هغير أربع فرد كاوتش على نفس الجنوط هل محتاج اعمل ترصيص ؟

**a raafat** · 21-08-2014 05:32 PM

السلام عليكم

انا يا جماعه نظرا لان اللكاوتش عندى رايح فى داهيه وكل فرده مقطوعه وجاب اخره معايا فاللاسبوع الجاى هغير الاربع فرد
انا الاسبوع اللى فات كان عندى مشكله ان العربيه بعد سرعه 100 الدركسيون بيرعش وده لانى العجله اللى قدام نامت ومشيت عليها كتير هيا نايمه خالص المهم روحت أرصص زى ما ناس كتير قالتلى والراجل فى المحطه حط حتت حديد كده على أحرف الجنط وطلعت اجرب اترعبت والوضع ازداد سوء لانى من قبل ما اوصل لل 80 لقيت العربيه بترعش من قدام بشكل مرعب وصوت عالى لقيت ورجعتله قولتله شيل الترصيص ده شال حبه من الحديد اللى كان مركبه وقالى خلى بالك اباشا العجل عندك وحش انت لو العجل كويس مع الترصبص مكنتش هتلاقى حصل كده
المهم طلعت جربت وجبت لحد قبل ال 100 ملقتش رعشه ولا حاجه كنت عايز اعدى الميه واشوف بس الطريق مسمحش

فأنا عايز اعرف بقى هل الترصبص القديم اللى كان على اساس ان العجل سئ جدا لما اركب العجل الجديد هيبقى فيه خلل ؟ وهتحتاج ارصص من جديد ؟ ولا أشيل الترصيص خالص وامشى مطمن عشان الكوتش جديد ؟ ولا اسيبه زى ما هوه ومعملش حاجه ؟

**Ahmed.Essam** · 21-08-2014 05:43 PM

مادام هتجيب كاوتشات جديدة يبقى لازم ترصص ده طبيعي لانك هتفك وهتركب
وخلي الراجل يبص على الجنوط عشان لو فيها عوجان يستعدلها
وبعدها اطلع بالعربية على الطريق وجرب وان شاء الله هتلاقي الدنيا تمام

**mohamedbook** · 21-08-2014 05:44 PM

بما انك فكيت فردة الكوتش من علي الجنط اكيد لازم ترصص
وياريت ترصص في مكان تاني غير الي الراجل رصصلك فيه لان سوء حالة الكوتش لو ممسوح او غير ممسوح مش هياثر اوي علي عملية الرفه الي في العجلة الترصصيص بيحلها
انت ترصص في بردج استون يكون افضل

**a raafat** · 21-08-2014 05:52 PM

تمام يا جماعه
شكرا عالرد والاهتمام
طب هوه بتاع الكاوتش معندوش جهاز ترصيص ؟ ممكن بعد ما يركب يرصص هوه ولا هحتاج اروح لمكان تانى
وياريت لو فيه مكان محترم فى أسكندريه قولولى عليه انا المره اللى فاتت روحت بنزينه فى الشاطبى عالبحر وقبل ما يشتغل قالى العجل وحش جدا الترصيص مش هيحل المشكله بس ممكن يحسنها بنسبه 50 % فقولتله رصص دلوقتى على ما اجيب عجل جديد وبعدين زى ما قوللتلكوا الموضوع اتنيل اكتر من الاول ولما رجعتله قالى عشان العجل عندك وحش وهنا قررت اغير اربع فرد

**Ahmed.Essam** · 21-08-2014 06:01 PM

المشاركة الأصلية كتبت بواسطة a raafat

تمام يا جماعه
شكرا عالرد والاهتمام
طب هوه بتاع الكاوتش معندوش جهاز ترصيص ؟ ممكن بعد ما يركب يرصص هوه ولا هحتاج اروح لمكان تانى
وياريت لو فيه مكان محترم فى أسكندريه قولولى عليه انا المره اللى فاتت روحت بنزينه فى الشاطبى عالبحر وقبل ما يشتغل قالى العجل وحش جدا الترصيص مش هيحل المشكله بس ممكن يحسنها بنسبه 50 % فقولتله رصص دلوقتى على ما اجيب عجل جديد وبعدين زى ما قوللتلكوا الموضوع اتنيل اكتر من الاول ولما رجعتله قالى عشان العجل عندك وحش وهنا قررت اغير اربع فرد

الطبيعي ان اي حد بتاع كاوتشات عنده ترصيص بس مقدرش اقولك على حد معين لاني مش من اسكندرية
شوف مين كويس عندك في اسكندرية وروحله
هتجيب الاربع فرد وبص على توصيات شراء الكاوتشات هنا في المنتدى الاول
وتخليه يبص على الجنوط ويستعدلهم لو فيهم عوجان
وبعدين تركب الاربع فرد في الجنوط وترصصهم وتتوكل على الله وكله هيبقى تمام

بالتوفيق ان شاء الله

**Adnfalcon** · 21-08-2014 08:13 PM

اشتري و رصص من أول وجديد طبعا عند مكان محترم

**a raafat** · 24-08-2014 12:08 AM

شكرا يا جماعه على الردود الوافيه والاهتمام
انا النهارده غيرت الأربع فرد بأربعه جداد والراجل من نفسه شال الترصييص القديم ورصص من جديد وجربت العربيه لحد سرعه 90 كانت تمام جدا طبعا معرفتش ازود عن كده الطريق مسمحش
الكاوتش اللى جبته نوعه كومهو ايه رأيكوا فى النوع ده ؟