للنقاش والاستفادة:عمل فتحة سقف لفيكترا b

**Ahmed_Gad** · 21-08-2014 03:49 AM

السلام عليكم
لو سمحتم انا داخل ان شاء الله في دماغي اني اظبط العربية قريب سمكرة وبوية هي مافيهاش شغل كتير بس كنت بفكر اعمل فتحة سقف وكنت قريت موضوع مشابه لكدا وكان رد استاذ فادي ان الافضل تغيير سقف بسقف اخر به فتحة ...انا انرشاء الله ناوي اعمل كدا فايه رأيكم اعمل فتحة في سقفي ولا سقف كامل بفتحته ؟ ولو سقف كامل اجيبه منين ويعمل كام ؟ وهل بورسعيد ارخص فعلا من اسكندرية في قطع غيار الاستيراد يعني تستاهل اسافر؟
انا كنت عاوز اكصدامين ومرايات طوي كهربا وعتب فبر وشبكة والسقف ياريت لو حد يعرف الاسعر هنا او بورسعيد
وشكرا

**midozx** · 21-08-2014 03:59 AM

عندك موضوع متثبت فيه اسماء الناس بتاعت بورسعيد اتصل بيهم وخد الاسعار
بس نصيحة اسعار الموبايل حاجة واسعار التاجر وانتا واقف معاها حاجة تانية

**J A G U A R** · 21-08-2014 04:46 AM

رأيي بلاش تعمل فتحه سقف علشان عمرها مش هاتكون زى الفابريكا وممكن يحصل معاك صدا

ممكن اعرف ازاى تشترى سقف كامل وتركبه او تشترى سقف بسقف اخر ..

**mr.moustafa** · 21-08-2014 07:22 AM

اعتقد تغيير السقف هيأثر في سعر اعادة البيع

**Ahmed abdkarim** · 21-08-2014 10:34 AM

تغيير السقف حيأثر جدا فى سعر العربية عند البيع

**ULTRA** · 21-08-2014 10:59 AM

ناس كتير لما تشوف فتحة السقف هتفهم ان العربية مقلوبة

**Ahmed_Gad** · 21-08-2014 04:30 PM

الله يباركلكم يا اخوانيزواحبتي بس للتوضيح انا النهاردة كنت عند السمكري وهو فهمني هنعمل ايه الموضوع ببساطة اننا هنجيب سقف بفتحة كهربا كامل بالفرش الداخلي وهنقص منه بس القشرة يعني هناخد السقف من غير قوايم وهنشيل عندي القشرة بردو من غير قوايم والفك سهل لان هو شال الكاوتش وفرجني السقف عندنا راكب بنظام بنط او زي ما بيسموها زنب فمش هنرش قوايم هنرش السقف بس يعني اللي بيقول قالبة لما هيلاقي القوايم فابريكة يبقي مالوش حجة وبالنسبة للفتحة في اخ معانا في المنتدي معاه بروتون جين تو وموديل حديث جدا زيرو وبالرغم ان مافيش منها اصلا بفتحة الا اه جاب فتحة لانوس وراح عملها في مركز نايل موتورز عن الاستاذ كريم منير وطالعة زي الفل...وبالنسبة للصدأ انا عشان كدا مش هفتح سقفي لانه مش هيظبط زي الفابريكة فانا هجيب سقف فابريكة بفتحة عشان تبقي راكبة صح ولها صرف للمياه وكل حاجة...انا بطلب من حضراتكم بس لو حد من بورسعيد يسألنا عالحاجة ويقولنا وان شاء الله لما ابدأ اشتغل هوافيكم بتقرير شامل وان شاء الله اطلعها عربية مالهاش اخت

**جوكر المصرى** · 21-08-2014 05:57 PM

المشاركة الأصلية كتبت بواسطة ahmed_gad

الله يباركلكم يا اخوانيزواحبتي بس للتوضيح انا النهاردة كنت عند السمكري وهو فهمني هنعمل ايه الموضوع ببساطة اننا هنجيب سقف بفتحة كهربا كامل بالفرش الداخلي وهنقص منه بس القشرة يعني هناخد السقف من غير قوايم وهنشيل عندي القشرة بردو من غير قوايم والفك سهل لان هو شال الكاوتش وفرجني السقف عندنا راكب بنظام بنط او زي ما بيسموها زنب فمش هنرش قوايم هنرش السقف بس يعني اللي بيقول قالبة لما هيلاقي القوايم فابريكة يبقي مالوش حجة وبالنسبة للفتحة في اخ معانا في المنتدي معاه بروتون جين تو وموديل حديث جدا زيرو وبالرغم ان مافيش منها اصلا بفتحة الا اه جاب فتحة لانوس وراح عملها في مركز نايل موتورز عن الاستاذ كريم منير وطالعة زي الفل...وبالنسبة للصدأ انا عشان كدا مش هفتح سقفي لانه مش هيظبط زي الفابريكة فانا هجيب سقف فابريكة بفتحة عشان تبقي راكبة صح ولها صرف للمياه وكل حاجة...انا بطلب من حضراتكم بس لو حد من بورسعيد يسألنا عالحاجة ويقولنا وان شاء الله لما ابدأ اشتغل هوافيكم بتقرير شامل وان شاء الله اطلعها عربية مالهاش اخت

كلام تمام السمكرى عنده حق تركب القشره مع الفتحه مش هتتعرف وهتحس انها فابريكه بس ف الغالب محدش هيديك القشره بس السقف كامل ممكمن بعمل 2000

**Ahmed.Essam** · 21-08-2014 06:06 PM

هي مجازفة بس لو مصمم تعملها اعمل فتحة السقف تتفتح ببكرة مش كهربا لانها هتبوظ منك
ده غير ان فتحة السقف طريقة فتحها مش هتبقى زي الفبريكة لانها هتتفتح لبرة زي العربيات الكوبيه وهتقلل من تمن العربية ساعة البيع لانك هتقع في الصاج طبعا