الله يبارك فيك و شكرا لذوقك :)
الله يحفظكم ويبارك فيكم , وأنا متفق معكم بخصوص الحركة اللي عملها الطارق مش ظريفة نهائياً من فصل العداد ونقل السيارة سفراً وأخيراً خبطة الباب وكان مفروض استغل الملاحظات دي وأطلع منهم بأي مصلحة :fdsa:
وطبعا كان من حقي ارفض استلام السيارة لكن هضطر وقتها الانتظار مرة أخرى ويا عالم هيجيبوا العربية بعد كام يوم والتحرك من غير العربية صعب بصراحة :36_2_49[1]:
عموما الخبطة بسيطة الحمد لله ماحدش يلاحظها غير اللي يدقق فيها والحمد لله على كل حال.
العربية مش بيجي معاها أي حاجة إضافية ومعرض الطارق بخلاء لأبعد حدود مافيش غير دواسات ورق حطوها للعربية :grin54:
شكراًَ لكم جميعا على ردودكم .
الله يكرمك ويبارك فيك , الحمد لله حصل خير :thinking:
الـ L3 شفتلها صور وفيديو بردو محترمة جدا وشكل ما شاء الله منتهي الفخامة وتجهيزاتها فوق ممتازة. يكفي أن السيارة بتكنولوجيا يابانية وجميع وسائل الأمان متوفرة بجانب الشكل الخارجي الجذاب , ميزة كمان انها هتنزل أوتوماتيك ودي مش موجودة في سيارات سبرانزا حتى الآن.
اللي منعني من التفكير فيها عدم انتشارها في الاسكندرية لدرجة انها موجودة لدى توكيل الأمل فقط وأحيانا لدى المصرية بجانب سعرها كان يفوق ميزانيتي وأنا ماحبيتش أستنى أكتر (تفرق عن الإنفي بـ10 آلاف تقريبا) .
حضرتك الأفضل تنزل تعاين الاتنين بنفسك على أرض الواقع وتشوف هترتاح لمين أكتر وتبقى شايف ان السيارة تستاهل السعر اللي هيدفع فيها. ربنا يوفقك للاختيار الأفضل. ومبروك مقدما :))
الله يحفظك ويبارك فيك , شكراً لك على دعواتك لك بالمثل إن شاء الله .
رامي باشا نورت الموضوع , ألف شكر على ردك وملاحظاتك . ربنا يكرمك ويبارك فيك
- بالفعل استلمت ضمان الكاسيت لكن مانوال السيارة لسه , إن شاء الله هتواصل مع الطارق أشوف الوضع ايه.
- موضوع العداد المفصول قفلني وقلت اكيد اللي جاب العربية من القاهرة عمل السليمة فما بقتش فارقة وجريت براحتي بس متوسط السرعة تقريبا 130كم/س (من حساب المسافة والزمن :biggrin24:)
- فعلا جربت العربية بحمولة كاملة والحمد لله الارتفاع مناسب لشوارع المحروسة .
- السخونة شايف انها طبيعية حاليا والغيارات في رينج 2.5 هحاول أقللها لـ2 .
- موضوع الكراسي الأمامية مش عارف أضبطها خالص خصوصا للكرسي بجوار السائق , لكن بدأت أتأقلم مع الوقت.
- بما إنك هتروح الصيانة قبلي فياريت لو تكرمت تشوف موضوع السماعات لو بتركب عند التوكيل وتكلفتها كام.
- المشكلة اللي متفقين فيها ترزيع العفشة وضعف الفرامل , ربنا يستر ويكون ليها حل في أول صيانة.
شكراً مرة تانية وسعيد جدا بانضمامي لملاك الإنفي :7bteen:
(ربنا يحفظها ويديمها نعمة ويحفظها من زوال)
حبيبى قلبى:B4_007: النور نورك و نور جميع الاعضاء بالمنتدى تسلملى يارب يا غالي و ربنا يباركلك ف السيارة و انا فرحان كتير انك استلمت السيارة و انك مبسوط منها
بالنسبه لموضوع العفشة و فرامل اليد تحديدا دى حاجات بسيطه جدا و بتتحل ف الصيانه اكيد باذن الله انا خلاص قربت عامل لغايت دلوقتى 709 كيلو مستنى تعمل 750 كيلو و اسافر ع الكيلو 32 إن شاء الله و عامل حسابى اسيب 250 كيلو للسفر من بورسعيد لمصر اسكندريه الصحراوى
اما بالنسبه لموضوع السماعات فهوة ليس له علاقه بالصيانه خالص لان الى بيعمل السمعات و يغيرلك الكاسيت هوة ضمان الكاست ممكن تتصل بيهم و عاملين عروض تبديل الكاسيت بتاعك بكاسيت جى بى اس تاتش و كاميرا و مخادع كمان .. انا بس هسالهم فيه مشكله لو قطعت ف الصاج علشان اركب سماعات خلفيه بالكوبيستا فقط و ربنا يسهل و اشوف هيقولولى ايه !!!:rfds:
كان نفسي اركب نور زينون ف الشابورة لكن واحد راح الصيانه و سالهم علشانى رفضوا و قالوا غير قابل للموصفات .. و الله انا مستغرب دة انا هركبه عندهم و رافضين لانها ضد موصفات السيارة كان الواحد اول مرة يركب سيارة مثلا:frown:
الله يكرمك يا غالي كلك ذوق :wub:
ربنا يطمنك وإن شاء الله تكون حاجات بسيطة يعملوها في أول صيانة .
موضوع السماعات مش عايز اعمله من نفسي عشان ما يحصلش مشاكل على الضفيرة وكهربة العربية وتخرج برا الضمان , عالأقل اخليهم في التوكيل يمدو الأسلاك صح .
مش فاهم ليه التوكيل بيرفض يركب أي إضافات ولو هتركبها برا يقولك تطلع من الضمان :g:
بالتوفيق ليك إن شاء الله وياريت تعرفنا لو وصلت لأي جديد :tumb:
فى البدايه الف مبروك وربنا يبارك لك فيها يكفيك شرها.
بخصوص موضوع الزينون انا حاولت اركب زينون عليها من شارع دمشق مش قابل لان العربيه دى الكهربا بتاعتها Canbus مش ضفيره عاديه علشان كده بيقولوا فى التوكيل
غير مطابق للمواصفات .
ولقيت النوع الوحيد اللى ممكن يركب عليها هو الفيليبس الاصلى عند السجان وتمنه 1200 جم الجوز العالى فقط أو الواطى فقط .
وارجع للمنتدى انا كنت ناشر عن الموضوع ده . لكن صرفت نظر عن موضوع الزينون ده .
العربيه كويسه جدا والحمدلله انا راضى عنها بعد قطع 12 الف كم باستثناء مكنة زجاج الكهربا المجاوره لى بتخبط وفصلت وانشاءالله حشوفها فى الضمان لما أروح صيانة ال 15 الف
وانا مش قلقان لأنهم كويسين جدا فى التوكيل ومريحين ... واى مشاكل بيحلوها لان المنافسه شديده عليهم .
والسلام عليكم