12 - في هذا المكان كان يوجد قلعة عثمانية قديمة ... وتم ازالتها ... وحاليا بنو في هذا المكان ابراج وقف الملك عبد العزيز الشهيرة بابراج القلعة .... وممكن تشوفوها في الصور الحديثة في اول الموضوع وهي اللي متصور من عليها اول 4 صور في هذا الموضوع
13 - قصر الصفا .... قصر ملكي بناه الملك فهد ويطل علي الحرم مباشرة
14 - زمزم و لو دققتكم ممكن تشوفو مربع صغير هو السلالم المؤدية الي البئر .... تم ازالتها حاليا كما ذكرت في الشرح السابق
لسة فيه شوية صور المرة الجاية
سلام

لقيت صور جديدة .... منها 3 فعلا صور نادرة
دي صور لما كانو بيرممو الحرم ويستبدلوا رخام الارضية و يزيلو احواض الحصى ويعملوها رخام ....انا فعلا كنت اول مرة اشوف المنظر دة ... وكذلك صورة عامة للكعبة اثناء الامطار ..لكن مش سيل الربوع .... دي كانت في فترة السبعينات
والصورة الاخيرة ... ميزاب الكعبة ... وهو موجود في اعلي الكعبة من جهة الحطيم لتصريف مياه الامطار ..... وطبعا لما بيبقى فيه امطار والميزاب يصرف مياة المطر من فوق الكغبة الناس بتقف تحته .... اللي يشرب واللي يستحمى بهدومه ... بيبقي منظر غير مألوف












لو فيه صور تانية ح ارفعها باستمرار

المشاركة الأصلية كتبت بواسطة mohamed_88sk

اللـــــــــــــــــــــه بجد
التلات صور دول بجد جمال بشكل غير طبيعي
ما شاء الله


بجد ربنا يبارك في عمرك وفي ذريتك

والله يا محمد انا بارفع الصور دي ودموعي مالية عيني .... بآجي لوقت الحج ده والاقي نفسي مش قادر استحمل وابقي نفسي اروح باي شكل .... خصوصا لما باسمع التلبية في اذاعة القرآن الكريم
...................
الكلام المكتوب علي الميزاب
جدد هذا الميزاب خادم الحرمين الشريفين الملك فهد بن عبد العزيز آل سعود ملك المملكة العربية السعودية

الميزاب ده مصنوع من الذهب ...... في هذا المكان فقط دون العالم كله .... بتشعر ان الذهب رخيص ..... فعلا الذهب لا يساوي شيء بجوار هذه الاماكن المقدسة .... بل ان التراب الموجود في الحرم اغلي من الذهب